عشقي الازلي❤️

* 6 *

يوم الجمعه محمد ابو ياسمين كان عازم اعمامها عشاء
الصباح......
سارة وهي بتصحي في ياسمين:ياسمين ياسمينة قومي
ياسمين:صباح الخير مام
سارة:صباح النور يلا اصحي
ياسمين:ليه في شنو؟!!
سارة:نسيتي انو ابوك عازم اعمامك الليلة
ياسمين:يالله نسيت زمن منهم قريب شهر مش؟!
سارة:شهر واسبوعين
ياسمين:ههههه حاسباها صح الوالدة
سارة:بطلي كلام كتير ويلا
سارة طلعت من الغرفة وياسمين صحت دخلت الحمام وبعد طلعت ضربت لأسيل....اسيل ردت بصوت كلو نوم:الووو
ياسمين:اسولة
اسيل:هلا قلبو
ياسمين:نسيتي انو الليلة العزومة
اسيل نومتها طارت:نسيييييت يا ربي البس شنو البس ياتو فستان
ياسمين:رايك شنو السبب الفستان الازرق بأبيض
اسيل:فكرة والله خلاص تمام
ياسمين:تمام لكن عايني بعد الصلاة مباشرة القاك قدامي
اسيل:مادايرة ليها كلام
ياسمين:يلا باي
اسيل:باي
ياسمين قفلت من اسيل ولبست ليها بجامة لحدي وقت العزومة نزلت تحت ومشت على المطبخ: سالي الكابتشينو وين
سارة:سالي شغالة تعالي اعمليهو انتي
ياسمين:ما قادرة
سارة:اصلا انتو بنات الزمن دا مابعتمدو عليكم ابدا
ياسمين:خلاص ماما ح اعملو.....عملت الكابتشينو حقها وشالتو وطلعت الحديقة قعدت في الكراسي وسرحت في فهد قطع سرحانها صوت سام وهو بقول:اكيد سرحانة فيهو
ياسمين:اكيد من غيرو ملكني
سام:الله يوفقكم.... ياسمين
ياسمين:هلا
سام: ياسمين انا بثق فيكي ثقة عمياء وحتى امي وابوي وسامر اوكي حاولو الحدود بيناتكم ما تتعدوها
ياسمين:سام نحن مستحيل نتعدا حدودنا ما تخاف
سام:انا واثق فيك لكن فهد...
ياسمين قاطعتو:اذا فهد ماعاجبك طوالي اخليهو
سام قال بسرعة:لا شنو ماعاجبني انا بس اقصد ليك انو انتي ما شاء الله حلوة عرفتي والشيطان كعب اتمنى انك فهمتيني
ياسمين:فهمتك وكملت بغرور:طول عمري جميلة
سام:دي فيها شك
ياسمين:هههههههه

بعد صلاة الجمعة اسيل جات لياسمين وهي لابسة عباية وتحت العباية بجامة المهم قعدو في غرفتهم لغاية ما المغرب جا واعمامها بدو يجو
(انا ح اعرف اي عم بعائلتو)

احمد مالك صارم شديد وما برضى بالغلط
مرتو هناء مغرورة شديد وما عندها شغلة باولادها
صفاء بتو الكبيرة عمرها 25 سنة متزوجة وحامل في الشهر الخامس
وفاء عمرها 22 سنة مغرورة زي امها وبتغير من ياسمين بطريقة ما طبيعية بتكرها عديل كدة حلوة بتحب اسامة لانها شافتو كم مرة في اجتماعات مع اعمامها وابوها لكن ماعارفة عنو اي شي
مصعب عمرو 17 سنة ممتحن تالت بارد شديد بكره حركات اختو لانها دائما بتتكلم عن ياسمين
مجتبى 14 سنة في اولى ثانوي

صلاح مالك ظريف عندو شركات
مرتو نوسة امها مصرية وابوها سوداني
زهير ولدو الكبير عمرو 30 ماسك الاعمال الحرة وشركات العائلة خارج السودان يعني دائم السفر متزوج وحدة اسمها يسرى وعندو تيمان ولد وبنت
تيسير عمرها 27 سنة متزوجة وعندها ولد اسمو احمد وهي حاليا حامل في الشهر الرابع
تسنيم 24 سنة متزوجة ولد عمها وعندها بت عمرها سنة اسمها حلا
زاهر اخر العنقود عمرو 22 سنة صاحب اسيد حلو وجذاب عندو ضربة في طرف شفتو