عشقي الازلي❤️

* 14 *

في جناح ياسمين.....
كانت بتتكلم مع اسيل....
اسيل:مشيتي وين انتي خليتيني؟!
ياسمين رفعت حاجب وقالت:مالك صغيرة و لا صغيرة
اسيل:ياسمين انا جادة معاك
ياسمين:ههههه مشيت لماما وبابا
اسيل:تمام
ياسمين:عندي ليك خبر بمليوووووووووون جنيه
اسيل:اووف مليون بس
ياسمين:خلاص ما تزعلي...خبر بدلشيون ترليووون دولار
اسيل:لا دي اوڤرية عدييل كدة اها الحصل شنو؟؟؟
ياسمين:اقول ليك
اسيل:اي
ياسمين:امممم اقول ليك ولا ما اقول ليك
اسيل:ياسمين ياخ
ياسمين:يا ربي اقول
اسيل وهي خلاص ح تقوم تقتلها: ياسمييييين
ياسمين:لا خلاص ما ح اقول ليك غيرت رايي
اسيل قامت عليها وخنقتها: ياسميييين ح اقتلك ح اقتلك...وبدون قصد لزتها على الحيطة وياسمين ضربت راسها....
اسيل اول ما شافت ياسمين سريع جرت عليها ووقفت وراها عشان تشوف راسها....وفجأة شافت رقبتها وشافت الوشم....قامت صرخت..وبصرختها سامر جا داخل سريع وقال بخلعه:في شنو مالكم؟؟؟😳😳
اسيل اتحرجت وقالت:ها لا مافي حاجة
سامر:متأكدين..ياسمين في شنو؟
ياسمين:انا عارفة فجأة اسيل دي صرخت يمكن متلبسها جني
اسيل اكتفت بقرصة في نص ظهر ياسمين... قرصة بمثابة قرصة عقرب🦂....بس ياسمين بتسكت صرخت صرخة تجيب الرايح😂
سامر:هيه في شنو مالكم انتو؟!
اسيل وهي جارة نوور في ياسمين:مافي حاجة شكلو قرصتها نملة
ياسمين بألم:نملة قولي عقرب
سامر المسكين صدَق:عقرب هو بيتنا دا نملة مافيهو
ياسمين عاينت ليهو وقالت:اسمع يالحبيب ما كأنك كترتها شوية
سامر:ياسميين😒
ياسمين مسكت خشمها🙊
سامر:على العموم انا طالع عاوزين حاجة
اسيل:سلامتك
سامر ابتسم وقال:أن شاء الله يلا باي
اسيل بابتسامة:باي
سامر طلع وياسمين كانت بتعاين لاسيل...اما اسيل كانت بتعاين للباب وراسمة ابتسامة حالمة....
ياسمين النذالة عندها اشتغلت طقطقت اصابعها قدام وش اسيل وقالت:يا حبة اي اخوي قمر لكن ما للدرجة دي😌
اسيل:شنو قصدك شنو ها اتكلمي سريع😑
ياسمين ابتسمت بخبث وقالت:قصدي أنو سامر طلع من الغرفة وبكون وصل الصين وانتي لسة بتعايني للباب
اسيل اتحرجت ونزلت راسها بس بعدين رفعتو سريع لمن اتذكرت الوشم..قرصت ياسمين في يدها وقالت:خليك اسي مني ومن سامر وريني اللي رقبتك دا شنو؟!
ياسمين لمست رقبتها وقالت بارتباك:مالا رقبتي فيها شنو؟
اسيل:ما تمثلي لي فيها الملاك النازل من السما الوشم دا جبتيهو من وين وكيف ومتين؟؟
ياسمين:امم خلاص اسمعي تتذكري لمن سافرت لسامر في كندا قبل تلات سنين تقريبا
اسيل:اها
ياسمين:يلا كان في وحدة قاعدة معاهو في الفلة..
اسيل:شنووو قاعدة معاهو؟!😱😱😱
