#رحله_انتقامي
الفصل الاول❤
كان في عالمه الذي يختاره ليصفي ذهنه ويفكر ف مشكلات الحياه ع صخرته الصلباء الذي اتخذها ملجئه السري منذ سنوات فكان يأتي لها كلما ضاقت بيه الدنيا،فهي ف نهايه شاطئ هادى وخالي في الاسكندريه وهو يتطلع للبحر وهو سرحان ،اذ يسمع صرخات ترجعه لارض الواقع ،فكانت صرخات مستغيثه،فيلمح بعدها شخص يحارب في الماء مانعا نفسه الغرق ،فما الواجب عليه سوا الركض كي يساعده فماهي الا لحيظات وهو يخرج من وسط الماء حاملا اياها بين زراعيه ويمشي بيها حتي الوصول الي الشاطئ،فيضعها ع الرمال ثم يقوم بتجراخ الماء من جسدها هي تسعل لتفيق وتجعله يفيق معاها فعندما فتحت عيناها الزرقاويتين بشعرها الذهبي المبلل،فكان جمالها ساحر ي،يقسم ف نفسه انها حوريه بحر وليست انسيه،وما ان فتحت عيناها حتي انسابت منها الالىء كماقال هو عليها،ومالبثت ان نهضت سريعا ومشيت،وكانها تائهه ،فما هي الا لحظه حتي وجدت حائط بشري يقف امامها رفعت عينيها لتجده يقف امامها.
فارس:انتي كويسه؟!
اومأت برأسها ثم تحركت لتمشي ليقف في طريقها
فارس:بدل مانتي مش بتعرفي تعومي ايه الي خلاكي تنزلي البحر؟
ثم لم يمهلها الرد ليستكمل تحقيقه بعدما القي عليها نظره من راسها لقدمها:بس انا مش شايف انك لابسه مايوه شايف انك لابسه هدوم عاديه،ثم صمت ليكمل ولا انتي قاصده!ثم فتح عينيه بشده هاتفا:انتي مجنونه عايزه تموتي كافره .
حوريه بصراخ وبكاء:ايوه انا عايزه اخلص من الدنيا الظالمه دي،كل الي هنا كدابين وخداعين مافيش امان مافيش ثقه مافيش حب كله حقد وكره وفلوس كله فلوس فلوس فلوس،الدنيا دي مافيهاش بني ادمييين دول شياطييين وانا مستحيل اكمل ف العذاب ده .ثم قالت ببكاء وصراخ يااااااااارب ارحمني ،وجلست ع الرمال بانهيار
ليتحدث فارس اخيرا:وانتي فاكره ان ده عذاب انتي لو موتي بالطريقه دي العذاب يبقي اكبر ،مش هتتخيليه اصلا عايزه تموتي اتفضلي روحي انا المره دي مش همنعك،بس خلي بالك انتي جبانه ،(هنا رفعه عيونها له)ايوه جبانه لقيتي اسهل حل الموت رحتي نفذتيه ،ماوجهتيش ماتحدتيش مادفعتيش عن نفسك،اتفضلي موتي مووووووووتي
قال الاخيره بصراخ وهي نزلت عيونها وبكت ووصلت له شهقاتها.
فارس:ايه معقوله اقنعتك ان الانتحار مش حل ،طب والله الحمد لله ،ياتري عرفت اقنعك انك وجبانه وانك لازم تجيبي حقك بدراعك ،هقولك اخر كلمتين لو انتي فضلتي مادفعيش عن حقك صدقيني هتتكلي ف الدنيا دي ،دافعي وحاربي خليكي شجاعه وخلي عندك هدف لازم تحققيه .وتركها تفكر بعمق وهي مازالت علي حالتها ولكن هدأت شهقاتها ورحل.
🌼🌼🌼🌼🌼🌼🌼🌼🌼🌼🌼
في منزل متوسط الحال في حي من احياء الاسكندريه كانت تقنط سيده في نصف عقدها الرابع وهي تبكي صائحه:ياتري روحتي فين يابنتي ياتري روحتي فين ي ضنايه كده تحرقي قلب امك عليكي حسبي الله ونعم الوكيل انت حسبي وانت وكيلي ياااااارب.
عند هذه الكلمه يخرج رجل في بدايه عقده السادس صائحا بصوته الجهور:بتقولي ايه ياوليه سمعيني.
زينب:انت السبب ي سالم انت السبب انت الي جبتلها عريس وجبرتها عليه اكيد طفشت من قسوتك عليها.
سالم:اتكتمي بقي بدل مااكتمك انا دماغي وجعاني ،ده بدل ماتشكروني عشان هسترها جايه تعاتبوني لا وكمان الهانم تهرب طب لما اشوفها بس هكولها بسناني.
زينب:كفاااايه بقي لحد امتي هتفضل كده مانا عارفه وانت عارف انت مجوزها ليه عشان العريس متريش عايز تهبش اي فلوس وخلاص،اي سكه تيجي منها فلوس حتي لو هتبيع لحمك مش مهم المهم الفلوس.
