بعد ما اتأكدت ان انا في كليه أداب بدأت افكر مع صحبتي هندخل قسم اي😍 دورنا على علم النفس كان بياخد انتظام بس😢 والفلسفه والعربي كان بشروط 😑وانجليزي كان هو سبب رميتي في اداب فأكيد مش هختاره 😂😂🙅وكدا اتبقى جغرافيا وتاريخ مرجحين عندي انا وهي💁 وفي فتره الاجازه جالي رساله من ربنا ودرس صعب اوي💔✊ اكتشفت ان في واحده اعرفها بتتكلم عليا في ضهري😣 وبتحكي كل اسراري لاصحابنا لا وكمان حطت التاتش بتاعها☺ وكانت مطلعاني وحشه في عيونهم كلهم😃 كنت ديمآ بستغرب هما لي بعيد عني😟 لكن لما عرفت السبب صعبه عليا نفسي لان كنت مفكره ان انا وحشه وشخصيه لا تطاق☹ علشان كدا الكل بعيد😥 وكانت الكسره الي مابعدها كسره😥 لان صحبتي دي كانت توأمتي👎 كانت اماني وسري💔 ايوا هي! للاسف هي🌊.. وفعلا طلعت الضربه مابتجيش غير من اقرب القريب🔥 وربنا فهمني بالدرس دا ان مافيش حد المفروض يتحب كدا ويتقال عليه باقي وهو العمر والحياه⛈ وزي مايكون عقاب الورقه📝 الي ادتها لكل زمايلي معادا هي وكانت مصحباها جمله انا مش هديكي علشان انتي ماينفعش اودعك✊💥 ويمكن يكون رحمه من ربنا عليا لما اتلاقاني مصدقه اوي كشفلي الحقيقه💙 وكانت بطريقه غريبه فعلا 💘😢
.. في البدايه في اول الاجازه بعد ما التنسيق حدد اننا في اداب سوا حصل بنا تاتش خفيف كدا وشويه وكنا هنتكلم واتدخلت "البنت التالته الي عرفناها في ثانويه عامه في اخر كام شهر" والمفروض انها كانت بتصالحنا على بعض😊 ونقلتلي كل الكلام الي صحبتي قالته عليا الي نصه كدب طبعا😖 ومفكراه مش هيوصلي😃لما اتلاقيتها متحيزالي قالت هي اجت على دي لازم اكرهها فيها😌 لكن كنت بلتمسلها العزر😏 وبقول اكيد متعصبه ومتضايقه معلش💔 رغم ان في التوقيت دا كنت بعمل معاها موقف جدعنه وبطلعها من مشكله😂 بس باقت غيري عليا والحمد لله☺ وياريت غيري دا كان حد صح😅وفي نفس الوقت الصاحبه التالته تشحن فيا💔✋ لغايه ما بقا في فجوه مابنا👋 لكن رغم كدا والله كان في امل اننا نرجع نتكلم💙 اصل احنا عشره ٦ سنين ومنهم ٣ سنين اكتر من الاخوات بمراحل😢👭 لكن الورقه الي كتبتها لبنتين من صحباتي صلحتني عليهم💋 ف يشاء ربنا ان العلاقه تتحسن ونخرج سوا يوم 😇واسمع كلام عمري ما اتوقعت اسمعه😧😲 فضلت اقول لنفسي يمكن كدب! يمكن لبخ؟ لكن يتحكالي تفاصيل اسراري الي كان محدش يعرفها غير واحده بس كانت صعبه اوي💔✋ ووقتها انا كنت بضحك معرفتش اعيط😌 اكتشفت تفاصيل جابتلي حاله عمري ما هنساها👋🔥 انا كان جسمي كله بردان في عز الحر ☀وقلبي بينفض من مكانه وبيوجعني💘 وايدي ورجلي بيترعشه💔 وحاجه الي هو *ازاي؟ قولولي انكم بتكدبه!* دا غير انها كانت مطلعاني وحشه اوي اوي اوي💔 وكدبت عليا كتير اوي اوي اوي 💔ومش من البنتين دول بس عرفت دا من غيرهم وغيرهم💥 وزي مايكون عدوتها مش اختها.. اختها؟! اختها اي بس 😔
