بعد شويه ايام ماما طلبت مني اصلي استخاره علشان اتقدملي في نفس التوقيت عريس تاني🙊 تبع قرايبي وكان جاهز من مجاميعه وعنده ٢٧ سنه وعايز يتجوز خلال ٦ شهور👉 وانا قلت لماما لا منغير استخارات ✋
فضله كلهم يقنعوني ان الاحسن تعيشي مرتاحه وان في الزمن دا الفلوس كل حاجه والي معندوش دخل كبير معندوش حياه✊ وانا ساكته ومش بنطق😐 واتشتت بمعنى الكلمه وكان يوم خميس باردو وبعد ما سابوني وطلعه من الاوضه.. فتحت في العييط كأن دموعي كانت محبوسه ومش هتنزل قدام حد😭 وقلت يارب قولي اعمل اي! وغيرت هدومي وصاليت ركعتين استخاره❤ وقمت وانا بطبق السجاده شوفت فرااشتي💭
.. الفراشه دي بتجيلي كل ما ببقا زعلانه اوي اوي وكل ما ببقا مبسوطه اوي اوي بشوفها ديمآ في اي مكان كنت في من وقت ما بابا اتوفه♥ وانا على يقين انها ليها علاقه ب بابا🌸.. فراشتي دي فضلت تلف حواليا لحد ما لفتت انتباهي💫 بعدين راحت وقفت على الفستان الاحمر بتاعي👗 كان طرفه باين من دولابي🙆 كنت ناويه البسه لما عريسي الاول يجي😄 وقامت واقفه على هديه بعدها كان بعتهالي مع اخويا في الفلانتاين😇🎁 وبعدين وقفت على قلب انا رسماه على الحيطه جمبي♥.. جمب سريري..لما شوفت المنظر دا عيط! وانا قاعده على سريري لغايه ما روحت في النوم😌 وحلمت ان بكتب في السهم الي جمب القلب الي على الحيط
..ح w ر.. ♥
وصحيت مرتاحه ومش عايزه اعيط وقلت لماما اعملي الي انتي عايزاه 🍁
ماما كلمت عريسي الاولاني وقالته بنتي متقدملها عريس مايتعيبش لكن احنا ادناك كلمه👌 قالها حاضر يا امي وانا اقل من 24 ساعه واديكي الرد 🕕
وفضلت طول اليوم ادعي ان ربنا يرزقني ب الخير 💖
وبعد ٢٣ساعه بالظبط ماما دخلتلي وقالتلي ما اتصلش وانا خايفه اغامر بيكي اسمعي الكلام ندي للعريس التاني فرصه انتي ماشوفتيهوش حتى 💔
قلتلها انا بكره جواز الصالونات ،وفي فرق كبير من حد عارفني من سنين وعارف كل تحركاتي ،وحد اهله شافوني في صوره وعجبتهم 😒
بس الي هتقوليه هيمشي مش هعدي كلامك لكن دا رأيي 😔
وبعد نص ساعه بالظبط التليفون الارضي رن😯📞
قالتلي ماما هو لسه فاكر قلتلها وباقي على ال 24 ساعه نص ساعه على فكرا😁 ضحكت وضربتني على راسي وقامت ترد😂 وكانت مامه عريسي الاولاني وحددت مع ماما انهم جايين الخميس الجاي باذن الله 😍
وحاكيت لواحده من صحباتي كانت من اسكندريه عرفتها عن طريق الفيس وحبتها جدا💋 وكانت بتقولي مقولش لحد لغايه ما الموضوع يتم وانا عملت كدا🙊 وفي خلال الاسبوع دا كنت كل يوم ادعي ربنا👐 واحط ماسكات كتير جدا💆 واحضر في كلام ومردات😂😂 وقبل المقابله ب ٣ ايام ماما قالتلي تعالي معايا مشوار اشوف واحده صحبتي والبسي احلى حاجه عندك😇 قلتلها حاضر🍁 ونزلت وانا بركب التاكسي ببص في المرايا الي قدام😲 طلع عريسي راكب😕 فبقول لماما اي الي جابه هنا! قالتلي مش عارفه وهي متفقه معاه طبعا 😂😉
وقعدتنا مع بعض مرا قبل يوم الخميس وعلى اذان المغرب سابنا وراح يصلي واخدت رايي قلتلها لا مش عارفه😎💖 ورخمت عليها زي ما عملت في التاكسي 🙈😂😂
وتاني يوم مامته كلمتني قالتلي انتي راضيه بابني؟ قلتلها اكيد يا طنت ولو مكنش كدا مكنتش اخترته هو😍♥
وميت مرا تقولي اسمي ماما مش طنت عقبال ما اتعودت بقا😂😂💔
واجا اليوم الموعود 12/4 لبست الفستان الاحمر👗 وحطيت ميكب بسيط💋💅 وقرايبي اجم💪 وفي انتظار العريس واهله♥وعماله اترعش كأن انا الي هتقدمله مش هو الي هيتقدملي😂😂😂
وكلمت صحبتي المختمره وبنوته تانيه من 6/7 بنات قولتلهم عريسي جاي في السكه ادعولي وقعده يدعولي كتير اوي💖
وابن خالتي طلع فجأه من البلاكونه اجم اجم شوفتهم نازلين من العربيه😃 وانا طلعت اجري على الاوضه😱 وكله بيجري ورا بعضه في الشقه😂 وهوب بيخبطه! وقريبي يقول ميييين؟ =ما تفتح يا عمو احنا مستنييين غيرهم 😂😂
