ركبنا عربيه الزفه🚗🎆 انا وهو ورا وماما قدام وكل شويه يبصلي وانا متوتره جدآ😐 والاغاني عاليه على الاخر في كل مكان وكل شويه اسمع زغروطه من جمب شكل😂 والكل فرحان وبيسقف ومبسوط😄
وانا للحظات باصيت للسماء☁ وقلتله انا عارفه انك شايفني🌍 شكلي حلو بالفستان؟ يومي كان هيبقا اجمل بيك😢.. الله يرحمك يا بابا💔👐..الله يرحمك يا حبيبي♥☁ وفوقت ع الاستاذ الي بيحاول يمسك ايدي😒 وقمت بصاله بقرف ! قالي يابنتي احنا في خطوبتنا انا خاطفك😂😂👊 وهوووب السواق يمين وشمال بالعربيه😮😂 ووتيييت تيييت تيييت واغاني وسباق عربيات🙅 وانا مبسوطه ومش مصدقه نفسي من الفرحه😍 لغايه ما وصلنا الاستوديو🎥 وماما بقا وقفالنا وتروح للمصور دول قرايه فاتحه هااا😒 الصور من بعيد لبعيد📷 وتعلق على كل صوره😂😂💔 و3 ساعات علشان ناخد البوم الحفله🎬 وبعدها ركبنا العربيه تاني وروحنا على القاعه واتصورنا قدامها كتيير📹 وعريسي قعد يضرب نار🔫😮 وانا مستخبيه علشان مافيش حاجه تيجي فيا😂😂 وانا طالعه ع السلم كنت هتشقلب بالفستان😐 قلتله بقولك اي😒 وشلت ايدي من دراعه وخد الورد دا💐 ومسكت الفستان وطلعت😎 وهو عمال يضحك😂😂😂 واول ما دخلت مدخل القاعه اتلاقيت مشهد عمري ما هنساه في حياتي 😢
كان اصحابي كلهم واقفين ورا بعض جمب المدخل وكلهم في عنيهم الفرحه وحاسيت باحساس جميل جدا جدا عمري ما هنساه 😍😍😍♥👐
ودخلنا القاعه وكنت مش شايفه اي حد حاسه ان متوتره جدا😪والناس بتتفرج عليا😐 وعايزة اوصل الكوشه واقعد باي طريقه😁 واول ما قعدت وبنت خالتو وخالتو ظبطولي فستاني وانا قاعده اجولي صحباتي واحده واحده وسلمت عليهم وعلى قرايبي وكل المعازيم لحد ما فرهدت🙆 لكن احلى فرهده في الدنيا😘😇 وانا في كل دا كنت بدور بعيني على واحده معينه!وهي صحبتي التالته الي كنت اعرفها من ايام ثانوي ودخلت معايا الكليه🎬 وملقتهاش للاسف☺..
قومنا نرقص انا وعريسي💑 اول رقصه سلو على اغنيه بهرب في حضن عنيكي🙈🙉🙊🎼
وعريسي حاطت طرف صوابعه بس على الفستان خايف ماما تدخل الرقصه تقوله ممنوع اللمس😂😂 وانا تلقائي من نظرات صحباتي ليا بفرحه😍 وخضتي ان هو انا بحلم !ولا دا بجد؟ اتلاقيت نفسي بعيط ومسكت نفسي بالعافيه😭 وبصتله اتلاقيته باصصلي وقالي مبسوطه؟ بصيت في الارض وضحكت😇 قالي يبقا مبسوطه😉 ولما الرقصه قربت تخلص لففني 4 لفات بروته🙆 والتسقيف بقا من كل حته وقعدنا نرقص على اغاني شعبي💃😘 واصحابه واصحابي حوالينا ويتنطته جامد وشوفت في عيون صحباتي بالاخص البنوته المختمره♥👑 وبنوته تانيه باقيت باقولها يا ماما♥ معني الحب-وان حد ممكن يفرح لحد اكتر من نفسه لان قلبه صافي وحبه صادق💗 وعرفت يعني اي يبقا الواحد اصحابه وحبايبه كتير💞 وكان عريسي بيسحب نفسه بالعافيه من بينهم علشان يرقص معايا حبه😂😂 وفوجئت ان انا بتخطب لواحد حريف رقص💃🙊😂 وانا قدامه مش عارفه ارقص..طبعا مش علشان مابعرفش لا انا بعرف جدااا😏😂 لكن ماتعودتش ارقص قدام اي حد لانه عيب وحرام😇 حتى لو دا يومي ومش هيتكرر💙 واجه وقت تلبيس الدبل💑💍 ولبسني دبلتي👋 وكادو مامته كان خاتم واسوره وزوقها عجبني جدا😘 وجيت البسه دبلته ماكنتش راضيه تدخل صابعه😂😂😂😂 فدخلها هو ..ويادبله الخطوبه ولولولولي🙊 ورقصت مع ماما واخواتي و نيناتي وحماتي وخلاتي وبنات خلاتي وعماتي و قرايبي من قريب وبعيد "وكام بنت كده معرفهمش لكن قلت يمكن قرايب عريسي"
وبعد شويه اجه وقت البوفيه وجارسون القاعه اخدنا وروحنا مكان جوا النادي الي فيه القاعه كان بسين مليان نور وبلالين🌊💫 وطرابيزه وشمع والجاتو و وااو جدا بقا🌟🌹 الي هو انا ممكن اكمل اليوم هنا؟ 🌸😍
واتصورنا كتييير📷 وكان الجاتو كريمه وانا مش بحب غير الشوكولاتا واخد باله اني مش باكل فطلب تغيير الجاتو بتاعي وغيروهولي🙈 واكلنا🍰ورجعنا القاعه ورقصنا رقصه السلو التانيه💑 على اغنيه سمعني نبضك🎼💗💨 ولسه هقعد بعدها قالولي قومي هو في عروسه بتقعد😂😂 ورقص لحد اخر دقيقه في الحفله💃💥 وبعدين روحنا بعربيه خال عريسي نتعشى🍕 وماما معانا والناس كلها بتتفرج علينا واحنا داخلين المطعم 😂😂🙈وطلبلنا بيتزا🍕 واتعشينا😍 ووصلني البيت وروح بيته🌸 ولسه بغير اتلاقيته بيكلمني على الفيس وقعدنا نرغي للصبح🎁🌊...
