نحن نعيش....
لكي نرسم ابتسامة.....
ونمسح دمعة.....
نخفف الماً.....
ولأن الغد ينتظرنا.....
و الماضي قد رحل....
وتواعدنا مع افق الفجر الجديد.....
نحن نعيش....
لأن هنالك من نستحق ان نقف معه.....
ونفرح معه.....
ونبكي معه....
ونضحي من اجله....
واخيرا نمو...
الصباح في جناح سام...... الباب دق... سام:اتفضل دخلت ياسمين بهدوم الرياضة وهي عباره عن برمودة رياضية اسود وفوشي وبلوزة رياضية اسود وفوشي كانت عاملة شعرها ذيل حصان شايلة ليها صينية سام:بسم الله اللهم سكنهم في مساكنهم من رياضتك جيتيني ياسمين:غلطانة انا اصلا لاني جاياك سام:خلاص معليش..احم انسة ياسمين نوَر الجناح بحضورك ياسمين ابتسمت ابتسامة ذباحة:منور بوجودك سام مسك قلبو ومثل الهيام:خفي علي يا بنت ياسمين:هههههه بطل ويلا انا جاية افطر معاك...جابت ليها تربيزة زي حقت المستشفى وختتها في السرير وشالت التوست واكلت سام في فمو سام:لو كنت قايل بدلعوني كدة كان زمان عملت حاد.... ياسمين قاطعتو وهي بتحضن فيهو وبتبكي:ما تقول كدة تاني سام حضنها بيد وحدة وقال بهدوء:هسة انا كويس والحمد لله قاطعهم دخول سامر... سامر شهق بمزح:دا شنو دا يعني البت دي جاياك انت انا قبيل شفتها دخلت اوضتك قلت سام انحرف لكن ما قلت انك ح تحضنها يعني بيتنا دا زاتو فيهو احترام ياخ💔 ياسمين زحت من حضن سام:سامر انت سكران سامر:يعني دي انتي...اسمعي انتي اصلا سمحة كدة ولا بقيتي سمحة ياسمين ضمت كتافينها وقالت:بسم الله قل هو الله احد سامر وسام: ههههههههههههههه ياسمين:هههه...اها يا سام اصحابك ح يجو متين؟؟ سام:العصر سامر:جناحك ولا جناح الضيوف؟؟ سام:اممم جناحي احسن مش ياسمين:اي خلاص تمام
العصر ياسمين جات لسام في الجناح.... لقتو جاهز كان لابس بنطلون جينز اسود وتيشيرت ابيض فيهو خطوط بالعرض اسود ومكفكف اكمامو... ياسمين كانت لابسة جيب شورت ابيض وبلوزة بصلي وكانت لابسة العدسات السوداء اكيد....(بدون شنطة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شوية كدة واصحاب سام جو والي هم...
حسام معتز احلى واحد بعد سام في الشلة جمييل بس مغازلجي درجة اولى بربط مع البت بعد ياخد العاوزو بيجدعها بحاول في ياسمين لكن هي ما مدياهو وش ودي الحاجة الغايظاهو 21 سنة ايمان رضوان جميييلة وحلووة كدة عسولة اخت اياد صاحب ياسمين وياسمين عاجباها شديد 21 سنة رهام حسن بت كيوووت كدة وظريفة حلوة ومحجبة 21 سنة زياد بهاء الدين حلو وظريف باختصار مز 21 سنة
بعد السلام والسؤال عن الأحوال.... ايمان و وهي بتتكلم مع ياسمين:ناس اياد ما جايين؟؟ ياسمين:جايين بعد شوية كلهم كانوا بتونسوا الا حسام نظراتو مركزة في ياسمين وبس... شوية كدة وياسمين استأذنت وطلعت وبعديها حسام برضو طلع... ياسمين كانت واقفة في المطبخ حق الجناح(اي جناح فيهو صالة ومطبخ وغرفه نوم وحمام) حسام:كيف يا حلوة ياسمين اتخلعت وقبلت عليهو وقالت:قطعت قلبي حسام ابتسم بخبث:سلامة قلبك ومسكها من يدها وطلع بيها برة الجناح ودخل اقرب جناح جناح سامر دخل وقفل الباب بالمفتاح...ياسمين مخها طار عاينت ليهو بخوف وقالت:في شنو مالك؟؟! حسام:لا بس عايز اقول ليك حاجة ياسمين:طيب كان ممكن تقولها هناك حسام:لكن هي ما بتتقال الا هنا ياسمين بلعت ريقها:طيب قول سريع حسام لف في الجناح وجا وراها وجرا طرحتها ومشبكها وقع (ياسمين بتلبس مشابك وبس) ياسمين اتصدمت وقالت ليهو:مجنون انت حسام وهو بمسك شعرها:لا لكن حبيت اشوف شعرك ياسمين خافت وقامت جارية على الباب وفتحتو لكن كانت الصدمة انو قافلو بالمفتاح وما ممكن يفتح تاني الا من برة حسام ضحك وجا وقف قدامها وقال:ياسمين انا زمان كنت دايرك بالحلال وكم مرة اعترفت ليك بحبي بس صديتيني كالعادة لكن المرة دي انا عاوزك وبس فهمتي ياسمين خافت لكن قالت:ما بتقدر تهبشني حسام لزاها في الارض وقال:ما تتحديني لاني زي ما قلت ليك دايرك وبس وانا ما حصل كنت داير حاجة وما حصلت عليها ياسمين بتتكلم مع نفسها"لالا انا قوية ما ح تحصل لي حاجة ان شاء الله لازم افكر اقول شنو اقول شنو يا ربي....