بدأ شغله الجديد , وانا بدأت اركز في دراستي وبعد مده مش كبيره ساب الشغل لانه ما اتقبلش في التصفيات الاخيره💔 وجالي وقالي : انتي هتسبيني لان سبت الشغل صح؟ ☹
ورغم ان كنت اخده قرار من قبلها ان مش هقدر اكمل الا ان بعد جملته دي مقدرتش اسيبه ومش عارفه اذا كان حب ولا كان صعبان عليا ولا الاتنين سوا🤷♀😥 و في النهايه انا فضلت معاه وماسبتوش لكن مرجعتش احس بالامان ولو للحظه واحده معاه من بعدها💔 ومش عارفه ابادله اي مشاعر ولا تفاصيلنا اللي كنت بحبها زمان وبستناها🥀 واكتشفت ان وجوده اصبح شئ عادي جدا واقل من العادي بكتير واتقتل جوايا اي حاجه حلوه كانت موجوده🍂 وعدت الايام واحنا على نفس الوضع وطبعا كنت بشوف الكدب في عنيه وتصرفاته باستمرار لكن كنت بعمل مش شايفه واسكت وكانت دي بدايه ان فعلا قلبي وعقلي يقررو ان خلاص، انا حتى العتاب والمواجهه معنديش طاقه ليهم ! 🌱
وانشغلت بعدها في بيتنا الجديد اللي كنا بننقل ليه بعد ما خلصت امتحاناتي و عريسي كان ديما بيساعدنا وموجود معايا🌸 واستقرينا في البيت وبعد اقل من شهر كان عيد ميلادي 😍🔥
قبلها بايام قليله موبايلي اتكسر🙁 وماما قالتلي هجبلك واحد جديد في عيد ميلادك ونزلنا انا وهي و عريسي جبناه وكنت مبسوطه جدا😃❤ رغم ان مقدرتش اتواصل مع اي حد من صحابي زي ما متعوده كل سنه الا ان دا اتحل في اقل من يومين😌 و في عيد ميلادي عريسي عملي مفاجأه وجالي وجابلي تورتايه وهديه وعلقلي بلالين في البيت واغاني وحاول يفرحني وقالي البسي نروح السينما😍
لكن انا رفضت ومقدرتش افرح بصراحه باي حاجه عملها🙂💔 لان كنت خلاص من جوايا فعلا لكن حاولت دا مايظهرش على قد ما اقدر علشان ما يتجرحش🤷♀💔 لكن هو كان ملاحظ تغييري و كان فاهم ان مش عاجبني اللي هو عمله وعايزه اكتر واحسن لكن للاسف احساسي ولا كان يتوصف ولا ينفع نتكلم فيه .. 🥀
وبعد اسبوع قررت اعوض يوم عيد ميلادي وعزمت اصحابي وعملت عيد ميلاد وبعدها قرايبي وفرحت جدا بوجودهم حواليا💋😍 وبعد بالظبط اسبوع كانت نهايه كل حاجه حلوه او وحشه ما بينا انا و عريسي بعد ما اتأكدت ان خلاص فعلا✖😞
كان عيد ميلاد واحده صحبتي وخطيبها عملها حفله كبيره وانا باركتلها وفرحتلها من قلبي ان ربنا عوضها بالشخص دا وانه قدر يفرح قلبها لان كانت اتجرحت قبله في علاقه تعبت فيها جدا ومن فرحتي كنت بنزلها على النت كل حاجه واكتبلها ربنا مايحرمكو من بعض ابدا😘😇
وعريسي لما شاف الحاجات دي للاسف ماقدرش فرحتي بيها وقالي جمله غريبه جدا وضحتلي قد اي هو بيحس بنقص بشع وقللته في نظري اكتر واكتر🙃
قالي : انتي بتغيري من صحبتك وبصالها في فرحتها وكل اللي بتعمليه دا علشان معملتلكيش حفله زي دي صح؟🙁
طبعا انا اتصدمت من الكلام💔 وللاسف معنديش اي طاقه ولو ضعيفه جدا ان استحمل او حتى ابرر وقررت وقتها ان مهما يحصل انا مش عايزه الشخص دا في حياتي🤝 هو ولا فاهمني ولا مكتفي بيا ولا قادر يكونلي الشخص اللي اطمن بيه ومعاه وكمان بيشك في صدق مشاعري للناس اللي حواليا دا غير تفاصيل كتير جدا ماريت بيها بسبب كدبه عليا واكتشافي لدا اكتر من مرا ونفسيتي اللي اتدمرت وثقتي في نفسي اللي اتهزت وتقديمي لتنازلات ملهاش حصر ولا عدد
لوقت اكتشفت ان فعلا خلاص انا صبري خلص!🤦♀💔
وبطلت ارد عليه نهائيا وبلغت ماما ان خلاص الشخص دا انتهى بالنسبالي☹ وتاني يوم جالي البيت ومن كتر وجعي منو انا قلتله اتفضل اطلع برا ومن انهارده انا مش عايزاك مهما عملت✋ وهو محاولش كتير وانا ما اهتمتش ان اسمعه الحقيقه ..
واستمر الموضوع كده اسبوعين بدون اي محاولات منو وبدون اي تردد مني 😶 وبعدها مامته حاولت تدخل , لكن انا رفضت الرجوع نهائي وعرف من مامته ان انا طالعه رحله قريب لاسكندريه واتضايق جدا ان ازاي اطلع رحله من غيره! وطلب من مامته انها تكلمني وتقولي ان خلاص هو مش هيقدر يكمل وانا مش محترمه وجوده بالشكل دا😑 وانا وافقت😊🤝 وبعدها اتصل عليا رقم غريب وكان هو عريسي .. او مش هو تقريبا😥
كان بطريقته واسلوبه وكلامه .. شخص لاول مرا اتعامل معاه وجرحني بكلام عمري ما هقدر انساه او اسامحه عليه وطلب اي حاجه بتربطني بيه انها تكون عنده وبالفعل روحت في نفس اليوم انا وماما لمامته واديتها دبلته وبلغتها ان اي حاجه جبهالي تقدره تيجو تاخدوها في اي وقت وهو مالوش اي علاقه بيا تاني خلاص😠🤝 ومن اليوم دا وانا طلعته من قلبي وعقلي واي حاجه ممكن تيجي في خيالي وقررت ان الشخص دا مجاش حياتي ولا بأي شكل من الاشكال😓💔
وعلشان زي ما قدم ليا وحش هو قدم ليا حلو انا رفضت ابلغ اي حد باي حاجه هو عملها معايا وكانت جملتي الوحيده كل شئ قسمه و نصيب ✋🥀
