روايــة #أصحاب_ونسايب
الحَـــلْـــقـــة الــسادســة 🌸
وصال خافت نزلّت إسراء من راسها و دارو وضع انبطاح : حي على امنا مشينا فيها إعدام 😑
اسراء : اطلعي بسرعة ،، طلعو يجرو لدارهم
وليد وقف : باهي امالا مانعطلكمش ليل
عمر والولاد طلعو : هي سلامات ...
____________
خش وليد للحوش و لداره طول ، بدل حوايجه و رقد على سريره ، اتصل بفرح ...
فرح فتحت الخط : آلو
وليد : هلا بِالغلا
فرح ضحكت بصوت خفيف : اهلين بِ الغالي
وليد : شن جوها البيبي
فرح : مستاحشاتك و نراجي فيك من بكري لين طار عليا النوم
وليد : .........
__________
تاني يوم ساعة 04:30 م
فرح وعمر ف الطريق مروحين من المطار
( فرح تبكي )
عمر يضحك : بلا بِبّي عاد .. و ياسر من الدموع وانتي على سبلة
فرح : ماما بتخليلي مكانها و الحوش بيفضا عليا
عمر : وصلاح ؟ 😂
فرح ضحكت : يعني مش هلبا
عمر : تو كل يوم نديرو جو مليح باش ماتقلقيش شن رايك
فرح : كيف ؟
عمر : كل يوم نديرو برنامج ، مرة نطلعو و مرة نرفعك لحوش حناي ولا حوش وحدة من خالاتك و مرة يجوك صاحباتك ولا تمشيلهم ،، يعني مانخليكش تقلقي بكل
فرح : ايه يارييييت
عمر : لكن اليوم بنشوف سرور ماعندي وين بنرفعك
فرح : اليوم عيد ميلادها وله ! طلعلي ف الفيس
عمر : ايه
فرح : شن خديتلها
عمر ضحك : لازم تعرفي ؟
فرح : والله الا ما تقول
عمر : تليفون
فرح شبحتله : شني امالا هادي ماتشبعش من التليفونات
عمر : تليفونها الاول بدي يستاكة و الكاميرا متعه ماتصورش مليح
فرح ضحكت : ههههه عديه ع الموشم
عمر ضحك : تبي نحطك عند حناي ؟
فرح : لالا ، ريحان جاية بايتة عندي الليلة و وصال بتجي حتى هي بتسهر معانا
عمر : اهو ماشاء الله بادية تخططي لعطلتك
_________
إسراء تلبس ف وشاحها ع المرآية في دارها : بري معانا لحوش حناي البنات كلهم ماشيات
وصال : لالا البسبوسة قريب اتطيب بنرفعها معاي لحوش فرح ، لأن هيثم سمعته قال بيمشي معاهم بيحضرو الكورة عند عمر
إسراء ضحكت : اه نسيت موضوعه
وصال : في الاول وليد قالي لا لين فرح كلماته
إسراء : حبيبت القلب عاد كيف يرفضلها طلب
وصال ضحكت : مدايرتلي راي مليح معاه
خش عليهم وليد : وصال ساعة و نجيك ماتشحطينيش زي كل مرة
وصال : باهي
وليد شبح لإسراء : غيري سروالك ضيق و قولي لأمي تطلع بسرعة اني تلقوني ف السيارة .. وطلع من الدار
اسراء : وااااك 😤
وصال : ماتلبسيش سبيدروك البودري نبيه
اسراء : عينك عابية عليه .. البسي اي حاجة تانية
وصال تأففت : مبردك 😒 ... و طلعت
غيرت اسراء سروالها و طلعت من الدار ..
فتحية تلبس في جبتها في وسط الحوش : وصال بسبوستك حسها انحرقت بري شوفيها
وصال : لالا مازال شوية
اسراء : ياسعد اللي بياكلوها
وصال ضحكت : صحتين على قلوبهم ان شاء الله غير اتدير مفعول
فتحية : مفعول شني !
وصال : شي نتسهوك 😂
فتحية : باهي سكري وراك الباب كويس و تأكدي من الكوشة مطفية
وصال : شن تحسابيني صغيرة ! نعرف بروحي
_________
