بنت🌏.. بنت بسيطه من اسره متوسطه هي الكبيره في اخواتها والبنت الوحيده 🎁
اتولدت على حب الام والاب وتوددهم لبعض
كانت بتفتخر بيهم جدا وباستمرار تدعي بوجود واحد زي باباها لما تكبر وتتجوز❤
كان نفسها ديمآ يكون عندها اخت بنت علشان تنام جمبها وتحكيلها كل حاجه ديمآ ويتشاكله سوا على اللبس ومساعده مامتهم في البيت 💔
بسبب انها البنت الوحيده اتربت على تحمل المسؤليه وكانت اكبر من سنها ديمآ 💪
اتولد اخوها وهي عمرها 4 سنين وفرحت بي جدا
اخيرآ في ونس ومرت السنين وكبر اخوها وبقا يقدر يلعب معاها🌿
كانت بتحب تعمل حاجتين جدا
تلعب لعبه ماما والمطبخ ولعبه المس والمدرسه
كانت كل عيد لازم تجيب لعبه ادوات الطبيخ وصبوره صغننه 🔸💗🔸
وتلعب مع اخوها وتقطع الورق في الحلل الصغننه وكأنه دا الاكل واخوها تخليه ابنها الي بتحبه وبتأكله كل الاكل الي بيحبه وتوديه المدرسه وتقوم هي بدور المدرسه وتشرحله هو والاطفال الوهميين 🙈
من كتر حبها في وجود اخت كانت بتلبس اخوها هدومها وتديه اسم وهمي وتعامله كأنه بنت وتحطله توكه في شعره وتعيش الجزء المحرومه منه🍂💔
حبت من صغرها المطبخ والتدريس 💝
فكانت شاطره في دراستها مكنتش بتاخد ولا درس في المدرسه ومامتها بتذاكرلها كل حاجه في البيت💛ونفسها تطلع مدرسه🌺 وتحب تساعد مامتها في المطبخ🌸
كانت مامتها عندها مكنه خياطه بتعملها هدومها عليها لان مامتها عندها هوايه الرسم والخياطة😍
كانت البنت تقعد بالظبط جمب المكنه وتستنى القماش الزياده الي مش محتاجه مامتها علشان تفصل بي هدوم لعروستها اللعبه 😇💋
طلعت موهوبه بالوراثة😂🌿
وكانت بتحب ترسم كمان زي مامتها.. كانت شيفاها قدوتها في كل التفاصيل 🌸
كانت بتحب تحوش مصروفها الي بتاخده يوم في الاسبوع علشان تديه لباباها يشتري هديه لعيد الام كل سنه لمامتها وتروح تقدمهالها الي كان بيزود عليه كتير جدا طبعا😂😂💑
كانت بتحب تكون حلوه ❤
هي مش بيضه ولا سمرا مش تخينه ولا رفيعه ومش طويله ولا قصيره كانت ربنا رازقها بالتوسط في كل شئ🎈 بس كانت مناخيرها صغننه اوي😂😂🙊
ومرت السنين لغايه 10 سنين من عمرها وكان كل شئ على ما هو عليه💕