ياسمين:اي كانت بتقرا معاهو اسمها انجلينا قالت انها م لقت مكان كل الغرف السكنية مستأجرة وما لقت بيت وشقق المهم كانت قاعدة مع سامر...يلا انجلينا دي بتكرهني بطريقة ما طبيعية وهي كانت معجبة بسامر...وسامر ما كان بحبها نهائيا كانت واشمة في يدينها ورقبتها...يلا يوم سامر طلع مع اصحابو ودادا موضى مشت السوق كنا انا وهي بس..يلا جابت لي كباية عصير شربتو بحسن نية وبعداك اغمي علي..صحيت اليوم التاني وكانت رقبتي واجعاني شديد وطبعا هي في رقبتي ورا ما شايفاها..المهم نزلت لدادا موضى وقلت ليها شوفي لي رقبتي..قبل ما تشوفها لي سامر جا نازل وشايل ورقة في يدو..كانت رسالة من انجلينا كاتبة فيها انو هي رجعت مدينتها وانها اسفة..المهم دادا موضى وسامر شافو الوشم وسامر قال لي:مع انها عملت ليك وشم لكن عملتو ليك حلو😂
بتذكر دادا موضى قالت ليهو انا في شنو وانت في شنو اسي نقول لابوك شنو..المهم سامر ضرب ليها وسألها قالت ليهو انو انت كنت بتكرهني عشان الوشم وانا اسي وشمت لحبيبتك عشان هي مسلمة والوشم عندكم حرام😂😂..ولمن رجعت السودان وبابا شافو زعل من سامر وقال ليهو شهر بس جبتها واشمة لو قعدت معاك السنة كان جبتها كافرة😂...اسبوع كان ما بتكلم معاهو بس في النهاية مشينا الموضوع عادي
اسيل:وااي لكن يا ياسمين بالجد كلام سامر صاح مع انها واشمة ليكي بس حلو..
ياسمين بغرور مصطنع:انا اصلا حلوة..
اسيل:ما بمدحو الغرور والله😒
ياسمين:i love u
اسيل: love u 2 لكن المناسبة شنو؟!
ياسمين رمشت بعيونها وشبكت يدينها ببعض احساس خجلانة يعني وشغالة تتبسم وتتكشم
اسيل عاينت ليها بعداك فتحت عيونها كبار:ما تقولي لي احضر ليك البحث😨
ياسمين مسكت يدين اسيل وقالت:بلييييز يا اسيل رجلي واجعاني
اسيل رفعت حاجب وقالت:رجلك الدخلها شنو في البحث😑😒
ياسمين:ما لو رجلي واجعاني ما بقدر اقعد عشان احضر ولو ما حضرتو الدكتور بشاكلني ولو الدكتور شاكلني ح.....
اسيل قاطعتها:خلاااااص...طيب ما تدي راجلك يحضرو ليك
ياسمين:راجلي منو؟؟
اسيل وهي قاصدة عاوزة تشوف ردة فعلها:فهد
ياسمين نزلت راسها وطوالي دموعها نزلت...اسيل شكت او اتأكدت انو ياسمين اتشاكلت مع فهد...اسيل ختت يدها في كتف ياسمين وقالت:نونو المشكلة شنو؟
ياسمين بكاها زاد شدييد وبقت تشهق..اسيل حضنتها وقالت:خلاص يا نونو خلاص ما ضروري تحكي...
شوية كدة وياسمين هدت وحكت لاسيل القصة..
اسيل كانت بين مصدومة ومدهووشة ومستغربة..
اسيل:طيب يا ياسمين يمكن حسام كذاب
ياسمين:مستحيل لأنو حلف تلاتة مرات
اسيل هزت راسها وقالت:ما عارفة بس القصة ما راكبة لي نهائي يعني كيف عرف انو فهد قال كدة
ياسمين:قال سمعو بتكلم بالتلفون
اسيل:طيب سمعو وين وكيف ومتين؟؟
ياسمين:ما عارفة
اسيل:والله القصة ما راكبة لي..لكن يا قلبي انتي كان مفروض تسمعي كلام فهد برضو..
ياسمين شالت نفس وقالت:ممكن نقفل السيرة دي
اسيل بلعت ريقها وسكتت لانو ياسمين اذا زهجت او زعلت لو بقيت منو داك ما بتشتغل بيك بتفلق بأقرب شي😂😂

