توقف نبض 😷💔
عند ياسمين......
كانت سايقة العربية بسرعة شديييييييدة وكانت بتبكي شديد...وهي ما كانت ماكلة حاجة..وكانت شايفة طشاش طشاش وفجأة العربية اتقلبت واتقلبت تلاتة مرات وياسمين اخر حاجة شافتها الناس جايين عليها وبقولو:لا حول ولا قوه الا بالله الزول الجوة دا بكون مات 💔😿
في فلة محمد مالك.....
سارة فجأة مسكت قلبها وقامت على حيلها...
سام الكان قاعد معاها:في شنو يا امي؟؟
سارة:م عارفة يا ولدي بس قلبي دا واجعني
سام قفل تلفونو:بسم الله
سارة:لالا انا م مطمنة
سام:امي ما بكون في حاجة
سارة:كدي اضرب لاخوانك ديل شوفهم
سام:امي م يحتاج
سارة:كان م داير تضرب انا بضرب ليهم
سام:لا خلاص بضرب....
وضرب لسامر ورد ليهو:ايوة سام في شنو
سام:مافي حاجة انت كويس؟؟
سامر باستغراب:اي ليه في شنو؟
سام:مافي حاجة بس الحجة حابة تطمن
سامر:ههههه اديني ليها
سام وهو بمد التلفون لامو:هاك قال عايزك
سارة بلهفة:انت كويس يا ولدي؟؟
سامر:كويس انا يا امي مافيني شي
سارة: الحمد لله يلا ما اعطلك من شغلك
سامر:يلا مع السلامة
سارة:مع السلامه
سام بعد ما امو قفلت:اها ارتحتي؟!
سارة:والله لسة قلبي قابضني اضرب لياسمين
سام:جدددددا...وضرب لياسمين ما ردت..وضرب تاني وتالت ورابع وخامس وسادس وياسمين ما بترد
هنا سارة خلاص:قلت ليك يمكن يكون فيها شي لا انا متأكدة فيها حاجة
سام اتوتر:اصبري بس يمكن في محاضرة
سارة:من متين ياسمين ما بترد اذا عندها محاضرة قاعدة ترد عادي متأكدة انا حصلت ليها حاجة......
في الجامعة.....
رزان مشت لفهد وبقت تضرب فيهو وتقول:حرام عليك هي وثقت فيك وانت خنت ثقتها والله حرام عليك....
محمد مسكها من يدينها وقال:رزااان خلاص كفاية انتي حاجة ما عارفاها ما تدخلي فيها
رزان بس كانت بتصرخ وبتضرب في فهد وبتقول:حراام عليييك
لمن محمد اداها كف وعدلها بالتاني حتن هي استوعبت....
رزان ودموعها نازلة وهي بتعاين لفهد:ليه عملت كدة يا فهد حرام عليك ورب العرش حرام عليك انت عارف انو هي وثقت فيك وحبتك بكل جوارحها تجي تخونها وتغدر بيها كدة....فهد انت عارف انو البت اهم حاجة عندها شرفها ليه تسلبو منها (لا يا رزة دا انتي فهمك راح الصين ومرجعش لسة😂)
مع كلمتها دي فهد رفع راسو وهو مصدوم 😳😳😳
اياد:هيه انتي بتقولي في شنو؟؟
رزان:بقول في الحقيقة
محمد:انتي ما فاهمة حاجة
رزان:كيف يعني؟؟😯
اياد:فهد ما لمسها
هنا رزان اتنفست الصعداااااء 😪....
رزان:طيب الحصل شنو؟؟
محمد:حتى نحنا ما عارفين
اسيل جاتهم وقالت:فهد انا ما عايزة اظلمك زي ياسمين انا سمعت القصة منها ودايرة اسمعها منك انت برضو...
فهد:طيب اسمعو..وحكى ليهم القصة من الألف الى الياء.....
رزان:يعني هي فاهمة غلط
فهد:اي
اسيل:دقيقة اضرب ليها....وكانت بتضرب ليها بس ما بترد ورزان ضربت بعد اسيل ومحمد واياد وكلهم وماكان فاضل غير فهد.....
