عشقي الازلي❤️

* 3 *

رزان هيثم دي بت ظريفة شديد ودبدوبة شوية كدة لونها حنطي مايل للبياض مامحجبة لكن بتلبس طرحة عمرها 18

فهد عبدالرحمن الولد البتحبو ياسمين طويل وهادي وبرئ شديد عيونو ناعسة طويل ومعضل حلو شديييد وامو معرسة وهو قاعد مع حبوبتو وابوهو.....بحب ياسمين وهو ماعارف انها بتحبو وياسمين ماعارفة انه بحبها عمرو18

اياد رضوان صاحب فهد واقرب واحد ليهو عارف انو اي شي الا سر ياسمين الفي قلبو في لسانو بتكلم طوالي عمرو18

محمد عبدالناصر يلا دا فاصل ومنتهي دايما افكارو شمال طويييل بحب يتناقر مع رزان لكن رزان مابتسكت ليهو ودائما توم وجيري عمرو 18 سنة

بعد السلام ياسمين قالت:محمد وين؟! واياد كمان؟!
فهد:محمد وراك اما اياد من جيت ما شفتو
رزان وهي بتتكلم مع محمد:لا عليك الله كان ماتجي
محمد:معليش لكن انا مابتكلم مع الاحجام العائلية
رزان:انا زاتي مابتكلم مع عمدان الكهرباء
محمد:ياعسل احسن عمدان الكهرباء من الاحجام العائلية
اياد جا:اووف كالعادة رزان و محمد
اسيل:مادايرين يحترمو نفسهم نهائي
ياسمين:كان مادايرين تحترمو نفسكم احترمونا نحنا
محمد:انتي منو عشان نحترمك
فهد:محمد خلاص
اياد:اوووو فهد انت هنا
محمد وياسمين في نفس الوقت:لا هناك
رزان:يلا نهائي ما ظراف
محمد:في زول طلب رايك
رزان:دمك تقييل
محمد ببرود:عادي كبي ليهو شوية موية
رزان:انا كان قعدت زيادة بنجلط يلا اب صلعة دخل (الدكتور)
فهد:يلا

في كلية الاسنان
سام كان داخل المحاضرة وقفو صوت انثوي:سامي
سام لف ليها ببرود:خير
:سامي بليز ماتعاملني كدا
سام باستهتار:واعاملك كيف يامس ريم؟!!
ريم بكت:والله انا ما عندي ذنب
سام:كيف يعني ما عندك ذنب اذا انتي كنتي مشغولة عادي قولي لي وانا بقوم
ريم وهي يتشهق:والله العظيم انا مظلومة سامي انا بحبك
سام وهو بمسح ليها في دموعها:خلاص وانا كمان بحبك
ريم:سامي والله انا.....
سام قاطعها:هششششش خلاص صدقتك
ريم:يعني انت ماشاكي فيني
سام وهو يبتسم:انا ماحصل شكيت فيك اصلا
ريم:الله يخليك لي وادخل المحاضرة بدت
سام:دا ماكلو بسببك
ريم:اسفة يا قلبي
سام:عادي يلا باي
ريم:باي

تعريف صغير بريم:ريم ياسر عمرها 19 سنة بتقرا اسنان مع سامي وهي وسامي مربطين من لمن هي كانت برلومة طولها متوسط لكن جميييلة وحلوة شعرها بني لنص ظهرها عيونها واسعة بتحب سام بطريقة جنونية وسام زاتو بحبها ابوها متوفي وهي عايشة مع امها واخوها الكبير وامها صحبة سارة ام سامي

نرجع لي ناس كلية الطب
بعد المحاضرة.....
اياد:يا جماعة ارح شارع النيل
محمد:اي خصوصا عاينو الجو كيف
رزان:لالا عايزين نمشي ايطالي بيتزا
محمد:ما بستغربها منك لانو همك في كرشتك
ياسمين:محمد انطم تمام
فهد:اممم خلاص نمشي ايطالي رايكم شنو
اسيل:اي احسن
اياد:خلاص ايطالي ايطالي
محمد:اعوذ بالله كلكم قلبتو همكم في كرشكم
فهد:ح تمشي ولا لأ
محمد:خلاص اوكي
ياسمين:انا ماجيت بالعربية
اسيل:حتى انا
رزان:اسيل ارح معاي مصاصة الدماء ديك خليها تركب مع فهد
ياسمين بغرور:اصلا انا ما يشرفني اني اركب في عربيتك (طبعا كلو هظار)
فهد:خلاص ياسمين يلا (فهد ماصدق وكان داير يقوم ويبوس رزة لكن مسك نفسو)
اياد:مستعجل على شنو
فهد:جعاااان
محمد ابتسم بخبث:جعان ولا عشان داير تركب مع حبيبة القلب
ياسمين:محمد
محمد:عيونو
ياسمين:انطم
اياد.:ههههه تم قصف الجبهه بنجاح
اسيل:يا جماعة خلاص انا جعت جدجد والله
رزان:كل شي ولا اسولة تجوع يلا نمشي

