عشقي الازلي❤️

* 12 *

في مطعم ******
اسامة وسامر مشو يطلبو واسيل مشت الحمام ياسمين كانت قاعدة في الطاولة وشغالة بتلفونها وكان قدام طاولتهم في اولاد بس قامو يشاغلو فيها.....
       :احييييي انت عارف يا مازن شكلو كدة القمر وقع الليلة
مازن:اي والله انا زاتي قلت كدة....انت عارف انا كنت بكره لون العيون السود بس الليلة حبيتو بالذات بعد ما شفت جمال العيون السود القدامي دي
ياسمين اصلا ما ادتهم اهتمام وما رفعت راسها من تلفونها...بس فجأة الاولاد سكتو وياسمين رفعت راسها ولقت فهد واقف قدامهم...هي شافت ظهرو لكن اكييد عرفتو اصلا مستحيل تنساهو....
شوية كدة واصوات الاولاد علت وواحد منهم قام على حيلو وقال لفهد:انعل ابوك ياخ
قبل ما يتمها فهد اداهو بوكس لكن رعف....لكن الولد التاني رجع ليهو البوكس في بطنو....المطعم كان معظمو شباب فقامو يصرخو ويكركو....الاولاد اتلمو في فهد وياسمين ما استحملت تشوفو كدة وجرت نادت اسامة وسامر....المهم ياخ الموضوع اتطور والشرطة جات وياسمين واسيل لحقوهم بالعربية.......

في قسم *****
الولد الاسمو مازن كان هايج شدييد وشغال يكورك ويقول لفهد:انت بتضربني انا انت عارف انا منو؟😡😡
فهد بغضب وعصبية:واضربك تاني لو عايز فاهم
ياسمين كانت بتعاين لفهد الغيرة كانت واضحة في صوتو وتصرفاتو وعيونو بس صوت حسام وهو بقول"فهد عاوزك ك**** وبس" بتردد في اذنها.....
الضابط وهو بتكلم مع اسامة:الحصل شنو؟
اسامة:والله يا سعدتك انا زاتي ماعارف بس فجأة ياسمين نادتنا وجينا لقينا فهد بتشاكل مع الاولاد ديل
الضابط عاين لياسمين وقال:الحصل شنو يا انسة؟؟
ياسمين كانت بتعاين لفهد وبتقول في نفسها"فرصة وجات لعندك يا ياسمين ممكن تقولي فهد فجأة دق الاولاد وهم ما سألوهو....بس في صوت كان بقول ليها:ياسمين دي ما اخلاقك ولا تربيتك فهد عقابو عن ربنا انتي ما مصرَح ليك انك تعاقبيهو مهما عمل.....
الضابط عاد السؤال مرة تانية وياسمين لسة بتعاين لفهد...اسيل لكزتها في يدها حتى ياسمين صحت من سرحانها....
الضابط:اتكلمي ما تخافي من زول
ياسمين:لا انا ما خايفة من زول
الضابط:طيب الحصل شنو؟؟
ياسمين:الاولاد ديل كانوا بشاغلو فيني وبعداك جا الزول دا اتكلم معاهم وفجأة واحد منهم قاليهو انعل ابوك بعداك قامت الشكلة دي
كلمة الزول دا كانت تأثيرها كبير في فهد "اسمي مستخسرة تقوليهو بعد ما كنت فهووودي وعيوني وروحي بقيت الزول دا"
الضابط حك حنكو وقال:اممم طيب انتي بتعرفيهو؟؟
اسيل قالت بسرعة عشان ياسمين ماتتهور لانها لاحظت لنظراتها ليهو:اي خطيبها
كلمة خطيبها دي صدمت تلاتة:فهد ماكان متوقعها....ياسمين نفس الشي ما كانت متوقعاها....واسامة حس بحاجة بتقطع قلبو لمن قالت خطيبها
الضابط عاين لياسمين وقال:بالجد؟!
ياسمين بدون شعور قالت:اي
كان في حالة هدوء كدة غير صوت مازن البفلت في الكلام....فجأة الضابط صرخ في مازن ومازن سكت.....
الضابط عاين لفهد وقال:اسمك رباعي
فهد:فهد عبد الرحمن يوسف محمد
كل القاعدين في القسم اتصدمو......
الولد المع مازن قال: عب عب عبد ال عبد الرحمن يوسف ر ر رئي رئيس الاستخبارات السودانية 😨😱😱😱
فهد عاين ليهو وقال:اي 😏
الولد قال لمازن:دا زول تتشاكل معاهو ياخي نحنا بسببك ممكن نموت😫😫
مازن بلع ريقو وقال:ياخ انا لو عارف كان هبشتو ولا كان شاغلت خطيبتو😰😷
سامر قال بصدمة:فهد انت ابوك رئيس الاستخبارات ليه ما كلمتنا 😳
فهد حك راسو وقال:ما حصل سألتوني والموضوع عادي
الضابط بلع ريقو وقال:احم فهد بس وقع لينا هنا واتفضل امشي عادي(حيي انا امشي عادي ولا خايف يا سعدتك 😏😂)
الولد حاول اعترض بس مازن سكتو وقال:اسمعني هنا نقعد هنا اسبوع ولا نقعد طول عمرنا فاهم اوعى تفتح خشمك......اصلا انت البديت تشاغل الله ياخدك 😡
المهم طلعو من القسم وسامر اصر على فهد انو يتغدا معاهم المهم اتغدو واتونسو وفهد ماشال عينو من ياسمين في النهاية اسيل قالت لسامر واسامة:يلة نطلع ويا ياسمين الحقينا تمام....وطلعت وساقت سامر واسامة قبل ما ياسمين ترد....
فهد عاين لياسمين وقال:ياسمين
ياسمين شالت شنطتها وقامت:فهد لو سمحت قدر الاحترام الفي قلبي ليك دا ما تمحيهو
فهد مسك يدها وقال:ح يجي يوم وتعرفي انو حسام كذاب وطلع خلاها.....