عشقي الازلي❤️

* 18 *

في شركة سامر......
اسامة دخل لسامر المكتب ولقاهو خاتي يدينو في راسو....جاهو سريع وقال ليهو:في شنو اهلك كويسين؟!
سامر رفع راسو وعاين لصاحبو واخوه وابتسم بعد ما خت يدو في كتف اسامة:ما تخاف كويسين الحمد لله..
فجأة سمعو صوت حاجة اتكسرت برا ومشو على مصدر الصوت...لقوا انو دي نور سكرتيرة سامر واقعة في الارض بدون حركة.....
سامر شالها ومشو بيها المستشفى...

في المستشفى.....
محمد:في شنو مالها؟؟
الممرضة: المريضة نبضها وقف...
محمد خت يدو في راسو...واسيل اغمي عليها....واياد طلع برا....ورزان دموعها نزلت....وفهد...فهد كان قاعد في الارض وببكي..ااااخ يا ياسمين بكيتي فهد..فهد المستحيل دموعو تنزل مهما عمل وحصل💔
فجأة فهد قام على حيلو زي المقروص وجرى على المصلى...
اسيل دخلوها غرفة وادوها درب...
محمد حضن رزان بدون م يحس وهمس ليها:محتاجك..
رزان بنفس الهمس:وانا معاك في كل لحظة..(ما وقتكم يا حبايبي نحنا عندنا مريضة نبضها وقف😒)

سام وامو وصلوا المستشفى وسام لقى اياد قاعد برة ودموعو نازلة....
سام جرى عليهو وقال:اياد في شنو انتو مالكم..قبيل فهد صوتو كأنو باكي في شنو..
اياد عاين ليهو وقال بصوت مبحوح ومحشرج:ياسمين(خربتها😫)
سام قلبو وقف:ياسمين؟!!ياسمين مالها في شنو؟؟...
سام ولا انتظرو يجاوب طوالي جرا دخل جوا ولمن سأل منها..قالوا ليهو في غرفة العمليات.....

سامر واسامة وصلو المستشفى مع السكرتيره....
سامر:دي عربية فهد..ودي عربية سام
اسامة:ودي عربية اسيل...
سامر:في شنو يا ربي
اسامة:استر يا رب..
دخلو جوا والسكرتيرة دخلوها الفحص جمب العمليات....

سام وصل العمليات وقالو ليهو انها عملت حادث بعد ما طلعت من الجامعة بس ما قالو ليهو انو نبضها وقف....
سام كان ماسك راسو ودموعو خلاص عايزة تنزل...كيف ما تنزل ودي ياسمين..صحبتو وامو واختو وحبيبتو وبتو..بدونها ما بقدر يعيش..ممكن يكون بحب ياسمين اكتر من امو عادي..
سام رفع راسو وشاف فهد جاي من المصلى بس جرا عليهو مسكو من ياقة قميصو وهو بقول:انا متأكد دا منك انت..ياخي قريبه منك كانت معذبة....حتى وهي بعيدة منك ما داير تخليها تتهنا...حرام عليك ياخ سوت ليك شنو..عملت ليك شنو..ولصق فيهو بوكس لمن رعف بعداك قال:اقسم بالله يا فهد اقسم بالله تلاتة ياسمين تحصل ليها حاجة ورب الكعبه ح تلحقها....(هذا زول يكوووف...انا كفت سديييد😓😯)

اسامة وسامر جوهم مع كواريك سام...ولقو فهد رعفان....
سامر:في شنو يا جماعه مالكم؟؟
سام وهو بتكلم مع فهد:شوف هدا انا كلمت خلصت من حسام وباقي دورك بس هي حلفتني ولا كان كنت حاليا معاق ولا كنت في خبر كان..
اسامة وسامر مصدومين من طريقة كلام سام مع فهد....لانو فهد كان صاحب سام شدييد...
اسامة:بسم الله سام مالك في شنو؟؟
اسيل طلعت من غرفتها ودموعها نازلة....
سامر شافها ومشى عليها:اسيل في شنو مالكم..
اسامة جاهم:اسيل مالك؟؟
اسيل ودموعها نازلة حضنت اسامة وقالت ببكاء:ياسمين...
سامر مخو وقف كلو كلو...واسامة جاهو شلل نصفي وما قدر يحضن اسيل....
سامر مخو اشتغل تاني: ياسمين مالها؟؟

بهناك في غرفة العمليات....
الدكتور:اضغطي على القلب..
الممرضة:مافي استجابة يا دكتور
الدكتور:اديني جهاز الشحنات..
الممرضة ادت الدكتور الجهاز والدكتور بدا يضغط على قلب ياسمين...بس ما كان في استجابة...
قاطعهم صوت الجهاز المزعج ليعلن نهاية حياة ياسمين....
الممرضة:دكتور نحنا فقدنا المريضة..
الدكتور هز راسو بأسف....

سامر:ياسمين مالها؟؟
رزان:نبضها وقف..
سمعو شهقة من وراهم ولمن اتلفتو لقوها سارة امها....
سام مشى عشان يرفعها بس الدكتور طلع وقال:الدوام لله احسن الله عزائكم...
اسيل وقعت تاني..ورزان داخت...وفهد قعد في الارض...ومحمد دموعو نزلت...سامر كان متصنم وكذلك اسامة...الا سام فك امو وجرى على الغرفة ومسك يدها الباردة وشغال ليها:ياسمين ياسمين قومي انتي وعدتيني انك م ح تخليني ما ممكن معاك ياخ قومي ياسمين انتي وعدتيني انك ح تجرتكيني بيدك وتتذكري قلتي انو اول بت لي اسميها ياسمين وغصبا عني تتذكري.. ياسمين خليتيني لمنو..ياسمين تاني اشكي همي لمنو انا..تاني موو الحيهتم بي..تاني منو البشغلها لي لمن اتكلم مع ريم..ياسمين عليك الله ياخ..خليتيني لمنو يا ياسمين خليتيني لمنو..وبدا يبكي بصوت عالي..وفجأة قام على حيلو وقال للدكتور:شغلو
الدكتور:شنو هو؟؟
سام:شغل جهاز القلب
الدكتور:بس...
سام قاطعو وقال:انا دكتور شغلو سريع..
الدكتور شغل الجهاز وختاهو في قلب وفجأة الجهاز اشتغل وقلبها اشتغل تاني❤️
الدكتور وهو بعاين لسام باندهاش:سبحان الله انكتب ليها عمر جديد💕
سام ابتسم وباس راسها....
الدكتور:مافي داعي تخلوها هنا انقلوها العناية الصغرى لغاية ما تصحى...
سام طلع ولاقتو امو:بتي وينها..سامي اختك وينها..وينها اختك.
سام حضنها ودموعو نزلت..وقال:امي ياسمين كويسة اصلا هي كدة بتحب تلعب بأعصابنا وبالذات اعصابي انا...

يتبع....❤️

نتلاقى في جزء تاني أن شاء الله...
عشقي الازلي ٢...