نحن نعيش....
لكي نرسم ابتسامة.....
ونمسح دمعة.....
نخفف الماً.....
ولأن الغد ينتظرنا.....
و الماضي قد رحل....
وتواعدنا مع افق الفجر الجديد.....
نحن نعيش....
لأن هنالك من نستحق ان نقف معه.....
ونفرح معه.....
ونبكي معه....
ونضحي من اجله....
واخيرا نمو...
اسامة قبل عليها وهي في نفس الوقت رفعت راسها وشافتو... اسامة نزل عينو عشان فستانها كان شوية فاضح...هي لمن شافتو نزل عينو طلعت من المطبخ وهو طلع وراها....اسامة تابع طريقو عادي اما وفاء كانت ما مصدقة وبدت تتكلم مع نفسها:دا الولد بتاع الشركة الانا بحبو ما مصدقة دا هو زاتو واي حلو لكن من قريب 😍 واااي كان اسألو من اسمو على الاقل..لكن شكلو ولد ناس محترم...مشت سريع عشان تكلم لدن
عند البنات... كانو بتونسو واسيل شافت ربا سرحانة فقالت:ربوووش مالك سرحانة؟! ربا:لا مافي حاجة قلبو ياسمين دخلت شمال:يمكن بتحب ههههه 😂😂 ربا:هاهاهاها مت ضحك يا ياسمين غايتو البت دي فاضية خلاص ياسمين: it's not a big deal يابيبي امليني ربا:واااو دمك خفيف شديد طبعا البنات: ههههههههههههههه
عند الشباب..... مصعب قام على حيلو مجتبى:وين يا اخوي؟! مصعب:ما ليك دخل ايان:سوري ياصحبي لكن جبهتك وصلت الحدود الكخزستانية رَماح وهو رافع حاجب:دي وين كمان الحدود الكختزستانية؟؟؟!😂 سام:انت اعرف انطقها اول مصعب:عن اذنكم (نظام الولد راقي وبستأذن وكدا) ايان:ماشي وين؟! مجتبى:جبهتك بتطير ايان مسك جبهتو:اي صاح نسيت وقبل على مصعب لقاهو مافيش قام قال:الولد دا حمار ولا شنو رَماح:والله صحي شفع ما عندكم موضوع سام:قاعد معاهم ليه 😒 ايان:اوووه جبهتك اتعدت الحدود الشماليه لكوريا الجنوبيه رَماح: دي بعرفها مجتبى:دي شنو دي هسة؟!!!🙄 سام قام يتفلسف:اسمعني الحدود الشماليه لكوريا الجنوبيه هي زاتا الحدود الجنوبية لكوريا الشماليه يعني الحدود الجنوبية لكوريا الشماليه هي الحدود الشماليه لكوريا الجن..... مجتبى قاطعو: اسكت راسي لف😰 ايان و رَماح و سام: ههههههه
عند مصعب.... كان بتكلم مع حبيبتو 💑:هلا والله برواني روان ضحكت بدلع وقالت:هلا بعيون روان مصعب:مشتاقين والله روان:بالأكتر يا بيبو مصعب:بيبو دي جديدة؟؟!! روان:هههه حلو مش؟؟ مصعب:اي شي منك حلو روان:انت وين الجوطة دي؟! مصعب:في عزومة عن ناس عمو محمد روان:اوووبس ما اكون اشغلتك مصعب:لا عادي روان:لالا امشي للناس عشان ما يقولوا حبيبي قليل ادب مصعب:ههههه طيب يلا باي روان: باي باي
سامر كان واقف جمبها يعني لو قبل شافتو ولو قبل شافها ولحسن الحظ قبلو الاتنين على بعض وقهو في بعض قريب 5 دقايق 💙 في النهاية سامر انتبه وقال:احم اسيل كيفك؟ اسيل:ها تمام الحمد لله سامر:دوم مرت لحظة صمت كسرتو اسيل:انا ماشة عاوز حاجة سامر:لا سلامتك اسيل رجعت للبنات وانتبهت انو ربا ماف وسألت منها مزن: ماعارفة والله اسي كانت في رنا:حأمشي اشوفها
ربا كانت ماشة فجأة طقشت ليها زول ووقعت في الارض و طلعت منها صرخة الم: اااااااااااااه اسيد مد ليها يدو:أنا اسف ربا تنحت:هاه لا عادي مسكت يدو ووقفت اسيد:كيفك؟! ربا:تمام وانت؟! اسيد:انا كويس اممم انتي ياتو وحدة من اخوات رَماح؟؟ ربا:انا ربا اسيد:تشرفنا ربا: عظيم الشرف...يلا باي اسيد:باي ربا مشت بعد ما اسيد استحوذ على تفكيرها💖
رنا كانت جارية وبتفتش في ربا فجأة عتر ليها حجر وكانت ح تقع لكن في زول مسكها زاهر ابتسم:براااااااحة رنا اتحرجت منو وقالت:كنت بفتش في ربا زاهر:عادي يا رنوية لكن المرة الجاية انتبهي لأني ما متوفر دايما وغمز ليها ومشى وهو بضحك يلا اختنا رنا نست هي جات لشنو ونست اختها ربا والجاب ربا زاتو وتفكيرها انحصر في زاهر صاحب الابتسامه الجذابة والضحكة الرنانة💖
ياسمين كانت في جناح سامر عشان تصلح تسريحتها بعد مابت تسنيم جرت ليها شعرها المهم قعدت في التسريحة وفجأة باب الجناح فتح وكان اسامة ياسمين اتجمدت.....في مكانها واسامة انبرش فيها كانت لافة شعرها كعكة بفوضية وعاملة اكسسوار ملون.... ياسمين اتنحنحت عشان هي ما لابسة طرحة لكن هيهات اسامة منبرش حاليا....لمن ياسمين شافت انو مافي فايدة قالت ليهو:اسامة ممكن امشي؟! اسامة"لي؟!!":اي اكيد.... اسامة زح ليها وهي مشت (اهل ياسمين كلهم فري وياسمين بس المحجبة من بنات عمها)
السهرة مرت حلوة شديد وكلهم مشو وفاضل اسيل بس الحتبيت مع ياسمين بعد ماغيرو ملابسهم ورقدو في السرير اسيل قالت: ياسمين لحدي هسي مافي زول من اهل ابوك شاف لون عيونك الحقيقي مش؟؟ ياسمين:يب اسيل:خطيرة لكن وناوية توريهم متين؟؟ ياسمين: يوم العرس ما حألبس عدسات اسيل:عرس منو؟؟؟! ياسمين:عرسي انا وفهد اسيل:هههههه واثقة الاخت ياسمين بغرور مصطنع:اكيد اسيل:هههه اتثائبت وقالت:ورانا جامعة ياسمين:اي والله تصبحي على خير اسيل:وانت بخير
نامو والصباح صحو متأخرين وقامو يتجارو عشان يحصلو المهم لبسو ملابسهم واتحركو على الجامعة مع سام..... اسيل لبست عباية رمادية بأبيض مفتوحة من قدام ولبست بودي وبنطلون ابيض.....(انيقة 😍)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وياسمين كانت لابسة عباية لونها (صراحة كدة ما عرفت اللون دا شنو 😂) وبرضو فاتحة من قدام (مطقمات يا اسولة وياسمينة)بس ياسمين لابسة جيب ابيض...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