في فلة عمر ابو التومات.....
هنادي:اها قلت شنو؟؟
عمر:والله زاهر والنعم فيهو م بترفض لكن انتي سألتيها؟؟
هنادي:لالا قلت اكلمك اول
عمر:انا ما عندي مشكلة نهااااائي
هنادي:واسيد خطب التانية دي..اسمها منو(عاد يا خالتو هنادي بالغتي بوووليغ في زول بنسى اسم بتو😨😒)
تمر:اسيد ولد خالد اخوك
(خالد ابو ناس اسيل راضع مع ناس محمد ابو ياسمين يعني هو عمهم بالرضاعة وناس اسيل اولاد عمهم بالرضاعة)
هنادي:اي
عمر وضحكة للضرس الاخير:والله احسن اتنين جو لبناتي والحمد لله
هنادي:يعني موافق على اسيد؟!
عمر:ابقى مجنون لو رفضتو
هنادي ابتسمت:الله يقدم الفيهو خير....

في احدى ضواحي الخرطوم....
توقفت سيارة البرادو السوداء ونزل منها ذلك الشاب الوسيم بعد أن فتح له حارسه الشخصي باب السياره....توجه ذلك الشاب الى تلك البوابة الحديدية الضخمة..حيث يصرخ شاب اخر:ياخي فكوني انتو ما عارفين انا منو؟!فكوني ياخي حرام عليكم؟!البتعملو فيهو دا ما برضي الله
جاهو صوتو الساخر وهو بقول:هو انت بتعرف الله اصلا؟😏
سكت ذلك الشاب لمسافة سوف قال بتردد وكأنه خائف أن تصدق شكوكه:س سامي؟؟
سام:لا ما سامي..انا اخو ياسمين
حسام بلع ريقو وقال:سامي دي شنو البياخة دي ما عارفنك اخو ياسمين..طيب فك لي عيوني
سام:بالجد ولمن كنت داير تأذيها ما فكرت انها اختي...ثم تحول صوته الى صوت مرعب:كلمة ورد غطاها ياسمين ما اشوفك قربت منها سنتي والا اقسم بالله العظيم ياحسام بنتهي منك فهمت حاليا انا ح اديك قرصة اذن عشان تعرف ياسمين دي شنو بالنسبة لي
حسام:قول اقسم مافي النهاية حتة بت لا قدمت ولا اخرت (يا اخوي انت بدل تشهد بتتلامض😒)
قبل ما يتم كلامو سام سكتو ببوكس لمن رعف..
سام:ياسمين تاج راسك فهمت..ياسمين مافي زول رفع صوتو عليها.. تجي انت وتضربها كف وتحاول.....
سام سكت ومسح الدموع الغرقت عيونو:احم حسام كل الحبيت اقولو ليك انت عندك اخوات خاف عليهم....قبل منو وقال:عصام
عصام:نعم طال عمرك
سام:عصام كم مرة اقول ليك بلاش طال عمرك..على الاقل قول استاذ نحنا مافي قطر
عصام كتم ضحكة لانو نهائي ما وقتو:احم اتفضل استاذ
سام:شوف شغلك معاهو...وما اوصيك ماعايز رجل ولا يد سليمة
عصام:ما توصي حريص طال عمرك
سام طلع وخلا حسام وهو بكورك ليهو عشان ينقذو...

اسفة اذا طولت عليكم...😊
يتبع....❤️