ودخل عريسي في شموخ الورد في ايد وعلبه الشوكولاتا في الايد التانيه😂😍 ودخله هو وباباه ومامته واخته واخوه♥ وانا كانت ودني جوا الباب بسمع وببص من العين السحريه😂😂يمكن القط حاجه😹👏 وخالتو دخلتلي قلتلها صوريلي القعده دي منغير ما حد ياخد باله وفضلت تصور😋 لغايه ما حماتي قالت لماما مش هنشوف عروستنا؟ فضلت رايحه جايه في الاوضه عماله اعدل في الطرحه😯 واشرب بوق مايه😰 واترعش وفجأه البرد اجه ومغص😵 وعايزه اعمل بيبي 😂😂💔
وقلت لماما لا مش قادره اطلع قالتلي اهدي وسمي الله واطلعي قلتلها طيب فضيلي مكان اقعد في🙆 قالتلي ماشي وطلعت ورا ماما بصه في الارض خايفه اتشقلب في السجاده😂 وسلمت على باباه ومامته واخواته☺ وهو ولا كأنه قاعد😂 وقعدت جمب اخته والبرد بقا اشتغل😖😂 وكتمه العطسه بالعافيه وعيني تدمع من الكتمه ومامته تقول دموع الفرح وانا عماله اهز في راسي😂😂 واتفقه ان كل واحد فينا على مهله وانا لسه قدامي سنين تعليمي هو يخلص نفسه وانا اخلص نفسي وتعليمي بعد حوالي ٣ سنين وهنقرأ فاتحه بس وهو قال طيب تلبيس دبل بس علشان يبقا باين انها مخطوبه💍♥ ومحدش تاني يتقدملها وبعد محايله ماما وافقت وحددنا معاد حفله صغيره لتلبيس الدبل الجمعه الي بعد الجايه♥😍 واخيرآ اي رأيك يا عروسه وانا ابص واقول انا؟ وكله يضحك وماما تلحقني وتقول مش هترد هي بتتحرج🙈 وانا في عقل بالي اي الموقف دا هو لو فتحت باب الشقه وجريت حد هياخد باله 🐸😂😂😂💔
وماما ربنا يتمم بخير💖 وقرأنا الفاتحه👐
وبعدين مشيه ..وانا اخدت بوكيه الورد بتاعي 😂😂💐
اول مرا يجيلي ورد🙈💐 وكنت مش مبسوطه انا كنت طايره💃 وبعت لكل صحباتي انا لسه مقري فتحتي يا بنات وكلهم اتبسطه جدا ودعولي كتير جدا جدا وبوستات بقا واستوريهات😍😍😘
واتصورت بالورد والشوكولاتا اهم حاجه علبه الشوكولاتا😂😂🍫
وعملنا حفله صغيره في البيت اغاني ورقصنا واحتفلنا🎊🎉🎊🎉 وفي اخر اليوم عريسي كلم ماما واكد عليها انه يكون الجمعه الي بعد الجايه لكن مكنش مناسب قرايبي علشان امتحانات ولاد خلاتي😢 ف ماما كلمت عريسي وقالتله معلش حاول تتصرف وخاليها الجايه على طول وهو اتصرف😍 ونزلت تاني يوم حجزت سواريه للحفله🎼 لكن كلم ماما اليوم الي بعده وقالها انا ليا قرايب من برا جايين وحابب اعملها في قاعه؟ وماما وافقت وعزمت قرايبنا وغيرت الفستان وخاليته منفوش😍👑
وعزمت صحباتي👭👭👭👭👭👭👭 ووقفت عند ان اعزم صحبتي الاولى ولا لا؟
💔توأمتي القديمه💔 وكنت محتاره سألت ماما قالتلي اعزميها وسألت عريسي قالي اعزميها لكن محدش كان يعرف بالتفاصيل هي عملت فيا اي غير واحده بس وهي توأمتي الجديده♥ البنت الي من ال 6/7 بنات وقالتلي لا اوعي تعزميها علشان دي ولا بتحبك ولا بتتمنالك الخير✊ وفكرت شويه واتلاقيت انه احسن نفضل بعيد 🎲
ويوم الاربع روحت عند كوافيره تعرفها حماتي وقالتلي الكوافيره هتبقا كادو مني ليكي😘 وطبعا خالتو كوافيره فزعلت شويه لكن اتفهمت الوضع بعدها♥ وان دا اول كادو من حماتي وصعب ارفضه وروحتلها اربع وخميس وعملت ماسكات💖💖💖 ويوم الخميس بليل كان في شويه مشاكل في بيت العيله😢 لكن ان بعد العسر يسراا👐 وكان شيطان علشان فرحتنا تبوظ لكن العيله لما تكون مترابطه المشاكل الي زي دي بتعدي مش بتدوم🎉😍
واجه اليوم المنتظر 20/4👑💐 واخدت فستاني وروحت بي عند الكوافيره👰 وظبطتني بقا وحماتي كلمت ماما وقالتلها بصي مش هينفع يكون قاعه وحفله كبيره على تلبيس دبل بس انا هجيب كادو للعروسه جمب الدبله وماما قالتلها بس احنا اتفقنا ان الخطوبه والشبكه مش دلوقت قالتلها ودي مش شبكتها لكن ماينفعش حفله كبيره كدا على دبل وبعد حوار طويل اتحلت المشكله ♥
والكوافيره لما قربت تخلصني ماما بدأت لبس😍 وقرايبي اجره اتوبيس واجولي بي كلهم😍 وعريسي كان مستني برا لغايه ما خلصت🙈 والمصور دخل ووراه العريس ونظرات الحب والفرحه كانت واضحه في عنيه👔 واداني بوكيه الورد💐واخدني ركبنا عربيه الزفه💑 وبدأت الفرحه💃🎊🎉♥