سالم:ابيع ايه ياوليه ياخرفانه انتي،ده اسمه جواز دي هتبقي ملكه وبعدين دي بنت اخويا يعني بنتي بالظبط
زينب ببكاء:انا عااايزه بنتي ماليش دعوه اتصرف.وكاد ليجيب ليدق جرس الباب فيصيح:اهي جت لقضاها والله لامربيها زي الاول.
هتفت زينب قائله:ورحمه ابوك ي شيخ مانت مادد ايدك عليها كفايه ضرب فيها بقي حرام عليك دي بنت اخوك حتي.
سالم:سبيني ياوليه .
وذهب ليفتح
😱😱😱😱😱😱😱😱😱
في شركه الانصاري للاستراد والتصدير يجلس شاب ف بدايه عقده الثالث ع مكتب من افخم مايكون ،وهو يتحدث ع الهاتف صائح بغصب:يعني ايه الشغل ماخلصش،....،انت شكلك مش هتجبها البر،....،اه مش صاحبها بس انا فارس موكلني بكل حاجه وانت خلاص ده اخرك معايا .واغلق الهاتف وهو يزفر ثم طلب السكرتيره لتاتي له.
مصطفي:ها عملتيلي ايه ف حوار السكرتيره الجديده.
السكرتيره:عملنا انترفيو للي اتقدموا للوظيفه واخترنا واحده وبكره اول يوم ليها.
مصطفي:تمام روحي ع شغلك.لتذهب ع عملها،ويدخل بعدها شاب في مثل عمر مصطفي،ليهتف مصطفي:فارس كنت فين كل ده ياراجل.
فارس :كنت قاعد مع نفسي شويه .
مصطفي :اممممم طب مالك يعني مش متعود انك ترجع من عند نفسك وانت مضايق.
فارس:حصلي موقف فظيييع .
مصطفي :الي هو؟!
فارس:هحكيلك،وقص عليه ماحدث،ليقول مصطفي ف هدوء:طب وانت ايه الي مضايقك انت تعرفها اصلا.
فارس:لا بس هي مست قلبي اوي حستها شبهي مظلومه زيي،مش عارف ي مصطفي مش عارف.
مصطفي:ربنا يكون ف عونها وانشاء الله تجيب حقها وهتبقي قويه ،زي مانت بتجيب حقك دلوقتي،فك كده بقي عشان نرجع لشعلنا.
فارس: اممم ماشي ،اعمل حسابك هنروح بكره عشان نلبس دبل.
مصطفي:اده وافق؟!
فارس بسخريه:مش بس كده ده طاير الود وده يجبهالي لحد البيت.
مصطفي:ياساتر ايه الراجل ده.
فارس:مش بقولك امه وابوه الفلوس،المهم تبقي جاهز ها ع ٨ كده.
مصطفي:تمام ي برنس،(ثم اكمل بمرح)عقبالي ياااارب(وهو يرفع يده للسماء).
فارس :هههههههههه يارب باخويا ،يلا ع الشغل.وتركه وذهب.
🌼🌼🌼🌼🌼🌼🌼🌼🌼🌼
زينب:يعني مالقتهاش بردو ي صبا ي بنتي.
صبا:والله ي ماما لفيت عليها الدنيا ،فص ملح وداب.
زينب:سااااالم انا عايزه بنتي ،هاتلي بنتي.
سالم:لما تجيلي بنت ال..... دي مابقاش انا سالم مهران لو ماقتلتهاش.
زينب:سااااالم كفاااايا بقي حرام عليك ضيعت بنتي مني ،ولم تكمل حديثها القي عليها صفعه قويه جعلتها تترنح للخلف فامسكت بها صبا.
زينب:حسبي الله ونعم الوكيل.وكاد ليصفعها مره اخري ليقطعه جرس الباب،فهرول مسرعا ليفتح الباب وماان فتح حتي وجدها امامه لتدخل في هدوء.
زينب:بنتي انتي كنتي فين ي حوريه ؟!كده تقلقيني عليكي.لم تجب وظلت تطلع ل سالم
ليتقدم منها قائلا:كنتي فين؟!
لم تجب،ليعيد السؤال مره اخره بنبره حاده ولكن لم تجب ليصرخ به ف المره الثالثه لتجيب بانهيار:كنت راااايحه امووووووت .
زينب وصبا شهقتا بصدمه.
ليتقدم منها اكثر ويمسك بذراعها:عايزه تموتي ي ..... عايزه تنتحري وتفضحينا والله لاوريكي ويسحبها خلفه بالقوه رغم مقاومتها وصرخاتها ومنع صبا وزينب سالم ولكن لا حياه لمن ينادي فيدخلها الغرفه ويغلقها خلفه
فيدفعها ويمسك بيده عصا غليظه و........
💔💔💔💔💔💔💔💔
من الذي يريد الانتقام منه؟ولماذا؟
من هو العريس؟من هي العروس؟
هل ستظل علي موقفها من الرفض والتمرد؟
لايزال الانتقام لم يبدأ بعد ،ولمعرفه اجابات هذه الاسئله في الفصل القادم.
الي اللقاء،في بدأيه الانتقام👋😃
#بقلمي_تيسير_محمد
