عشقي الازلي❤️

* 8 *

في الجامعة.....
رزان:المتحيونات ديل وينهم؟؟
محمد:ماعارف والله اتأخروا
اياد:والله خوفي ما يحصلو....كدي يافهد اضرب ليهم
فهد:اوكي وضرب لي ياسمين:ياسمين وين انتو؟؟
ياسمين:هلا نحنا جمب الباب
فهد:اوكي يا عمري باي
ياسمين:باي
دقيقتين وياسمين و اسيل جو المهم سلمو على اصحابهم ووصلو المشرحة....اثناء ما الدكتور كان بشرح في بت كانت واقفة قدام فهد فجأة قبلت وراها ولقت فهد فقامت حضنتو💔....

في كلية الاسنان....
سام وهو بتكلم مع ريم:حبي انا بعدين عازمك اوكيه؟؟(وانا؟!😥)
ريم:حاضر يابيبي لكن وين؟
سام وهو بغمز ليها:خليها مفاجأة😉....

في كلية الهندسة......
وفاء وهي بتكورك:لقيتو يا لدن لقيتو اخيرا
لدن وهي مصدومة من كواريكها:لقيتي شنو؟؟😳
(لدن و وفاء بقرو هندسة معدات طبية)
وفاء بفرحة:رقم اسامة
لدن بغباء:اسامة منو؟؟؟؟؟؟!!!!
وفاء وهي بتضربها في راسها بخفة:اسامة الولد البحبو
لدن:اهاااا لكن ح تعملي شنو؟
وفاء بابتسامة خبيثة:شووووفي....

في المشرحة.....
البت قبلت وراها ولقت فهد فقامت حضنتو😱ياسمين شياطين الدنيا دي كلها قامت تنطط قدامها وبدون شعور مشت لي فهد وقالت ليهو بهمس غاضب:خليها تنفعك😡😠 (تؤ تؤ ياسمينة غارت🙊)
وطلعت خلتو...فهد زح البت منو وقام جاري وراها لقاها في الممر والممر كان فاضي مشى عليها ومسكها من يدها وقال:ياسمين انتظري
ياسمين وهي بتحاول تفك يدها منو:فكنننني ماعاوزة انتظر
فهد مسك يدينها الاتنين وثبتها مع الحيطة وقرب منها شوية:ياسمين انتي مالك؟
ياسمين من الغضب ما لاحظت لي وضعيتها هي وفهد:لا اشوفها تحضنك واصفق ليها وانت ما شاء الله الموضوع عجبك
فهد بدون شعور منو ضماها عليهو وقال ليها بهمس خارت قواها بسببو:ولا حتى الف منها ممكن يساوو ظفر منك
ياسمين للحظة كانت ح تستسلم وتحضنو لكن اتذكرت كلام سام "نحنا واثقين فيك" زحت من فهد سريع وعاينت ليهو وجري نزلت تحت....

في الشركة....
اسامة كان في البريك قام تلفونو ضرب عملو سايلنت
سامر:منو؟؟
اسامة:رقم غريب
تاني ضرب وتاني عملو سايلنت ضرب زي خمسة مرات كدة في للنهاية سامر قال ليهو:يأخي رد يمكن حاجة ضرورية
اسامة استأذن منو ومشى عشان يرد:الوو
وفاء بدلع مااصخ:الووووو
اسامة:منو معاي؟
وفاء:بنفس النبرة:اسامة؟؟
اسامة:نعم منو معاي؟
وفاء:معاك وحدة بتحبك وبتمووووت فييييك
اسامة طوالي قفل الخط في وشها مافاضي لحركات مراهقين على قولو (عجبني ليك يالخفيفة اللفيفة 👏😏)

بهناك وفاء كانت بتغلي من الزعل....
وفاء بعصبية وصراخ:انا يقفل الخط في وشي يقفل الخط في وشي انا وفاء احمد مالك
لدن خافت منها وقالت:معليش ماعرف قيمتك
وفاء:لا مستحيل امررها ليهو حركتو دي...رسلت ليهو"ح تندم على حركتك"
اسامة بهناك لمن شاف المسج عمل ليها بلوك ومسح رقمها

