عشقي الازلي❤️

* 11 *

في جناح سام.....
اياد وهو بتكلم مع فهد:انت قالو ليك جيب شاحن ولا اسكن هناك 😌
فهد عاين ليهو وضحك من غير نفس.....
سامر: فهد انت رعفان
فهد مسح الدم النازل من انفو وقال:اي اضربت بالباب
رزان:ههههه اصلا انت من يومك عميان😂
اسيل:يا جماعة ياسمين وين؟؟
ايمان:ماعارفة والله من قبل ساعة تقريبا طلعت وطلع بعديها حسام وللان ما جو
محمد بخبث:يمكن بعملوا في حاجة كعب...
قبل ما يتمها لقا نفسو في الارض جراء "الشلوت" الاخدو من سام لانو كان قاعد جمب سريرو
محمد مسك ضهرو وقال:ااااخ تقول جاكي شان
ياسمين حضنت سام وقالت:اللهم لا حسد
محمد:مشيتي وين انتي وحسام ياخ بسببكم ادوني شلوت
سام:ههههههه عشان تحاسب لمن تتكلم عن ياسمين فهمت
رزان:كنتي وين؟
ياسمين:نزلت تحت شوية وجيت
اياد:تمام
المهم بعد شوية كدة طلعو....
العشاء في جناح ياسمين....
كانت في التسريحة وبتسترجع في ايامها مع فهد كانت ايام لا يمكن تنساها نهائيا كانت حلوة شديد...فجأة حست بزول بزح شعرها من رقبتها وبمشي يدو في الفراشة🦋 الموشومة في رقبتها وراء عاينت بالمراية لقتو سام
ياسمين:قالوا امها ماتت
سام:منو....انجلينا؟؟
ياسمين:اي...كانت بتكرهني كره العمى مع انو قعدت معاها شهر بس
سام:للان بتذكر لمن خدرتك ووشمت ليك هههههه
ياسمين:ههههههه اي ولمن سألتها لي قالت عشان انا مسلمة والوشم عندنا حرام ودي اكتر حاجة انا ممكن اتأثر بيها 😂
سام:هههههههه كان عمرك 16 وهي 23
ياسمين:اي وتتذكر لمن بابا شاكل سامر قال ليهو شهر بس قعدت معاك تجيبها لي واشمة لو قعدت معاك السنة كان جبتها كافرة
سام: ههههه اي واسبوع كان ما بتكلم معاهو....مافي زول شافو مش؟
ياسمين:نهااااائي اسيل ما عارفة عنو ودايما بتسألني ليه بلبس بلوزات رقبتها عالية
سام:يوم العزومة حقت اعمامي فستانك كان اوف شولدرز وانتي كنتي عاملة كعكة لكن؟؟
ياسمين:اي بس كنت لابسة شال
سام:لا كان كدة تمام
سكتو شوية وبعداك سام قال:ما عايزة توريني مالك؟
ياسمين:مافي حاجة
سام قعد في الارض قدامها وقال:نونو فهد مالو معاك
ياسمين صوتها اتبح واتهدج:قلت ليك مافي حاجة بيناتنا
سام قام وحضنها وقال:نونو انا سام
ياسمين كأنها ماصدقت انو زول يحضنها طوالي اطلقت العنان لدموعها وبقت بتبكي وبتشهق وبعد عشرة دقايق هدت بعدت منو وقالت:عرفت كيف؟
سام:لاحظت لنظراتكم مع بعض خصوصا انكم ما اتكلمتو مع بعض نهائي
ياسمين نزلت راسها ودموعها نزلت تاني:فهد طلع خاين
سام:خاين!!!كيف يعني خاين؟؟
ياسمين:فهد عاوزني ك***** وبس
سام عيونو حمرت:شنوووو عمل ليك حاجة 😠😠
ياسمين:لا لكن حسام هو القال لي
سام استغرب:حسام وحسام عرف كيف؟؟!!!
ياسمين:اسمعني....حكت ليهو كل القصة من طقطق لغاية السلام عليكم
سام شد على يدو وقال:حساااااااااااام الحيوان والله ما اخليهم😡😠
ياسمين:لا بليز يا سام ما تتهور
سام:اقسم باللي خلقني وخلقك ما اسيبو
ياسمين:اوكي اعمل العاوزو مع حسام بس بليييز سيب فهد 😞
سام عاين ليهها:طول عمرك حنينة يا عمري
ياسمين نزلت راسها
سام طوالي رفع ليها راسها وقال:ولا الف من فهد ينزلو ليك راسك...نونو راسك لازم يكون مرفوع دايما ماتنزلي راسك لاي سبب من الاسباب فهمتي
ياسمين حضنتو وبكت وقالت:بس انا بحبو
سام وهو بمسح في ظهرها:فترة وح تعدي أن شاء الله
ياسمين"ما اظن"
ياسمين زحت منو وقالت:شكرا جزيلا يا قلبي
سام:على شنو يا عمري متوفر في اي وقت علشان عيونك
ياسمين:تسلم ❤️
سام: الله يسلمك...تصبحي على خير
ياسمين:وانت من اهل الخير
سام طلع من الغرفة وهو بتوعد في حسام وخلى ياسمين قلبها مكسوووور 💔.....