من بعد العاشره☄
البنوته وهي حوالي 11سنه ربنا رزق الاسره الصغيره دي بمولود كانت بتحلم البنت طول فتره حمل مامتها يكون بنت علشان تحقق حلمها🌸 لكن ربنا أراد انه يكون ولد..ولد تاني واخ تاني ليها 💑
وتعب جدا اول ولادته وبعد كدا ربنا انعم على الاسره وبقا عند الولد الصغنن سنه 😍
وبعد شهور بسيطه سافر باباها تبع شغله👋
وفي يوم كانت البنت بتجهز لعيد ميلاد بنت خالتها الصغيره اصل عيلتها كانوا حلوين اوي بيتجمعه في بيت العيله كل خميس وهي كانت بتلعب مع بنات وولاد خالتها قدام الشقه بتاعت العيله👫👭
وفي يوم قبل العيد ميلاد نزلت جابت طقم جميل وغالي مع مامتها على غير العاده وكانت اول ما هتبتدي تلبس الحجاب بشكل اساسي ودائم👑
ويوم 19/5/2011 بالتحديد صحيت الصبح ومامتها قالتلها هيجيبه تورته انهارده اتبسطي فقعدت البنوته تكتب ورقه لبنت خالتها معايده وكانت كالتالي
صغنوني الي بحبه تميتي 3سنين كل سنه وانتي جميله يارب بحبك اوي🙆💋
وطبقه الورقه وحتطها في جيب الجيبه الي هتلبسها وجهزت هدومها بكل حب 🌿😍
ومامتها طبختلهم فراخ اليوم دا كان يوم خميس
واكله وكانت البنت بتغسل اطباق الغدا على ما مامتها تحضر هدومهم وبالظبط وقت العصر 🔸
.. تليفون لمامه البنت 📞
البقاء لله.. 💨💥
🌈المثال الطيب للبنت والقدوه والرفيق الجميل والزوج الصالح الي اتمنت زيه لما تكبر رااح💥
بابا البنت اتوفه اثناء شغله..🌙وكان شهيد عمل🌙
واتبدل اليوم من فرحه لحزن ومن اغاني الى بكاء ومن لبس جميل وجديد الى لبس اسود
وكانت البنت اقل من 12سنه مش مجمعه يعني اي موت اصلا ازاي يعني مات يعني هو عند ربنا طيب سامعها شايفها حاسس بيها 💧
وكانت الصدمه عند البنت لا تساوي شئ بجانب صدمه امها 🔥
خسرت شريك حياتها وهما لسه في ال 30 من عمرهم ☄
وابو اولادها وسر سعادتها 💫
كان وفاه الاب مع امتحانات البنت كانت مش بتعرف تذاكر حاطه صورته قدامها طول الوقت ومستنياه يرجع يعني هو مش راجع زي كل مرا بشنطه الحاجه الحلوه بتاعتي الكبيره ويحضني ويبوسني وهو لسه حالق وريحته شبه الي جايين من الحج🌺🌷
يعني خلاص⚡ وتمر الايام وقت امتحاناتها ويوحشها اكتر ويوحش كل الي بيحبوه ☀
بس ربنا كان مدي الثبات للام وعملت بوستر كبير بصورته وعلقتها في نص الصاله وكأنه لسه معاهم والي كان بيقولها حرام كانت بتقوله ابنه عنده سنه مش هخليه ينسى شكل باباه 💔
وتخلصت من كل هدومها الملونه ومن مكياجها وكأنهم ملهمش قيمه بعد ما حبيبها راح ومن يومها وهي بتلبس الاسود وبتعيش تربي ابنائها التلاته 🍃
وكانت البنت بتتعلم ازاي الامومه الصح والتصرفات الصح في المواقف الصعبه من مامتها 🌿
