في بيت ناس ياسمين....
تحديدا جناح سام......
ياسمين:سام عليك الله وريني
سام:لا
ياسمين:لكن انت قبيل قلت انك ح تكلمني
سام:غيرت رايي
ياسمين:سااااااااام
سام:هههههه خلاص اسمعي تتذكري لمن مشيت مع زياد (صحبو) المطعم
ياسمين:اها
سام:اممم ريم كانت هناك مع ولد خالتها اسمو كريم المهم هي لمن شافتني فرحت حتى انها قالت تعالو اقعدو معانا المهم انا وزياد مشينى قعدنا معاهم خمسة دقايق كدة وبت خالتها اخت كريم دي جات المهم قعدنا واتونسنا وبعداك ريم قالت ماشة الحمام و بعديها طوالي كريم قام مضت ربع ساعة كدة وهم ماجو مشيت عشان اشوفهم لقيت ريم واقفة على الحيطة وكريم كان ماسك يدها و كان قريب منها شدييييد يلا يا زولة انا زعلت و طلعت خليتهم
ياسمين:طيب انت كان تسمعها
سام:اتكلمت معاها واتصالحنا
عند اسامة كان بتكلم بالتلفون:انت وين انا جمب بيتكم
سامر:ادخل جوة شوية واجي
اسامة:تمام
اسامة دخل البيت ووقف في الحديقة وكان واقف عكس باب المدخل يعني البجي من جوة بشوف ضهرو
ياسمين كانت ماشة الحديقة ولقت زول واقف مديها ضهرو افتكرتو سامر لأنو نفس بنية جسمو قامت جارية ونطت في ضهرو وختت يدينها في عيونو وقالت:أنا منو؟!؛!
اسامة كان واقف فجأة اتصدم بحاجة في ضهرو وعيونو والصدمو اكتر الصوت الناعم وريحة العطر
ياسمين:سامر قلت ليك انا منو؟!
اسامة"دي مفتكراني سامر يمكن دي ياسمين اكيد دي هي" .....نزل يدينها من عيونو وهي نزلت من ضهرو وجات وقفت قدامو وقالت:سا..... سكتت من الخلعة....اسامة فتح عيونو من شكلها لانو ليهو زمن ماشافها ولبستها كانت مغرية كانت لابسة برمودة وبلوزة كت.....ياسمين استفاقت من خلعتها ونست نفسها وقالت:امم اسامة كيفك؟!
اسامة نزل عينو:تمام وانتي؟!
ياسمين:تمام....وبعداك انتبهت لي لبستها وجري على جوة.....اسامة كان سرحان فيها وصحاهو صوت سامر:ان شاء الله ما اتأخرت عليك؟
اسامة:لالا ما اتأخرت يلا
سامر:يلا
في جناح ياسمين كانت بتتكلم مع نفسها:اعوذ بالله الولد نزل عينو وخجل من لبسك لكن انتي يا ياسمين استغفر الله بس طوالي طقيتيها معاهو سوالف
مرت الايام وجرت وراها ايام وفي يوم في كلية الطب.....
بعد المحاضرة......
ياسمين:شباب بكرة الخميس عازماكم
اياد:ياسمين يا قلبي
رزان:دي قلب فهد وبس
(نسيت اقول ليكم انو ياسمين وفهد ربطو وكلهم عرفو)
اياد:خلاص ما تزعلي ياسمين يا عمري
ياسمين بتهديد مازح:اياد احسن تحترم نفسك
اياد بخوف مازح:ياااي خفت وكمل بدلع:تاني ما بتكلم معاكي
اسيل:لاحول ولا قوة الا بالله راجل طول وعرض بتقول ياي
فهد:معليش فسوق
ياسمين:اووف يوم الخميس عازماكم تجو ولا بشرحكم تمام
الكل:اوكي تمام
اياد:اعملو لي كيكة كويس
ياسمين:ان شاء الله
محمد:وانا جيز كيك
ياسمين:حاااضر
رزان:بمناسبة التشريح نحنا ماشين المشرحة السبت مش
محمد:انتي دايما مخك شمال كدة لكن ما بلومك لأنو الاحجام العائلية دائما تفكيرها بكون في الاكل
فهد:محمد حدك رزة تمام
ياسمين بدلع:فهوووودي تراني اغار
فهد:اسف يا روحي
ياسمين:عادي يا عمري
اسيل:هيه راعو انو نحنا سناقل
رزان:بالجد يعني كفاية لأني حاسة روحي بايرة
ياسمين وفهد: ههههههههههههههه
محمد:اضحكو اي
اسيل:ههه اوووه أنا بخاف من المشارح دي
رزان:انا زاتي قالو بتحصل فيها قصص عجيبة
اياد:ما اظن الكلام دا حقيقي
محمد:ماعارف يمكن جد
فهد عاين لياسمين:ياسمين مالك ساكتة؟!
ياسمين:منتظراكم تكملو مهزلة انا اقول عازماكم وانتو تقولو لي مشرحة الله يشرحكم اسي دي واحد واحد
محمد:انا منهم يا ياسمينتي
ياسمين:انت اولهم اسمعوني هنا يوم الخميس القاكم مرزوعين قدامي والا المشرط ح يقول خلاص كفاية
محمد:اسمها الا ياباكم يا حنكوشة يا كندية
ياسمين اتنرفزت:انا ما حنكوشة ولا كندية انا سوووووودانية
اسيل:اول مرة اشوف لي زول بالذات بت بقولو ليها حنكوشة بتتنرفز
ياسمين:انا حالة خاصة لانو فيوزاتي ضاربة
اسيل:عندك سودنة عجيبة
رزان:اسمها وطنية انتي التانية
ياسمين:يوم.....
اياد قاطعها:يوم الخميس القاكم مرزوعين قدامي والا اشرحكم واحد واحد والله حفظناها
ياسمين:ممتاز 10/10
الكل:ههههههههههههههه.......
يتبع....❤️
أنت تقرأ
عشقي الازلي❤️
Teen Fictionنحن نعيش.... لكي نرسم ابتسامة..... ونمسح دمعة..... نخفف الماً..... ولأن الغد ينتظرنا..... و الماضي قد رحل.... وتواعدنا مع افق الفجر الجديد..... نحن نعيش.... لأن هنالك من نستحق ان نقف معه..... ونفرح معه..... ونبكي معه.... ونضحي من اجله.... واخيرا نمو...
