و زي ما كان في جانب ايجابي في حياتي ظهر❤
ظهر معاه جانب تاني سلبي ومكنتش اتمنى ابدا انه يظهر💔
بعد ما التزمت في لبسي وطريقتي وعبادتي وفهمت فين الحلال وفين الحرام واتعمقت فيهم جدا وبدأت انفذ كل الي اقدر عليه عرفت محرمات كتير كنت بعملها وحاولت ابطلها ومن علاقتي بعريسي الي فهمت فيها ان حتى ماسكه ايدينا لبعض حرام واتصدمت بعدها لما صحبتي المختمره اتخطبت وكانت قاعده معايا بتحكيلي انها هتكتب الكتاب في اسرع وقت علشان تعرف تتعامل معاه لان حتى كلمه بحبك في فتره الخطوبه حرام 👐
وناقشت عريسي في الكلام دا فرح بيا جدا وقالي هنفذ وبقا يجي معايا المسجد ونصلي لكن كل مرا كنت اسحب فيها ايدي من ايدو ويقولي انه بيحبني وماردش عليه كنت بشوف تغيير ملامحه وبعد فتره مش كبيره قالي انه حاسس بجفاء كبير في علاقتنا وتعب منه وعايزني زي الاول وانا رفضت وقلتله مش هقدر معلش اعمل حاجه عرفت انها حرام قالي طيب نعجل بكتب الكتاب وكلمنا ماما وكان ردها صادم بان عريسي مش قادر يوفر تمن شبكه بسيطه علشان نتخطب الخطوبه الي طولت جدا ع ما تتنفذ دي هيكون عنده القدره على مسؤليات كتب الكتاب😐 وحصلت مشكله بيني وبينه وسكت وبعدت فتره ، روحت لمامته من غير ما اقوله وقلتلها دي كل فلوسه الي حوشها معايا والمبلغ دا بسيط جدا واتحوش في فتره كبيره جدا جدا بسبب مسؤولياته هنا وديما يقولي انه بيصرف كل فلوسه في حاجات تخصكم ولسه مكملتش كلام اتلاقيت الي بتقولي انا ابني مش بيصرف عليا جنيه! انا اتصدمت من الرد وقلتلها امال فلوسه بتروح فين؟ قالتلي معرفش اساليه انتي عارفه ان انا بشتغل يعني مش هحتاج منه حاجه🙂 اتصلت بي وقلتله تعالي انا في بيتكم وكانت الصدمه انهم اتشاكله سوا قدامي وهي تكدبه وهو يكدبها😓 وفي الاخر سبتهم ومشيت وانا مخنوقه جدا من الموقف الي عرضت نفسي لي دا! وليه اصلا بعمل كل دا المفروض هو لو عايزني يتصرف ويحوش ويحاول لي انا شاغله نفسي وتعبه تفكيري كده ؛ وكلمته تاني يوم واديته فلوسه الي معايا وقلتله لما المبلغ المطلوب يكمل ابقا عرفني وننزل نجيب الشبكه ومشيت وطلبت ممنوع النقاش في الموضوع دا تاني ولا في الي حصل امبارح لو عايزنا نكمل واخد الفلوس وبعد ايام كان في ايده فون جديد قالي ان قريبه جابهوله هديه وانا طبعا صدقت لكن امي ماصدقتش وقالتلي انه صرف الفلوس ولما طلبتها منه تاني علشان اتاكد قالي حتطها في مشروع وهتدخلي ارباح كويسه علشان اقدر اعمل حاجه وانا للاسف صدقت✋
بس بعد فتره اكتشفت ان ماما الي صح وعرفني الحقيقه وقتها علشان لازم نتصرف والمده قربت تخلص ومافيش فلوس🙂 برغم ان مطالبنا انا وماما كانت اقل من العاديه وكان في تنازلات ملهاش عدد علشان كنا شايفين انه من جواه كويس بس ظروف البلد هي الي وحشه الا ان الاقل من العادي دا باردو مكنش بيتنفذ وديما في حجج واعزار ..👍💔
وكان ميزان المشاكل الكتير كافته بتترفع لما كانت كافه القرب بينا موجوده ولما انا منعتها ومشيت ع ضوابط قرايه الفاتحه السليمه اصبح في كافه واحده وهي المشاكل الي حصلت ورا بعضها وكانت نهايتها ان انا باقيت بسكت وبس ومش باخد اي رد فعل وانا من طبعي ان لو عملت كده مع حد يبقا هو بطل يهمني وهو كان عارف كده كويس وفجأه حصل حاجه كنت حتى ما احلمش انها تحصل معايا.. عمري ما كنت اتخيل نفسي في موقف زي دا لان انا ديمآ بحاول مأثرش في اي حاجه وبدي اكتر من ال المفروض اديه كمان