لقيتها":احم انا عندي عذر شرعي حسام ضحك باستهزاء وقعد جمبها وقال: ياسمين انا حبيبتك بطريقة خيالية عرفت عنك اي حاجة عرفت بتجيك متين و لمن بتجيكي بتحتاجي حقنة مسكنة...عرفت مقاسك في اي شي ملابس داخليه اسكيرتات بناطلين فساتين عبايات....عرفت مشروباتك المفضلة بتموتي في حاجة اسمها كابيتشينو...عرفت مطاعمك المفضلة....ماركتك المفضلة....عرفت اي شي عنك انا حبيتك بجنوووون اسي انا فرقي شنو من فهد الشافع دا انا احسن منو والله احسن منو....ههههه انتي بتحبي فهد دا مش نشوف بعد الليلة هو ح يحبك ولا لأ..وقام عليها ياسمين كانت في حالة صدمة واستفاقت من صدمتها لمن حست بيهو بلمس فيها بقت تصرخ وتبكي بس مافي فايدة لانو الجناح عازل..... فجأة باب الجناح فتح كان فهههد 😱😱
في فلة احمد مالك..... وفاء كانت في غرفتها و ماسكة ليها ورقة.... وفاء في نفسها"رفضتني مرة يا اسامة ومستحيل اخليك ترفضني تاني فهمت انا وفاء احمد مالك ما في زول في حياتو رفض لي طلب تجي انت وترفضني بكل برود ورب الكعبة ما اخليك حتى لو اتطريت اني اكتبك"
في فلة محمد مالك.... جناح سامر..... فجأة الباب فتح وكان فهد...فهد اتصدم من ياسمين الواقعة في الارض وبتصرخ والاهم بدون طرحة....ياسمين اول ما شافت فهد جرت عليهو وحضنتو....فهد قبل ما استفيق من الصدمة الاولى اتصدم الصدمة التانية وانو ياسمين حاضناهو....حسام اول ماشاف ياسمين حضنت فهد جن جنونو وجرا عليها ومسكها من يدها ولصق فيها كف وهو بصرخ:قلت ليك الحضن دا مفروض يكون لي انا فهمتي لي انا وبس انا البحبك ما فهد افهميني...ولزاها في الارض.....فهد وعى بصراخ ياسمين وجرا على حسام وطيرو ليك ببوكس 👊 لكن دا حسام بسكت ليهو طوالي اداهو شلوت فهد طار من قوة الشلوت لكن قبل ما يستوعب حسام اداهو بوكس هنا ياسمين ما استحملت وهجمت عليهو وعضتو شدييييييد حسام ما استحمل ولزاها في الارض بس جاهو ليك شلوت من فهد في بطنو...حسام مسك بطنو بعداك رفع يدينو بمعنى استسلمت فهد مسك يد ياسمين وقومها من الارض وقال وهو لسة ماسكها:داير من ياسمين شنو؟؟ ( لسة ما عرفت يا فهوود😌) حسام بخبث:الدايرو منها انت ياسمين استغربت وكذلك فهد فقال ليهو:انا داير منها شنو؟ حسام بابتسامة خبيثة: بالله يا فهد كلنا عارفين انك ما بتحب ياسمين ودايرها ك***** وبس ياسمين:😱😱😱😱😱 فهد اتصدم شدييد:دا شنو الكلام دا؟ حسام عاين لياسمين وقال:اسمعي هنا انا اناني حاجة ما حصلت عليها بسهولة ولا بصعوبة مستحيل اخلي غيري يصلها وبسهولة كمان ياسمين مخها وقف تفكير:قصدك شنو يعني؟؟!! حسام:بصراحة كدة انا سمعت فهد بتكلم بالتلفون وقال انو دايرك ك***** وبس شوفي انتي ح تقولي اني داير أفرق بيناتكم لكن انا مصلحتي شنو من الكلام دا والله والله والله انا سمعت فهد بقول كدة (يحلف بالكذب😷) فهد اداهو بوكس وقال:بطل كذب وقبل على ياسمين وقال:ياسمين أن.... قاطعتو ياسمين بكف وقالت وهي بتبكي:ما ابي اسمع صوتك فهمت ما ابي اسمي يتلوث على لسانك....فهد انا اكرهك انا وش ذنبي كل ذنبي اني حبيتك وبس اكرهك اكرهك يا فهد اكرهك وطلعت من الجناح سريع فهد ضرب كف بكف وقال:خربت علي مخططي الله ياخدك (فهد كان يقصد مخططو في انو يخطب ياسمين) حسام اتلفت على الزول الواقف جمب الباب.....ياسمين رجعت تشيل طرحتها وسمعت كلام فهد وفهمتو غلط بس جرت عليهو ولصقت فيهو كف تاني وبقت تضرب فيهو في صدرو:انت ما انسان انت الاحساس عندك معدوم بقدر ما حبيتك انا الحين اكرهك يا فهد....كل الي ابي اقولو..فهد علاقتنا اووووفر💔💔 وطلعت خلتو.... (من هم في الثانوي علاقتنا اوفر دي كانت بالنسبة ليهم كلمة رعب ولمن زول يقولها لزول معناها خلاص حقك راح وموضوعك باظ) حسام وقف على حيلو وقال:خربت عليك زي ما خربت علي وطلع.... فهد مسح الدم النازل من انفو وطلع على جناح سام....بينما ياسمين مشت جناحها عشان تصلح نفسها......
