اول يوم في قسم تاريخ مع صحبتي التالته من ثانوي
.. كان عندي حماس فوق الفظيع الصراحه😍✋ وكنت لابسه احلى طقم عندي👗 وحاطه نص كيلو ميك أب💄💅 واحلى حاجه من كل حاجه😇 واغلى كشكول في المكتبه😂 وروحنا الكليه وساعتين بدور انا وهي على القاعه الي فيها المحاضره😒 على حسب الجدول مش لقينها😐 ومحدش بيفيدنا ولا طلاب ولا دكاتره😪 وكنا في عز الحر والميك اب ساح والعرق ظهر والتعب والصداع وحاجه في منتهى الحسبي الله ونعم الوكيل😂✋
وكل الحماس راح والحمد لله 💔
وكنا اول شهر سوا وفي بنا حاجه مشتركه واحده وهي حب الاكل🍜🍔🍟🍕 ونقعد في الكافيتريا الي في الكليه والي قدام الكليه وناكل😂😂😂 وكل ما المح صحبتي الاولى قلبي يوجعني😔👉 مكنتش بحب اشوفها علشان يومي كله كان بيتشقلب من الخنقه💔 وكأن شريط زكرياتي كله بيتعاد قدامي لما المحها✋ في اي مكان وكنت محتفظه بكل صورنا وفديوهاتنا الي على فوني😐 وكل ما توحشني اتفرج عليهم😁 كانت محصراني من جوايا🔥✊ وبسببها اكتر من شهرين في الكليه مقربتش من اي حد ومش بتكلم غير مع صحبتي التالته ومش كتير كمان كنت بحاول اكون معاها زكريات جديده بالصور💙👋 واختلاف انواع الاكل لدرجه ان بدأت اكل الاكل الي كنت مش بحبه والغريب ان كنت مش بحب البطاطس نهائي🍟 ومن كتر ما اكلتها بقا اسمي بطاطس🍟🍟 كان عند💔؟! او معافره💔!؟ الله اعلم..
لكن طعمها مش هيفكرني بحاجه تخنقني💔 لان التجربه القديمه دي خلقة جوايا خوف من العلاقات كنت حاسه ان كل الناس وحشه كان ظني ديمآ سوء مكنتش اعرف اساسا يعني اي التماس عزر او افهم او اصدق تبرير💔 هو كل الناس قصده تإذيني علشان كدا انا هفضل بعيد عن كل الناس👌😶 واستمر الوضع دا اول فتره الكليه..
وقررت اخد كورس يساعدني على التأقلم والمذاكره لان كتب الدكاتره اتأخرت وحاسه بلغبطه واختلاف كبير بين الثانوي والكليه🙅وسألت البنات الي معايا في القسم ودلوني على دكتور في سنتر وبدأت اروح انا وصحبتي👭 وعملوا جروب للقسم لو في مواعيد للكورس اتغيرت او في اي تفاصيل جديده تخص الكليه✍ وطلبت ادخل الجروب لكن صحبتي مردتش لانها محبتش الاختلاط👉 لكن انا دخلت من باب العلم بكل حاجه هيتكلمه فيها كنت مفكره الموضوع رسمي وكدا😎 قسم تاريخ بقا *كلهم عظماء ومش طايقين حد الي هما بندارات بقا واوائل كل الدفعات الدحيحيه المفروض*
"وطلع المفروض عند المكوجي.. 👏
زي ما بيقوله"😂😂😂😂😂😂😂😂
وطلع قسم الهلس شكرا ✌😂😂
كلهم بيضحكه وبيهزره وكلهم ناس فعلا تتحب🍃🌹 وكنت في البدايه مستمعه ومتفرجه🙊🙉
لكن مع الوقت غصب عني لقيت نفسي حبه اقرب🌸
وزي مايكون القسم اتقسم لشلتين شله ملهاش داعوه باي حاجه واي حد خالص كانو حوالي 6/7 بنات👉
وشله تانيه ضحك وهزار ولعب وكلام وحاجات مبهجه جدا 😍💃
وكانو باقيه القسم الي هما حوالي 15شخص كمان مش كتير باردو كان القسم صغير جدا اصلا☘
وجمعنا اكتر🌿كتب كتاب🌿واحده من بنات القسم وحضره القسم كله واتبسطنا واتصورنا صور جماعيه سوا كلنا🙈🐣📱📷
وقربت من بنوته في الشله دي كانت بنت مختمره👑 كنت برتاح لما بكلمها والراحه دي كانت مخوفاني لان انا معدتش بحب ارتاح💔😔 ومع الوقت طلعنا رحله سوا وقربنا من بعض اكتر😍👭 وصحبتي التالته قربت من الشخصيه الي حاست انها شبهها وباقينا زمايل لكن كل واحده مقربه من الي حباهم✌ وهي حابه الشله التانيه الي هما 6/7 بنات💙👋
وفي الرحله انا والبنت المختمره اتصورنا كتير اوي سوا واتكلمنا اكتر حبيتها جدا واطمنت كدا احساس حلو اوي 🌊☄
وبعد فتره حصلت مشكله بيني وبينها😁 وحاولت تبررلي موقفها🙆 وانا محاولتش افهم🙅 وحرفيآ قلتلها
*ماتبرريش حاجه علشان انا مش هصدقك اصلا* البنت سمعت الكلام في صمت وانصدمت طبعا💔 لكن انا مكنتش طبيعيه انا كنت بحس ديمآ ان انا مهاجمه من الي حواليا😑 وخوف ورهبه من اي علاقه😐واي حد غلط في حقي حتى لو غلط صغير لا انت قاصد وانا خلاص مش هسمعك😡 وطبعا دا كان بسبب تجربتي الي خسرتني افضل قرب قربته من حد في حياتي💔👑 لان البنت المخترمه مستحملتش دا وبعدت عني ☘مكنش خصام كان تجنب☘ لانها مرتحتش معايا لكن طبعا السبب مكنش بايدي🔥
وبعد شويه حاكيت لصحبتي التالته وقالتلي باقي القسم وهم ال 6/7 بنات عاملين جروب لنفسهم وانا معاهم ادخلك؟ قلتلها ماشي..
ودخلت الجروب💋 👭👭👭👭👭👭
ويارتني مادخلت😂😂😂
وكان الي فات من الكليه حماده والي جاي حماده تاني خالص😇😂👉..