اي واحد فيهم ركب في العربية واتحركو.....في عربية فهد
ياسمين في نفسها "دي الفرصة المناسبة اني اتكلم معاهو خلاص انا ح اعترف ليهو" قاطع افكارها صوت فهد
ياسمين:قلت شنو
فهد:قلت ليك عايز اسألك سؤال وانتي مامجبورة تردي
ياسمين:اوكي
فهد:انتي عندك بويفريند؟!
ياسمين:اممم زي ما قلت ما عاوزة ارد انت عندك غيرلفريند؟!
فهد:اممم اي عندي غيرلفريند
ياسمين اتضايقت شديد وفهد قال ليها:ماعايزة تعرفي هي منو
ياسمين جاوبت بدون نفس:ماعاوزة
فهد:عليك الله ياخ
ياسمين:ماعايزة غصب يعني اكيد وحدة قبيحة زيك
فهد مبسوط لانو عرفها غارت:لا والله زينة البنات كلهم
ياسمين خلاص مااستحملت وانفجرت فيهو:ياخي انت ما بتحس انت مصنوع من شنو انا بحبك وانت تقول لي بحب لي وحدة تانية
فهد ابتسم ليها ابتسامة دعاية معجون الاسنان:هههه كنت عارف
ياسمين وهي يادوب حست بالقالتو:عارف شنو
فهد وعلى ابتسامتو زاتها:كنت عارف انك بتحبيني
ياسمين خلاص قامو ليها مية جنية:شنوووو عارف وكمان بتقول لي بكل برود انا بحب وحدة تانية انت الاحساس عندك معدوم
فهد وقف العربية وقرب جسمو لكرسيها:لا ما معدوم
ياسمين انتبهت انو وقف العربية وانو قرب منها خافت:مالك وقفت العربية في شنو؟!!😲
فهد:مافي شي وقرب منها زيادة
ياسمين هبطت خصوصا انو عربية فهد مظللة يعني مافي زول شايفهم قالت ليهو بخوف:فهد ابعد مني
فهد:وكان ابيت
ياسمين بكت:فهد عليك الله زح مني
فهد اتخلع من دموعها:ياسمين انا والله بهظر معاك خلاص والله العظيم بهظر...وشال منديل مسح ليها دموعها وقال بحنان:خلاص يا قلبي والله اسف
ياسمين:عادي يا عمري
فهد:قلتي شنو
ياسمين:عادي
فهد:لا بعديها
ياسمين قالت ليهو ببرائة:يا عمري وبعدين انتبهت لكلمتها واتحرجت
فهد:ياسمين
ياسمين:هلا
فهد:ياسمين انا بحبك
ياسمين عاينت ليهو مصدومة ما اتوقعت انو بحبها:هاه
فهد:شنو هاه ما مصدقاني
ياسمين:لكن انت بتحب ليك وحدة تانية
فهد:ههه ياسمين ماكنت قايلك غبية كدة
ياسمين اتحرجت:انا ماغبية
فهد:خلاص انا كنت قاصدك انتي
ياسمين:بالجد
فهد:لا بالخال
ياسمين:,فهد انا جادة
فهد:اي والله بحبك
ياسمين:وانا بموت فيك
فهد:وانا بعشقك
ياسمين:خلاص يا حبيبي حرك يلا
فهد:عشان حبيبي دي بس
ياسمين:ههههههههههه

في عربية رزان
اسيل:لي يعني قلتي فهد وياسمين مع بعض
رزان:غرتي
اسيل:حمارة انتي لا بس استغربت
رزان:عشان انتي هبلة مالاحظتي انو فهد و ياسمين بينهم نظرات كدة
اسيل:لا مالاحظت يا ام النظرات انتي
رزان:انا جادة حاسة بيهم بحبو بعض
اسيل:صراحة كدة حتى انا لاحظت ليهم
رزان:عشان كدة بس قلت ياسمين وفهد..
اسيل:اهااا

المهم وصلو المطعم واتغدوا واتونسو وبعداك اي واحد مسى بيتو وهو شايل احساس جديد.......

يتبع.....❤️