في كلية الطب....
بعد الدوام الساعة كانت ستة مساء ياسمين واسيل كانو واقفين قدام البوابة اسيل قالت ليها:انتي جاييك منو؟؟
ياسمين:سام وانتي؟
اسيل: اسامة
عشرة دقائق واسامة جا:اسيل يلا
اسيل:ثواني وعاينت لياسمين:سام وين؟
ياسمين اتوترت:ماعارفة والله دقيقة اضرب ليهو وضربت والرقم مقفول ضربت كم مرة نفس الشي وضربت لامها وابوها برضو مقفول
اسامة:اسيل في شنو؟
اسيل:منتظرين سام
ياسمين:انتي امشي تمام و..
اسيل قاطعتها:لا مستحيل طيب اضربي لسامر
ياسمين ضربت لسامر:سامر الو...تعال لي....انا في الجامعة.......طيب منتظراك قفلت واتلفتت لاسيل:اها يلا امشي قال جاي
اسيل:لالا بنتظر معاك
ياسمين:والله بزعل منك انا بقعد مع عمو مصطفى(البواب)
اسيل:متأكدة؟!!
ياسمين:اي يلا مع السلامة
اسيل حضنتها وقالت:انا مادايرة اخليك براك
ياسمين ضحكت وقالت:انا مش قلت ليك بطلي تحضري مسلسلات هندية
اسيل ضربتها:غلطانة انا زاتي يلا باي
ياسمين:باي
اول ما اسيل اتحركت ياسمين يقت بتحاول تضرب لاي زول لانو قبيل سامر مارد ليها بس هي قالت كدة عشان اسيل..شوية كدة وجات عربية فيها شابين وكانو بعاينو ليها بطريقة عجيبة والشارع كان فاضي وعمو مصطفى مشى الجامع للصلاة...فجأة وقفو العربية وجو عليها هنا ياسمين نست كل فنون الدفاع عن النفس الهي متعلماها
واحد منهم:يا حلوة عاوزة توصيلة؟
ياسمين سكتت
التاني:الجميل مالو مطنشنا
الولد1:انتي تعالي معنا بالطيب اوكي
الولد2:اي احسن من الغصب وبعدين انتي قايلة شنو نحنا ما ح نخليك ساي عرفتي يعني ما مجاني بنديك قروش ولو واصلتي معانا بتكو...
قاطعو الكف الاتلصق في خدو من يد ياسمين
ياسمين بعصبية:احترم نفسك فهمت
الولد2 بعصبية:انتي بتضربيني انا؟😡
ياسمين:واضربك تاني لو عايزة
الولد2 اتلفت لصاحبو وقال ليهو:البت دي قوية وانا بحب القوة وفجأة بقو بلزو فيها عشان تمشي معاهم بس هي كانت بتبكي وبتصرخ لكن الشارع كان فاااضي طرحتها اتفكت ووقعت في الارض ومشبكها كمان وشعرها اتفتح فجأة وبدون مقدمات لقت الولد في الارض وماسك انفو البتنزف
اسامة بصراخ وهو بتكلم مع ياسمين:امشي العربية...لكن ياسمين كانت شايفو طشاش طشاش وفجأة الدنيا اظلمت في عيونها...اسامة كان بدق في الولدين لكن لزوهو وجرو ماقدر يلحقهم قبل يشوف ياسمين لقاها في الارض شالها وشال طرحتها ومشى بيها العربية..رقدها في الكراسي الورا وختا راسها في رجلينو
اسامة في نفسو"بسم الله ما شاء الله البت دي جميييلة شدييد وكمان بياضها صااارخ..لمس شعرها..الله دا شعرها ما شاء الله حظو الحياخدها" قاطع افكارو لمن ياسمين صحت رفعت راسها ولمن شافت اسامة قامت منو سريع وراسها لفَ اسامة مسكها سريع وكانت المسافة بينهم شعرة...ياسمين اتحرجت منو ومسكت راسها واكتشفت انها بدون طرحة وزحت منو سريع....اسامة استغرب منها وقال:مالك؟!!؟!!