طيب تكره الناس فيا لي؟ حب تملك عايزه تبعد الكل عني وابقا معاها لوحدها! طيب لي تطلع اسراري؟ كنت مزعلاها طيب!لي تعمل كل دا؟ كان كره! او غيره! او محبتنيش من الاساس! والقرب كان مصلحه..بس ممكن تكون اي المصلحه؟فين العيب فيييييييييييييييييييييييييييييييين💔💔💔💔💔
واكتر من عشرين مرا اقرر ادخل اسألها واكتب الكلام وامسحه تاني📲 اصل هقول اي لي خونتي الثقه لي كدبتي ؟ 😏
ولما اهرب من وجع الواقع بالنوم الاقيها في احلامي💔🌊
وكسر قلبي جباروتها في انها موجعهاش الي عملته فيا ولا هزها ☹
وفضلت في الكسره دي وبقنع نفسي ان انا كويسه☺ كنت برسم القوه لكن قلبي بيعيط كل ثانيه😓 كرهت كل انواع الاكل وريحته علشان بيفكرني بيها اصل مافيش صنف مأكلناهوش سوا 😐اكتر لبس كنت بحبه بطلت البسه علشان بشوفها في المرايه وانا لابساه😵 كل حبي ليها في مذكراتي *وضحكنا ومواقفنا وصورنا وفيديوهاتنا وفرحتنا واسرارنا* كله راااح 🔥
كنت موهومه ان ربنا رازقني باخت! الناس بتحسدنا على بعض 💔
انا شبه كنت بتعالج نفسيآ حرفيآ✋لكن كنت مسنوده على قشايه رفيعه اوي بقرب صحبتنا التالته مني💙 كنت شيفاها الي بينتلي حقيقه الوحش ووقفه جمبي👋 وقلت يمكن ربنا اخد الوحش وبينه وبيديني الكويس💙
وقبل الكليه باسبوع روحت اختار القسم وكتبت رغبه اولى جغرافيا، وتحتها تاريخ ،وتحتها فلسفه ،وماقلتش لحد كنت عملاها مفاجاه بس قلت لما اتقبل هقول❤ حتى صحبتي التالته وماما مقولتلهمش وافتكروني هختار تاريخ👉 لان وقتها كانت كل اسألتي عن قسم تاريخ ونظامه👌 بس انا ايدي لوحدها كتبت جغرافيا كانت اعلى درجه في شهاده الثانويه العامه بقا وكدا😂💃 ومن بعدها العربي❤ وكان التاريخ اقل درجه من بعد الانجليزي ماشاء الله يعني😂👌
وروحت اول يوم كليه كنت لوحدي طلعت اول محاضره جغرافيا داخله من الباب لاقيت صحبتي في وشي✋😐 مكرهتهاش بس اتصاديت منها💔اصل انا مابعرفش اكره بس بتقفل 👋 عملتلي عقده ان ماينفعش اثق في حد، باركولي باقيت معقده 😁💔
اول ماشوفتها واكتشفت انها في قسم جغرافيا "عملت بروته"🙆ولافيت ونزلت وروحت غيرت القسم لتاريخ 😂😂😂
وروحت البيت، وكأن شيئآ لم يكن😂✋ 'هروب من الواقع او خوف من المواجهه' الله اعلم لكن مفكرتش ومكنتش عايزه افكر وروحت تاني يوم عادي جدا مع صحبتي التالته وبدأنا في "كليه اداب قسم تاريخ" اكتر كليه كنت رفضاها وابعد قسم ممكن ادخله 😂😂😂😂✋
....وبدأت المعركه....😂
