كنت بتغير تدريجيآ 👌
كنت في الاول ممكن اعدي صلاه لكن بسبب ال 6/7 بنات مابقتش اعدي اي صلاه بالعكس كنت بصلي السنن كمان😍 وقيام الليل واقرء في المصحف واواظب على الاذكار🌸 وبعد فتره مش كبيره كنت بحس ان مش عايزه اسمع اغاني ومش فاهمه لي ومايجليش نوم ابدا غير على صوت القران الكريم وكنت افتحه على الفون وانام🌿 ومرا صحبتي الي كنت بقولها يا ماما
كانت بتقراء الاذكار من برنامج ديني على تليفونها وطلبته منها وبعتتهولي ودا بقا خلاني اواظب اكتر 🌺
وكنت بحلم احلام غريبه ان انا بغطي نفسي مرا ومرا تانيه ان بوسع جيبه عندي كانت ضيقه🤔 وبعدها في سنه تانيه الترم التاني دخلتلنا دكتوره كانت جميله اوي ومختمره مافيش في وشها اي مكياچ ودخلت قلبي بسرعه وقبل ما تبدا شرح كانت بتحكيلنا عن حاجات حصلت في حياتها اول محاضره وفي الاخر علقت على البنطلون الي انا لابسها والمكياچ الي في وشي وقالتلي من غير دول حساكي هتكوني احلى لانهم حرام وملهمش لازمه😒 وكان اول انتقاد في حياتي مايزعلنيش😯 كأني عايزه اسمعه لما روحت وقفت قدام المرايه وفضلت باصه لنفسي وقلت يارب انا عايزه اقربلك لكن انا ضعيفه و انا بحب المكياچ جدآ وبحب لبسي دا 😭
قولي اعمل اي؟ 💔وغيرت هدومي ومسكت الفون واول حاجه شوفتها على الانستجرام اول ما فتحته حاسبو انفسكم قبل ان تحاسبو🙄 قلبي وجعني وخوفت اوي💔 وتاني يوم كنت مروحه من الكورس مع صحبتي المختمره وحاكتلها قالتلي على الرؤيه الي شافتها وخلتها تختمر وان البناطيل تشبه بالرجال وتفسير للجسم وبيفتن وحرام والحجاب مش حجاب رأس وبس قلتلها يعني كل الي بيلبس بناطيل حجابه مش مقبول قالتلي الله اعلم لكن نعمل كده ليه واحنا بايدينا الستر لنفسنا ونقدر نحافظ عليها وربنا يحبنا💐 اخدت كلامها وسكت ولما روحت البيت اجالي فيديو عن ممثله كانت محجبه اكتر من 20 سنه ولما كبرت قلعت الحجاب وطالعه مع اعلامي في برنامج وجالها مداخله من شيخ قالها لي تعملي كده وانتي قدوه لناس كتير وممكن يقلدوكي وقالت نفس الرد الي انا رديته على صحبتي المختمره
وهو يعني كل الي لابسين ضيق وبنطلون او مبينين جزء من شعرهم او شعرهم كله من اهل النار🙄 والشيخ قالها كل واحده هتتحاسب على الحاجه الي مبيناها منها والحاجه الي هتقدر انها تخليها تلمس النار وتتشوى فيها تبينها👏
الكلام جابلي رهبه اكتر من اقتناع 😢
نمت بعدها وحلمت ان انا في مركب في النيل والمركب في ثقب من تحت وانا كل ما اجدف اكتر الثقب يزيد
لغايه ما باقيت اخد المايه الي طالعه من الثقب واتوضى بيها وكان في نيتي اصلي بسرعه قبل ما اموت لكن معرفتش اصلي علشان لابسه بنطلون 💔
واتلاقيت فستان مفرود على المايه حاولت اشده معرفتش وقمت واقعه في المايه على الفستان لكن مغرقتش زي ما يكون الفستان رفعني وكان لونه نفس لون النيل وصحيت من النوم مستغربه الحلم جدا🍀 صاليت ونزلت الكليه بفستان من الي عندي الي نادرآ لما بلبسهم وكنت مخففه المكياچ شويه من وشي وصحابي قالولي ان شكلي احلى بكتير كده ❤وحاكيت لعريسي الحلم قالي مش عارف الحلم غريب لكن شكلك في الفساتين احلى كتير 💚 ومن يومها وانا حاطيت في دماغي ان مافيش بناطيل لكن مقلتش لاي حد لغايه ما اتأكد انا قد الي بعمله ولا لا 👌 وحاولت اخفف المكياچ من وشي خالص لكن ممنعتوش نهائي وبعد اسبوع من الانتظام على الجيب والفساتين قلت لشلتي فرحه اوي اوي اوي😍🙊 وقالولي في عندك جيب ضيقه ممكن نلبس عليها حاجه طويله لغايه ما تجيبي جيب اوسع وسمعت كلامهم🌸 وكل ما كانو يشوفوني مهما كان الي لابساه كانو يبدو اعجابهم بي علشان احب اكتر اكون كده🍁 وبعد اسبوعين روحت للدكتوره الي انتقدتني في المحاضره وقلتلها في ودنها دكتور انا بطلت البس بناطيل😎 بصتلي بصه عمري ما هنساها من جمالها وفرحتها وحضنتني وحتط ايدها ع دماغي🌷وقالتلي جدعه ربنا يثبتك ويحميكي وحاسيت بجد ان انا عملت انجاز وكنت مبسوطه اوي ومتشجعه اكتر ان اكمل... 😍