ياسمين:امم ممكن طرحتي؟
اسامة اداها طرحتها لفتها سريع وقالت لاسامة شكرا ونزلت...اسامة نزل وراها وقال ليها:ماشة وين انتي؟؟
ياسمين:ماشة البيت
اسامة وهو رافع حاجب:احلفي بس
ياسمين:والله
اسامة:بطلي سخف واركبي العربية خليني اوصلك
ياسمين حاولت تعترض لكن اسامة ما اداها فرصة..ياسمين احتارت تركب قدام ولا ورا لكن لمن اسامة ضرب البوري سريع ركبت قدام
اسامة عاين ليها وابتسم وساق العربية وفجأة بقى بضحك😂😂😂😂😂😂😂😂😂😂😂😂😂😂😂
ياسمين استغربت منو وقالت اكيد الولد دا مجنووووون😳😕
اسامة وقف ضحك شوية وقال ليها:شوفي وشك ههههههه عامل كيف ههههههههههه
ياسمين فتحت المراسة الفي السقف وعاينت لوشها وكانت ح تجن او نقول جنت وانتهت وشها كان عبارة عن ساحة معركة الكحل كان سايح من البكاء ومالي وشها كلو والرووج كان واصل لحنكها تحت وشعرها مارق بالجنبات وحالتها صعببببة 😰😰💔💔
ياسمين بدون قصد ضربت اسامة في كتفو وقالت بدلع طبيعي:ما تضحك
اسامة مسك كتفو وابتسم وهو بعاين ليها في عيونها (كانت لابسة العدسات) وقال:برااااحة
ياسمين ارتبكت من نظراتو وفي حاجة حصلت ليها لمن قال ليها 'براحة'
ياسمين:اسمع ركز في سواقتك وما تعاين لي
اسامة بغرور:وليه ما اعاين ليك بسحرك وبعدين انا ما سايق عشان اركز في السواقة
ياسمين:لا ما بتسحرني لكن دايرة اصلح الطرحة....ولا اقول ليك انزل من العربية
اسامة رفع حاجب وقال بغروور:أنا (اشر على نفسو) انزل ليك انتي(واشر عليها)
ياسمين بنفس الغرور:اي ولا ما مالية عينك
اسامة:اسمعي هنا كان دايرة تصلحي الطرحة صلحيها هنا ولا انزلي صلحيها برة
ياسمين بصدمة:انا انزل
اسامة ببرود:اي اصلا الشا
ياسمين:اوكي وطوالي نزلت من العربية مسكت طرحتها والساعة التسمع ليك:هووو🐕
سريع ركبت العربية اسامة اتخلع وقال ليها:في شنو مالك؟!
ياسمين:في كلب
اسامة:انتي بتخافي من الكلاب؟؟
ياسمين هبت ليك فيهو:اي وانت مفروض تنزل لي من الزوق يعني فهمت وبعدين انا ماعندي مراية عشان اصلح طرحتي فهمت والكلب جا وكان شكلو كبير شدييييد وو..
اسامة قاطعها بملل:انتي واسيل نفس الطينة ما ممكن تكوني لعلاعة كدة ياخ
ياسمين باستغراب وتساؤل:يعني شنو لعالعة؟!😂😂😂
اسامة فكاها ليك ضحكة:ههههههههههههههه اسمها لعلاعة ل..ع..ل..ا..ع..ة لكن ما الومك لانك حنكووووشة
قبل ما يتمها اتصدم بعلبة المناديل في وشو لف على ياسمين بعصبية ومسك يدها شدييييد....

يتبع......❤️