لغايه ما في يوم فهمت ان لما رضيت بأقل من ال استحقه اخدت اقل من الرضيت بيه ✋
كلمتني واحده في يوم وانا رايحه الكورس بتاعي وقالتلي انا اعرف خطيبك فضلت اضحك عليها لغايه ما وصفتلي حاجات تدل فعلا انها تعرفه ومش معرفه سطحيه او اصحاب مثلا لا دا كان مرتبط بيها طلبت منها ان اقابلها ووافقت ولما كلمني بكل سزاجه قلتله ال حصل وانا منفعله جدا وكدبها وقالي معرفش حد بالاسم دا نهائي ومنعني اقابلها لكن انا صممت وكنت في طريقي للكورس اتلاقيته في الشارع وبكل الانفعال ال كنت في ومش شايفه قدامي غير كلام البنت دي وبس اول ما شوفته راميت دبلتي في وشه ونزل ع الارض ووطى جابها وقالي انه فعلا كان يعرفها لكن قبل ما يعرفني رغم انه كان حلف كتير جدا انه مايعرفهاش ووصلت لغايه الكورس وخلصته وانا ولا شايفه ولا سامعه اي حاجه حواليا ولما خلصت الكورس ونزلت اتلاقيته تحت في الشارع مستنيني ب بلالين وغزل بنات وشوكولاتات بس للاسف انا مكنتش شايفه قدامي اي حاجه غير ان عايزه اقابل البنت دي وطلبت منه يمشي وانا هقابلها وهروح ع طول ووصلت البنت وهو مكنش مشي وظهر فجاه وفضله يكدبه بعض قدامي وهي توصف حاجات علشان اصدقها وهو يكدبها واكتر حاجه وجعتني انه قايلها عني انه خاطبني صالونات علشان باباه غصبه عليا وانه كده كده كان ناوي يسبني قريب وان انا واهلي ماديين وطلبين منه حاجات فوق طاقته ووعدها يخطبها قريب وانا مش عارفه اقول اي غير ان عايزه منك اثبات انه عرفك بعد ما خطبني مش قبل ما يخطبني وللاسف كان معاها الاثبات بصوره اتصوروها سوا بتاريخ بعد تاريخ قرايه فتحتنا بشهرين💔😞 والحاجه ال توجع اكتر انه قبل عيد ميلادي بأيام وفي التوقيت دا احنا كنا كويسين جدا جدا وكانت الناس كلها حسدانا ع بعض ويدور في بالي افكار مابتخلصش ☹
طيب طلامه عمل كده واحنا كويسين سوا جدا يبقا بيعمل اي دلوقت واحنا مش كويسين خالص يا ترى في اي تاني انا معرفوش وسبتهم ومشيت واول ما روحت كلمته وقلتله سؤال واحد بس 🙁
انا أثرت معاك في اي علشان تعمل معايا كده وكان الرد صادم
وان لا العيب مش فيكي المشكله فيا انا وانا اسف😢
بس اسف ع اي؟ على احساس ان انا مش كفايا !ولا احساس الكدب !ولا احساس الخيانه! اسف ال كان بيقولها في كل مرا يزعلني فيها بطلت تحسسني ان مسامحه حتى دموعه ال بتنزل كل مرا بطلت تحنن قلبي عليه✋ وقفلت وفضلت شايفه كل حاجه كانت وهتكون كدب, كدب وتمثيل وبس وسكت وفضلت ساكته وبعيد ايام واسابيع وشهووور وهو ولا مرا بطل يحاول معايا وكل فتره يجبلي حاجه شكل من الي كان نفسي فيها ويستلف علشان يجبلي الحاجه دي مخصوص واقابلها بالرفض لغايه ما كلمني في مرا وقالي انا اتقبلت في الحاويات ودا كان شغل بيحضرله بقاله فتره كبيره جدا و كانت اكتر حاجه بنتمناها انا وهو وفجأه نسيت كل الزعل في اللحظه دي وقلتله مبروك وفرحتله❤ بس كان بيني وبين نفسي انا مش هكمل معاه🙂 ومش عارفه ازاي كنت حاسه الحاجتين سوا الحقيقه 😶
وكان في اجراءات اخيره ساعدته فيها ومن ضمن اوراق السيڤيه بتاعه في بيانات عنه مكنتش اعرفها وحصل مشاكل كتير وانا اتغاضيت وجيت على نفسي😐👐 وهو قالي ماتفكريش في اي قديم احنا بدايتنا جديده من دلوقتي😍
ونزل اول يوم في شغله الجديد..💙
