#رحله_انتقامي
الفصل التاسع عشر،وقبل الاخير🙈
:بس فرحت انك رجعت الشغل ايوه كده ياسياده الرائد.
قالها احمد لانس.
انس:وانا فرحت انك هتتجوز وهرتاح منك.
احمد:وانا كمان هرتاح بردو احنا ف خطوبة سعادتك.
انس يوجه كلامه لسهيله:بصي ي زين ماخترتي والله يعني ده المديريه كلها ع كتافه بقي وحاجه سكره كده.
سهيله بضحك:حاسه انها تريقه.
انس:حاسه مش متأكده،تمام اووووي.
احمد:جري ايه ياخفه منك ليها ،عومي ع عومه ياختي ماشي ي سهيله لينا كلام تاني وانت فين خطيبتك تلمك ونخلص.
انس:صحيح هي فين استني كده اروح اشوفها.
وذهب لحوريه :حوريه ممكن تطلعي تشوفي فريده اتأخرت فوق اوووي.
حوريه:ماتصبر مالك وحشتك ولا ايه؟
انس:والله ماوقت تحفيل اطلعي عشان انا اصلا قلقت فاطلعي يلا.
حوريه بجديه:طب خلاص بس اهدي كده،ماتقلقش اكيد بتعدل الميكب او اي حاجه ،انا هطلع.
وتركته لتصعد لها.
💔💔💔💔💔💔💔💔💔💔
:انت قولت ايه من شويه.
كان سؤال صبا لمصطفي الذي كان يحتسي العصير ليرد عليها بلا مبالاه:هنتجوز.
صبا بغضب:ومين قرر ده بقي انشاء الله؟
مصطفي بنفس البرود:انا.
:علي اي اساس؟
:اني بحبك.
:طب وانا؟
:بتحبيني بردو
صبا بضحك:ههه ياراجل مين الي قال كده؟
مصطفي وهو ينظر لعيونها :قلبي
لا تنكر ان قلبها خفق بشده ،تشعر بانجذاب له لكنها اغلقت قلبها بعدالذي فعله بيها عبد الرحمن.
افاقت ع صوته:ايه ماردتيش يعني.
صبا بارتباك:ااانا ل لالالا انت فاهم غلط خالص مش عشان بعاملك عادي الفتره الي فاتت عكس الاول اني بحبك ده مجرد وهم.
مصطفي بسخريه:وهم؟اممممم، هنشوف.
ضربت بقدميها بعصبيه طفوليه من بروده وكادت ان تتركه لكنها استدارت وقالت بعند:علي فكره انا اعمل الي انا عيزاه،وهاكلم الي انا عيزاه وبرحتي وهروح لاياد دلوقتي بص انا بكرهككك.
واستدارت لتذهب لكن وجدت قبضه تديرها من يديها لتصبح بالفعل في احضانه،وصار قلبها يخفق من قربه هذا ،التفت يمين ويسار،فابتعد وجذبها لبعيد في مكان خالي وجعلها تصطدم بالحائط، وحاصرها بيديه قائلا بنبره تدل علي محاوله لكبت غضبه،وهو يجز علي اسنانه ويقرب وجهه لها:اياكي شوفي اياكي تكلميه تاني هتشوفي تصرف مش هيعجبك،ده اولا ثانيا انا حره دي ماسمعهاش خلاص انتي بقيتي مسؤليتي من وقت ماحبيتك وهتبقي مراتي حتي لو ايه،ثالثا بقي بتكرهيني ها؟تمام،انا هخليكي تعترفي انك بتحبيني و......،ثانيه واحده غريبه مش بتردي عليه ليه(كان سؤاله ذات مغزي)
صبا بتوتر:مممكن تبعد طيب؟
مصطفي بنفس النبره:انا هبعد لسبب واحد،انك شكلك حلو اوي وانتي محمره كده من الكسوف،ولو مابعدتش ممكن يحصل حاجات انا مش مسؤل عنها ،وهيتقبض علينا بسببك.
ابتعد وهي تزداد حمره وجهها اثر كلامه.
:ها سامعك.
صبا تحاول استجماع نفسها:ايه الي انت عملته ده؟
مصطفي :خطبتي وانا حر(سار خطوه اتجاها وهو يقول)عندك مانع؟
صبا وهي تشير بيها ان يتوقف:لا ،ماتقربش خلاص.
مصطفي بابتسامه:انا هعفوا عنك وهمشي ياريت تفكري ف كلامي كويس.
وتركها ليذهب ولكنه استدار واقترب مره ثانيه ومال عليها قائلا:نسيت اقولك،انك احلي من القمر انهارده(وغمز لها وذهب)
لتتنفس بارتياح وتضع يدها ع قلبها وتظهر ابتسامه علي ثغرها.
