🍃
نجحت البنت في سته ابتدائي ✨
بعد موت باباه بفتره مش كبيره وبعدها كان عيد جواز مامتها وباباها بعد ثلاث شهور من موت باباها وكانت عايزه تفرح مامتها بكل الوسائل ف فكرت في فكره هي واخوها الاصغر منها باربع سنين وكانت البنت محوشه زي كل سنه وجابت كيكات وشبسيات وبلونتين😂😂🌺وطلعت الصاله ومامتها في الاوضه مع اخوها الصغنن 🏃
ونفخت البلالين وفتحت اكياس الكيك والشيبسي وجابت شمعه البيت الي كانت مامتها بتولعها لما النور يقطع 🌠 وحطتها في الكيك وهو جمب بعضه وطفت النور وشغلت اغنيه على تليفونها وندهت لمامتها وهي مبسوطه جدا وبالفعل مامتها اتبسطت بيها واحتفله سوا مع صوره باباهم 🎇❤
وفضلت البنت تعمل كدا في كل عيد ام وعيد ميلاد لمامتها 🎬 علشان تفرحها وقدرت تجيب تورتات 🎂مش كيكات بس
..في فتره الاعدادي كانت البنت مش بتاخد دورس خالص في المدرسه فكانت ديمآ مضطهده من المدرسين واكترهم متضايقين ان في بنت في الفصل شاطره وبتجاوب بس مش عندنا في الدرس وحاربت البنت كل دا منغير ما تحسس مامتها واستحملت معاملات كتير مش لطيفه وكان اكترهم معاها غير سويين الا من رحم ربي💔
.. كانت البنت عندها صديقه في سنه اولى وغيرها في سنه تانيه وغيرهم في سنه تالته زي ما يكون بتدور مابين البنات على بنت شبهها لكن مش بتلاقي💧 ودا مايمنعش انها باستمرار كانت بتكون زكريات ماتتنسيش👭🌙
وفي سنه تانيه اعدادي في يوم من الايام رجعت البنت من المدرسه مش لاقيا مامتها في البيت لكن التيته بتاعتها موجوده هي وبنت خالتها الصغيره وبتعيط فسألتها فين ماما يا تيته قالتلها وهي بتتكلم ببطئ شديد ومع كل حرف كانت البنت خايفه تسمع الكلام 😥
.. مامتك كانت في المستشفى بعد كداااا
وبعدين يا تيته بعد كدا اييي😰
راحت المسجد وحاليآ هي في المقابر 😢
لي يا تيته لييي 😲
علشان جدك اتوفه 😭😭
..سكتت البنت ومش عارفه اذا كانت ارتاحت ولا تعبت لكن كان بيدور في قلبها جمله قضى اخف من قضى😣 البنت كانت متصوره شئ تاني وسماع خبر تاني بس الحمد لله طلعت فاهمه غلط 😌
واتوفه جدها ابو باباها من كتر الزعل على باباها 😔
ودخلت اوضتها تعيط وكان جمبها بنت خالتها بتواسيها فقالت البنت لسه معداش على موتك ؛سنه يا حبيبي ومحدش مستحمل لسه معداااش 😭
وفجأه بنت خالتها ترد وتقولها لا عدا اكتر من سنه احسبيها كدا 😕
البنت ساكته باستغراب😶 ومش عارفه بصراحه هم يضحك وهم يبكي😅
..ومرت الايام والبنت كانت في تالته اعدادي ولازم تجيب مجموع كبير علشان تدخل ثانويه عامه 🙆
البنت مكنش فارق معاها بصراحه علشان مكنتش فاهمه الفرق اصلا كل فكرها الثانوي صعب والباقي سهل لكن مامتها كانت مصممه تدخل بنتها ثانوي عام وبعدها كليه علشان تحقق حلمها الي مقدرتش تحققه لنفسها لان الام كان طموحها كبير لكن اخدت دبلوم تجاره واتجوزت بعدها ف شافت نفسها في بنتها وبالفعل البنت في يوم في الاجازه صحيت على اتصال من عمتها وانها عايزه رقم جلوسها تجبلها النتيجه😇 وادتهولها وكانت خايفه جدا لكن البنت كانت عند حسن ظن مامتها وجابت مجموع ثانوي عام😎 والام عيطت كتير جدا من الفرحه وحضنت البنت 😊😌😃
والبنت مكنش فارق معاها حاجه غير فرحه مامتها وانها قدرت تفرحها الحمد لله ونزلت الام مع البنت تجبلها البدله الكحلي للثانوي وتحضر للمرحله الجديده الي البنت داخله عليها 😍📚