محمد:اضرب ليها انت
فهد:هي ما ردت عليكم ح ترد علي
اياد:انت جرب
فهد:اوكي مع اني متأكد ترليون في المية انها ما ح ترد...
في مستشفى*****
ياسمين كانت في غرفة العمليات والناس الجابوها ما عارفين ليها طرف لانو تلفونها مقفول بباسورد فتشوا حاجاتها وكل العرفوهو انها بت محمد مالك رجل الاعمال المشهور وانها بتقرا في كلية الطب.....
يلا في واحد من الجابوها كان ماسك ايفونها....واثناء ماهو ماسكو فهد اتصل عليها وكان مسجل..عمري..يلا الراجل طوالي رد..
فهد:الوو ياسمين وين انتي من قبيل نحنا بنضرب ليك؟والله خوفتيني عليك
الراجل:.....................(ما كان عارف كيف يكلمو لانو اللهفة والخوف كانو واضحين في صوتو)
فهد باستغراب:ياسمين مالك ساكتة؟؟
الراجل:احم السلام عليكم
فهد اتصدم واتخلع واستغرب من الصوت:وعليكم السلام منو معاي؟؟
الراجل:معاك ابراهيم محمد فيصل
فهد:اتفضل استاذ ابراهيم
ابراهيم:والله انسة ياسمين دي العربية اتقلبت بيها في الطر.....
فهد قاطعو بصراخ:شنوووووووو كيف يعني ومتين؟
كلهم اتخلعو من صراخ فهد واسيل قالت:في شنو ياسمين مالا انا من قبيل قلبي واجعني
فهد:انتو في ياتو مستشفى سريييع قول
ابراهيم:مستشفى ******
فهد طوالي قفل منو واتحرك على العربية واصحابو كلهم لحقوهو....
عند سام وسارة....
سارة:يا ولد اختك مالها ما بترد
سام:دقيقة يا امي اضرب لناصر
سارة:ناصر منو؟؟
سام:ناصر البودي قارد
سارة:خلاص اضرب سرييع
سام ضرب لناصر وناصر رد وقال ليهو انو ياسمين طلعت قبل تلاتة ساعات وطلبت منو أنو ما يلحقها...
بعد ما سام قفل..سارة قالت ببكاء:يا حليلك يا بتي تلاتة ساعات ما عارفنك وين...مشيتي وين يا ياسمين مشيتي وين.💔💔😭
سام ضرب لكل اصحابها وما ردو وما كان باقي ليهو غير فهد عسى ولعل يكون عارف مكانها..ضرب لفهد مارد وبعد دقيقتين رجع ليهو...
فهد:الو
سام:ياسمين وين؟؟
فهد حاول قدر الامكان يخفي العبرة والبكاء من صوتو:سام؟!
سام:م داير كلام كتير عارف مكانها جاوب ماعارف اقفل
فهد بلع ريقو وقال:سامي ممكن تجي مستشفى*****
سام بخوف:ليه ياسمين مالها؟؟انطق سريع
فهد:لالا ياسمين م فيها شي واصلا الموضوع م بتعلق بيها
سام:طيب دايرني ليه؟
فهد:ح تعرف لمن تجي تعال سريع بس
سام:مسافة الطريق وقفل منو..
سارة:مالو في شنو؟
سام:قال لي اجي مستشفى*****
سارة:ليه ياسمين مالها؟؟
سام:لا الموضوع م بتعلق بياسمين
سارة:بجي معاك
سام:مافي داعي
سارة:لالا بجي
سام:طيب تمام..
في المستشفى....
فجأة الدكاترة بقو بدخلو وبطلعو من غرفة ياسمين بطريقة مخيفة وموترة....
محمد سأل ممرضة:في شنو مالها؟؟
الممرضة:المريضة نبضها وقف 💔💔
يتبع.....❤️
أنت تقرأ
عشقي الازلي❤️
Teen Fictionنحن نعيش.... لكي نرسم ابتسامة..... ونمسح دمعة..... نخفف الماً..... ولأن الغد ينتظرنا..... و الماضي قد رحل.... وتواعدنا مع افق الفجر الجديد..... نحن نعيش.... لأن هنالك من نستحق ان نقف معه..... ونفرح معه..... ونبكي معه.... ونضحي من اجله.... واخيرا نمو...
