في يوم 21/12 بعد شهرين من بدايه الكليه
وبعد ما روحنا بيت تاني مع جدو ونينه ب 3شهور بالظبط👌❤
يخبط الباب الساعه 4 الا تلت👋👋🚪
وتفتح نينه وواحد يطلبني ويقول اسمي بالكامل😮
وانا كنت في اوضتي وقتها بذاكر وكان يوم خميس❣
ماما لبست النقاب بسرعه وطلعت تشوف مين و هي قلقانه جدا وخايفه وانا عماله اهديها واقولها خايفه من اي ما انا قدامك اهو اهدي😟 وانا خايفه اكتر منها اساسا😂💔 ونينه تقولي عملتي اي😐 وانا مزهوله على مرعوبه😥 وعندي فضول رهيب اعرف في اي وطلعتله ماما من الاوضه بعد ما لبست والي على الباب استنى سنه 😂
وبهذا الشخص يقول💣
انا عايز اتقدم للانسه وعارف ان الوقت مش مناسب بس لو ممكن رقم حضرتك وهكلمك احدد معاكي معاد نتكلم فيه 😎
ماما ادته رقمها وهي بتترعش هي طبعا اطمنت بس اثار الخضه موجود😂😂 وانا اول ما مشي طلعت اجري على البلكونه ابص👀
وكان لابس قميص ابيض وفوقيه بوكلت رمادي وبنطلون رمادي جينس وشوز ابيض و ولا طويل ولا قصير و ولا تخين ولا رفيع وعنده دقن
"وانا بضعف قدام الدقن"😂😂💔
ولف وشه وبص عليا 😳 قمت دخلت بسرعه ومشافنيش الحمد لله 😪 وانا سارقه خمار نينه ولابساه وطلعه ابص من ورا الشباك ولابسه نداره المذاكره والقلم الفسفوري بتاع التخطيط في ايدي😂😂😂😂😂😂😂😂🙆
ورجعتلهم شبه البايره بتاعت عريس يا اماااي😂 وانشكاح غير طبيعي💃 وبقول لماما هسمي بنتي مريم 😂😂
والكل مستغرب😕😂 لان انا كنت رافضه فكره الارتباط دلوقت خالص ، بس لما حبيبي اتقدملي اجه معاه القبول و الانشكااح 😅
وكلم ماما بليل وعرفت معلومات عنه وطلبت منه يقعد مع قريبي واترفض💔.. اه اترفض💥 واختفى فتره وحاسيت بعدها ان انا مش مظبوطه بعد الي حصل لانه يعرفني من ايام الثانويه، يعرفني اكتر من نفسي🌴 وعلقني بي⚡.. لانه مقالش انا عندي وعندي هو بس قال ..بحبها💫🔥
وفي الفتره دي كان ربنا مديني سند جديد في حياتي وهو الجروب الجديد الي دخلتني في صحبتي التالته كان اسمي بطاطس فيه🙈🍟😂 وكانت البنت المختمره فيه👑
ف الود رجع بشكل مش كبير، لغايه يوم عيد ميلادها في شهر واحد .. عملت جروب تاني انا وال 6/7 بنات وهي مش في ، واتفقت معاهم على حفله ليها كان نفسي افرحها اوي❤ وبالفعل عملنا الحفله في حديقه🌼وجبنا تورتايه وغمينا عنيها وهي داخله من المدخل ولبستها طوق ورد😇
وحاسيت بفرحتها جدا جدا🌊⛅
وكنت مبسوطه ، يعني اعتبرته بشكل او بأخر اعتزار وطلب موده من جديد🙊🐣!
وحصل😍
ورغم اننا مقربناش اوي زي الاول لكن يكفيني دعوتها ليا وابتسامتها الجميله لما تشوفني ونصايحها المستمرة😇
دا غير ال 6/7 بنات الي ندمت فعلا ان مقربتش منهم من زمان😢 وحابيت شخصيه كل واحده فيهم اكتر من التانيه.. 😘👭👭👭
وبعد عيد الميلاد بيومين دخلت اتكلمت مع واحده منهم كنت حساها مضايقه مش من افعالها هي بتضحك وبتهزر كتير جدا جدا بس انا حاسيت بكدا من عنيها ولبسها للاسود بشكل مستديم..وكاان احساسي في محله💗 وطلع باباها متوفي زيي♦ ومتخانه من اقرب الناس ليها زيي ماشاء الله😅🌚 وبتخاف تقرب من الي حواليها باردو زيي💔 واتلم المنحوس على خايب الرجا😂😂 👉
وقعدنا نتكلم اليوم دا 3ساعات ونص وعرفنا كل حاجه عن بعض تقريبا🌷 وفي اخر الكلام قالتلي يا ..توأمتي🙊🙉🙈
حابيت الكلمه مش عارفه علشانها وحشاني و محتجاها؟ ولا علشان حاسيتها فعلا!
بس في جميع الاحوال كنت مبسوطه ومتاخده جدا😍 وكانت لمتنا انا وال 6/7بنات ماتتعوضش وكل يوم بنقرب اكتر من اليوم الي قابله❤
كنت بتعالج من احاسيسي المتعبه بلمتهم💋
وفي يوم 21/3 يوم عيد الام بعد الساعه ١٢ بليل بالظبط تليفون ماما يرن ويتقالها افتحي باب الشقه😶 وفتحت وكان عريسي او الي كان عريسي💔
سايبلها هديه على الباب 🎁🚪
ماما قالتله اي المناسبه؟
قالها كل سنه وانتي امي وحتى لو ماليش نصيب تكوني ام مراتي انتي امي غصب عن اي حد 😢
*وابويا انا لما سمعت الكلام😍😂🙈🔐*
ماما مكانتش عارفه تقول اي وفتحتلها الهديه وكان مصحف جميل جداا 💌
وتاني يوم حاول مع ماما تاني في موضوعنا وانه هيحاول يسعدني وعمره ما هيزعلني ولا يسبني😢 وماما فضلت ترفض💔 وهو يحاول معاها اكتر من مرا〽〽 وهو يحاول! وانا احبه اكتر واحب حبه ليا وصموده قدام ابواب رفض كتيره جدا 🌍🔐
يمكن طلبات ماما كانت تقيله عليه شويه👉
لكن هو مشفهاش كتيره عليا ووعدها انه هيحاول ولو بايده يجيب الاحسن هيعمل كدا ☄
وماما كانت محتاره !
هي ماما مش ماديه..بس ماما "اب وام ومحتاره وخايفه عليا بنتها الوحيده وتعبت عقبال ما وصلتني للي انا في"
وعريسي مكنش قليل..لكن كان لوحده وبيبني نفسه بنفسه ومش معتمد على اي حد💪.
ماما كانت عايزه الاحسن والاحسن كانت عايزالي نجمه من السما احسن واحد في الدنيا💎
وبعد ما مشي اخدت رأيي؟ قلتلها الرجاله مابتتكايلش بالمال، وانا ماينفعش اتباع للي معاه اكتر انا عايزه اتحب، ممكن يكون الي معاه قليل لكن يديهولي كله علشان بيحبني❤ وممكن يبقا الي معاه كتير جدا وفايض لكن يستخسره فيا علشان محبنيش وشاريني بفلوسه! &
وماما كانت محتاره توافق وتغامر باسم الحب!
ولا تقف قصاد الحب واهم حاجه راحتي الماديه.. 👈💎
