عشقي الازلي❤️

* 16 *

في شركة مالك واولاده....
بعد ما خلصو من الاجتماع....وفاء عرفت من مصادرها الخاصة انو اسامة في الكافتيريا....فانتي يا فوفة شيلي شنطتك واتظبطي وانزلي تحت...
اسامة كان قاعد في الطاولة وشغال بتلفونو فجأة شم ريحة انثوية صارخة والاكد ليهو انها انثى الصوت....
وفاء بعد ما قعدت قالت:ممكن اقعد؟
اسامة وهو لسة منتبه في تلفونو:ماهو انتي قعدتي وخلصتي
وفاء اتغاظت من برودو وقالت:احم انا وفاء بت عم سامر
اسامة ببرود:عارف
وفاء خلاص برودو هردها وقتلها ومغصها وكلو:طيب انت اسامة اخو اسيل صاح؟
اسامة ببرود وهو لسة منتبه مع التلفون:مفروض
وفاء فارت ودفقت:اسمع هنا انا لكن اتكلم معاك تنتبه معاي فهمت
اسامة رفع راسو وعين ليها باستخفاف وقال:احلفي بس..انتي منو اصلا عشان انتبه معاك؟
وفاء انتبهت لكلامها وقالت:انا اسفة بس انفعلت
اسامة:قولي والله..اسمعي هنا انتي قايلاني ما عارف انو دي انتي الكنتي بتتصلي علي وترسلي لي رسائل تهديد
وفاء اتوترت شديييد بلعت ريقها وقالت:شنو لكن أنا مارسلت ليك ولا ضربت ليك
اسامة:اسمعي يا وفاء انا ما بحب اللف والدوران انا مكالماتك الكلها كلمات بتعرفيها براك دي ممكن اديها لاخوانك او ابوك او اعمامك فهمتي فلو سمحت اقصري الشر وابعدي مني
وفاء:ما ح تقدر
اسامة عين ليها بتحدي وقال:جربيني
وفاء مسكت يدو وقالت:اسامة بس انا بحبك من اول يوم شفتك فيهو
اسامة سحب يدو وقال:بس انا ما بحبك وما مجبور احبك فهمتي
وفاء نزلت دموع التماسيح:اسامة بليييز افهمني عليك الله
اسامة:وفاء انتي بالنسبة لي زي اسيل وبس احترمي نفسك وما تخوني ثقة اهلك فيكي..وقام خلاها وهي بتبكي

في كلية الطب.....
اياد وهو بتكلم مع فهد:فهد في شنو ياسمين مالها معاك؟؟
فهد ولاول مرة من زمن طوييييل يبكي:تخيل يا اياد ياسمين ما بتحبني ياسمين خلاص نهتني من حياتها
اياد وهو مصدوم:ك كيف يعني؟!
فهد:ياسمين قالتها انا خلاص انتهيت
محمد بصدمة:قالت شنو...وبعدها كمل بتردد وخوف:ق قالت كلمة الرعب؟
فهد هز راسو بصمت....
عند البنات....
رزان:ياسمين انتي اتشاكلتي مع فهد؟؟
ياسمين:اي
رزان:ليه طيب؟؟
ياسمين:كدة بس
رزان زعلت وقالت بنهرة:مافي حاجة اسمها كدة بس فهمتي..اصلا انتي واحدة غبية لانك ضيعتي فهد من يدك.
ياسمين بنرفزة:اي غبية وخليت ليك الشطارة اسمعي هنا انا حرة دي حياتي في النهاية اعمل فيها العايزاهو
اسيل:يا جماعه اهدو
رزان:لا ما حياتك وما على كيفك فهمتي يعني انتي اسي نصيحة في انك تضيعي واحد زي دا من يدك غبية متخلفة انانية
ياسمين بصراخ لفت الجامعة كلها:ايوة غبية...غبية لاني خليت واحد ما بحبني....غبية لاني خليت واحد اناني....غبية لأني خليت واحد ما بفكر فيني الا ك***** وبس
رزان شهقت وختت يدها في خشمها.....
اسيل:ياسمين ما تصرخي الجامعة كلها سمعتك
ياسمين دموعها نزلت وقالت:خليهم يسمعو انا ما خايفة من زول ويا رزان ايوة انا غبية ومتخلفة وانانية لاني سبت فهد...وشالت شنطتها ومشت على عربيتها....اول ما ركبت العربية شافت بالمراية انو البودي قارد ركب في عربيتو عشان يمشي وراها....نزلت من العربية وقالت ليهو:ما تلحقني
ناصر البودي قارد:بس يا انس...
ياسمين قاطعتو وقالت بحدة:ما تلحقني
ناصر:حاضر
ركبت عربيتها واتحركت بسررررررعة......

في فلة عمر....
جناح التومات....
رنا كانت بتبكي وهي بتقول:ليه ليه نحنا حظنا تعيس كدة الزول الوحيد الحبيتو طلع ما من نصيبي
ربا ربتت على كتفها بعد ما مسحت دموعها:رنو انتي براك قلتي نصيب..يعني كل شي قسمة ونصيب عرفتي...يعني تفتكري اني مبسوطة عشان ح اعرس زاهر...ما أنا بحب اسيد وانتي عارفة....
رنا:بس ليه نحنا حظنا نحس كدة
ربا:رنوية ما يجوز تعترضي على حكم ربنا عرفتي امكن خير لنا...انتي اسي قومي اتوضي وصلي ليك ركعتين استخارة واقري قرآن واذا حسيتي انك ما مرتاحة مافي زول بجبرك ولا حتى بابا لانو كل شي..
رنا مسحت دموعها وقالت:قسمة ونصيب

ريم بعد ما حفلتها خلصت سام وصلها العمارة واثناء ماهي طالعة لاقاها ولد خالتها كريم بتاع المطعم داك.....
ريم باستغراب:كريم بتعمل في شنو هنا؟؟؟
كريم:جيت ازور خالتي فيها عيب دي
ريم:لالا
كريم:ريم انا عايز اقول ليك حاجة
ريم:اتفضل
كريم:ريومة انا بحبك
ريم اتصدمت وادهشت واتحرجت....
كريم:مالك ساكتة؟؟
ريم:لالا مافي حاجة بس مصدومة
كريم:انا ما منتظر اجابتك اسي ح اديك وقت تفكري وبعداك ردي لي..يلا سلام ريومة
ونزل خلاها محتارة ومصدومة..طبعا هي حسمت أمرها بس صعبة ترفض ولد خالتها وهي في نفس الوقت بتحب سام..المهم هي كانت confused شديييد

يتبع.....❤️