بدأت تالته ثانوي وكنت متحمسه جدا والدروس كانت بتبدأ بدري شويه عن الدراسه 👓📚لغايه ما قبل الدروس بأسبوع حلمت حلم غريب💫
وصحيت اقول يا ترا انا مين علشان احلم بحلم زي دا😕 ومش عارفه اذا كان حلم او رؤيه 😐
الحلم: حلمت بسيدنا ادم وأمنا حواء وهما بيتخلقه😶 شوفت الطريقه الي اتخلق بيها بطريقه مفصله من اول التراب لغايه كساء اللحم🍃 وشوفت أمنا حواء بتتخلق زيه مش من ضلعه زي ما كلنا عارفين ☹والارض اليابس والصحرا كلها بتخضر والشجر بيطلع والازهار بترعرع في مكانها😍 وكنت موجوده في المكان ومبسوطه بي جدا على اعلى جبل في المكان😇 وبعدها اتزحلقت من الجبل على الأرض😞 من الناحيه التانيه وكل الاخضر رجع تاني يابس😑 وزي ما يكون في ناس اجانب بيحاربه سيدنا أدم وزوجته وصحيت مخضوضه 😲😢
وعينيا ماتشوف الا النور على الي حصل بعد كدا😂
ودا الي اكدلي انها رؤيه 🙌
نزل نظام البوكليت في الثانويه العامه وكل السناتر بتاعت الدروس اتقفلت بالشمع الاحمر😁والدراسه اتأجلت والدروس بدأت متأخر وزي ما يكون فعلا كل الاخضر في حياتي بقا يابس 😰
اهم سنه في حياتي بتبوظ اعمل اي 😭
وطبعآ رضينا بالامر الواقع وبدأنا نروح الدروس في المدارس ونتدرب على البوكليت وكل الانظمه الجديده المفاجأه للطلبه والمدرسين😒 واستمرت الدروس بس بصراحه كنت متدلعه😎 ماما لما اتلاقت كل الضغوطات دي عليا وفرتلي سواق يوديني ويجبني انا وصحبتي كل الدروس وسعات كانت بتيجي معايا❤ وعدت السنه بضغوطاتها وامتحاناتها وتعبها وطبعا اقصى مجهود كان بيتبذل علشان اقدر الحق الامتحانات الي على الابواب😞 والمواد كبيره وكتيره ومحدش بيرحم😢 بس كان في حاجه زي النسمه🌹الي بتهون وهي صحبتي وتوأمتي كنا ديما سوا وبنتصور كتير جدا جدا جدا كان كل حيطان بيتي صورنا سوا وكل هدوم دولابي زي هدومها بالظبط وباقينا واحد بمعنى الكلمه ومكناش بنقرب من حد خالص كنا سوا وبس 😍😘👭
لغايه تقريبا قبل ما السنه تخلص بشهرين عرفنا بنوته تالته وقربت مننا ومني انا بالاخص وكنا بنحبها جدا 👭❤
وبدأت الامتحانات وكل يوم امتحان اصعب من الي قبله و 20%من الامتحان اسأله فائقه للفائقين😐 وطبعآ كل يوم بخسر خطوه من حلمي وهدفي💔 بس لازم اكمل المشوار للاخر💘 واخر يوم امتحانات في الثانويه العامه كان يوم وقفه العيد واخر يوم صيام في الشهر الكريم وعيد ميلادي 😊👸
كتبت لكل اصحابي وزمايلي المقرابين والغير مقرابين ورقه فيها ✍زكرى يفتكروني بيها بالخير وزي ماتكون ورقه وداع علشان لو مقدرش النصيب اشوفهم تاني🍁 معادا واحده بس مكتبتلهاش وقولتلها انتي ماينفعش اودعك انتي شئ اساسي في حياتي🌹👭
حتى في كتير كنا زعلانين من بعض والورقه دي صالحتنا على بعض😚😘
وخلص اخر يوم امتحانات وفي انتظار النتيجه وكنت مقدراها بحوالي 85% مش اكتر من كدا بسبب الظروف الي حصلت طبعآ😣💔
وبعد فتره مش كبيره ظهرت النتيجه واقل من ما كنت اتوقع وطبعآ حلمي شبه اتحطم وكنت مضايقه جدا😰 وصاليت استخاره وزي مايكون ربنا نزل السكينه على قلبي والرضا بالامر الواقع🙌 وكان بيتردد في بالي جمله واحده بس 💗لو كان خيرآ لبقى💗
وبدأت استنى تنسيق الكليات ودخلت مرحله تانيه وكتبت في الكليات الكليه الي عمري ماكنت اتخيل اكتبها وكنت طول فتره الثانوي اقول لاااا كله الا دي😂😂😂
وهي الكليه الحبيبه كليه الاداب 😎😂✌
وكتبت تربيه عام رغبه اولى وواثقه انها مش هتجيلي طبعآ💔 وبعدها اداب ومهتمتش دي انتساب ولا انتظام اصلا علشان مكنتش عايزاها✊ وبعدها تربيه نوعيه👉 واستانيت امر ربنا وربنا شاء انها تكون كليه اداب انتساب واجه لصحبتي اداب انتظام وكنا طايرين من الفرحه ان ربنا جمعنا سوا مرا تانيه الحمد لله😇😍😍
ولما روحت اقدم ورقي فرحت ان دخلتها لان كليه الاداب والتربيه عام في نفس الجامعه🙈ف ربنا جعلني ادخل المكان الي فضلت اشاور عليه طول عمري وكان نفسي ادخله🏫 لكن زي ما ربنا رزقني بمكسب ابتلاني بخساره في فتره الاجازه قبل دخولي الكليه. 💥
