نحن نعيش....
لكي نرسم ابتسامة.....
ونمسح دمعة.....
نخفف الماً.....
ولأن الغد ينتظرنا.....
و الماضي قد رحل....
وتواعدنا مع افق الفجر الجديد.....
نحن نعيش....
لأن هنالك من نستحق ان نقف معه.....
ونفرح معه.....
ونبكي معه....
ونضحي من اجله....
واخيرا نمو...
في بعض الأحيان.... تعتاد عين الإنسان على بعض الألوان..... فيفقد القدرة على أن يرى غيرها..... ولو انه حاول أن يرى.... لاكتشف ان اللون الاسود جميلاً..... ولكن الابيض اجمل منه..... وان لون السماء الرمادي..... يحرك المشاعر والخيال...... ولكن لون السماء اصفى في زرقته..... فابحث عن الصفاء ولو كان لحظة...... وابحث عن الوفاء ولو كان متعباً..... وتمسك بخيوط الشمس ولو كانت بعيدة..... ولا تترك قلبك ومشاعرك وايامك..... لأشياء ضاع زمانها ❤️
في قصر من افخم قصور الخرطوم تحديدا في جناح البطلة......
كان الجو باردا جدا❄️❄️.....وكانت الغيوم الكثير متلبدة السماء....مما جعل لونها الازرق الصافي..يتحول لرمادي....كان الجو عموما جميلا جدا...ومناسب لشارع النيل (خربتها صاح😂🙊)
امها وهي بتفتح في الشبابيك:قوووووومي بطلي كسل هي:اوووووووف ماما اقفلي الشباك..برررررد امها:لا ما بقفلو قوومي هي:مام اقول دقيقتين امها:ولا ثانية اصلا انا قلت ليك النوم الكتير دا بكسر ليك جسمك وانتي جنك نوم و بعدين تجي تقولي لي ظهري واجعني رجلي واجعاني وراسي لافي هي:Zzzzzzz 😴 امها بنهره:ياسمييييييين ياسمين:خلاص مام قمت.... تعالوا نتعرف على ياسمين
ياسمين:بطلة روايتنا عمرها 18 سنة بتقرا في تانية طب بت كيوووت شديد و مرحة....شعرها اسود حالك لنهاية خصرها......طولها كويس جسمها ولا اروع......عيونها لونها رمادي فاتح نسبة لحبوبتها التركية وواسعة وكحيييلة.....اهم شي حلبية بياضها صااارخ.....بتلبس عدسات سوداء عشان تخفي لون عيونها.....جريئة شويتين بس حساااسة وعفوية شديد..... بتخاف من حاجة اسمها حيوانات بطريقة ما طبيعية وبتخاف من الظلام كمان.....بتتكلم خليجي لمن تكون خايفة او زعلانة.....بتتنرفز لمن زول يقول ليها حنكوشة......بتحب الاطفال بطريقة ما طبيعية وبتطمح لانها تحقق حلمها وهو انها تكون دكتورة اطفال....بتحب ليها واحد لكن ما متأكدة من مشاعرو ناحيتها
زقامت من السرير دخلت الحمام استحمت وطلعت قعدت في التسريحة ظبطت روحها وكان ميكياجها خفيف لبست عدساتها و لبست بنطلون اسود وبلوزة شتوية طويلة وشالت شنطتها ونزلت تحت لقت كلهم في السفرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ياسمين:السلام عليكم الكل:وعليكم السلام باست امها وابوها في رأسهم وسلمت على اخوانها
محمد مالك ابو ياسمين رجل اعمال مشهوور وناجح عندو شركات داخل وخارج السودان غير شركات العائلة كانوا عايشين في كندا بعدين جو قطر اولادو كلهم اتولدوا واتربوا هناك لكن جو قبل سنتين عشان ياسمين تمتحن تالت بعد الحاح اخوانو انو مافي احسن من الشهادة السودانية
سارة احمد دي امهم يلا سارة دي امها تركية لكن عاشت كل عمرها في السودان مرة ظريفة شديد لكن بعد مرات بتفتح محاضرات تاني ما بتسكت عندها شركة ازياء
محمد:سامر كيفك مع الشركة؟؟
سامر دا اخو ياسمين الكبير عمرو 25 سنة طويل ومعضل ولونو حنطي وسيم وجذاب عيونو واسعة وبنية شعرو اسود وسكسوكتو خنفشارية انسان فيهو شوية برود كدة وياسمين بتعتبرو ابوها التاني وهو بموت فيها عندو شركة شراكة مع صحبو
سامر:الحمد لله ماشي الحال سارة:الله يوفقك يا ولدي ويبعد عنك اولاد الحرام سامي:سامعة يا ياسمين نحنا لينا الله
سامي الملقب بسام اخو ياسمين التاني عمرو 21 سنة بقرا اسنان مجنون بحب ياسمين مووووووووت طويل ومعضل لونو افتح من سامر شوية عيونو زي سامر س بلبس نظارات وعامل تقويم شعرو اسود لنهاية رقبتو ياسمين بتحبو وهو عارف عنها اي حاجة وبفهمها بالطاير وعلى طول
ياسمين:وانت الصادق سام:لا انا سام 😂👊 ياسمين:في زول قال ليك انو دمك تقييييل 😑😒 سام:انت اول زول يا قلبي ياسمين:اسكت نحنا كنا بنقول في شنو؟! سام:انو لينا الله ياسمين:اي احم اي والله كأنو مافي زول غير سامر في السفرة سام:اصلا يا زولة انتي شايفاني غايتو انا ما شايفك ياسمين:لا ما شايفاك سام:يبقى مافي زول غير سامر والحاج والحجة سارة:انتو عاوزين تصلو لشنو؟؟!! ياسمين وسام:........................................... سامر:هيه مش امي دي بتتكلم معاكم؟! سام:يعني انتو شايفننا؟!! محمد وهو بضحك:ياولد سامي انت جنك دا بتبطلوا متين؟! سام:سوري داد لكن انت عارف انو دا جزء مني سارة:بطلوا كلام كتير ويلا على الجامعة ياسمين:ماقادرة اسوق سام:بوصلك انا ياسمين:اسكت انا مادايرة امشي سارة:,سمعتك بطلي كلام كتير وقومي ياسمين:اوووف ارح ياوش الفقر سامر:منو وش الفقر ياسمين:الجمبك دا سام:بسم الله اسي انا سألتك ياسمين:حتقوم ولا لأ سام:خلاص قمت
