#رحله_انتقامي
الفصل السادس عشر💔🙊
:انت بتقول ايه،ازاي يحصل كده؟
صاحت بيها صبا عند حديثها ع الهاتف مع المحامي
:..........
:لا ي متر انت عشمتني وقولت تلت جلسات،ازاي من تاني جلسه يحكم.
:...........
:بس خلاص مش عايزه اي مبررات.
واغلقت الهاتف في وجهه،امسكت رأسها بتعب وهي تفكر ماذا تفعل ،ولاول مره تفكر ان تستعير مال من احد ،امسكت هاتفها وهاتفت فريده ولكنها لم تجيب،عزمت امرها علي الذهاب لها.
😢😢😢😢😢😢😢😢
:انت بتقول ايه؟!
قالها انس وهو ينهض منتفض بغضب.
وقف فارس قائلا:اقعد بس نتكلم براحه.
انس بعصبيه:كلام ايه الي نتكلمه براحه،انت واعي للي بتقوله ،ابويا انا يعمل كده،مين قلك كده؟!
فارس:انت لو مش مصدقني،ممكن وانت بتحقق مع رجالته وهما هيقروا بكل حاجه.
انس وهو يمسك شعره بقوه من شده الصدمه ويهز رأسه نافيا:لا اكيد في حاجه غلط
ليقاطعهم صراخ حوريه قائله من الاعلي:فاااااارس الحقني فريده اغمي عليها ومش راضيه تفوق.
وبدون وعي ركض للاعلي مع فارس،وكأن اسم محبوبته ينسيه كل شيء.
🙊🙊🙊🙊🙊🙊
:ايييييه،اتقبض عليه،طب اقفل حالا.
اغلق سالم الهاتف بعد صدمته ان فتحي تم القبض عليه،فكر كيف ينجد نفسه،حسم امره علي فعل شيء ما.
😈😈😈😈😈😈😈😈
:بجد اتقبض عليه،انا مش مصدقه نفسي،الحمد لله.
هذا ماصاحت بيه سهيله امام احمد في مكتبه.
احمد بابتسامه سعاده لفرحتها:الحمد لله،انتي لو تعرفي عمل فينا ايه؟!
سهيله وهي تجلس قائله باهتمام:ممكن تقولي عمل فيكوا ايه(ووضعت قبضتها اسفل وجهها كانها تريد ان يروي لها حكايه)
احمد بضحك:حكيلك ي ستي.
وقبل ان يبدأ دلف له عسكري يخبره ان اللواء يريده.
سهيله:ياخساره،مش هعرف.
ضحك احمد مره اخري ليقول:معلش بقي مالكيش نصيب.
فتح الباب وكاد ليذهب ولكنه استدار اليها قائلا:لكن لو مصره اوي ممكن تيجي ف .........بكره علي الساعه خمسه،ده لو يعني.
وتركها وذهب وهو يدعوا ان تأتي.
اما هي فاستشعرت برغبتها ف الذهاب ،ولكن تشعر بقلق بعش الشيء.
😉😉😉😉😉😉😉
فارس:مالك ي حبيبتي ايه الي حصل؟!
فريده بتوتر وعيونها علي انس الذي يقف امامها ينظر لها بشك:مافيش حاجه يمكن عشان اكلتي ضعيفه اليومين دول ،فعشان كده وقعت،ماتشغلش بالك.
الفت:فعلا يافارس،بقالها كام يوم مش بتاكل كويس.
انس وهو مكتف يديه عند صدره قائلا:وليه بقي مش بتاكلي؟!
لا تعرف ماذا تجيب كادت لتجيب لتنقذها حوريه قائله لانس:ماخلاص يابني سيبها تعبانه انت فاكر نفسك ف قسم شرطه.
دق الباب لتدلف الخادمه معلنه عن قدوم مصطفي ليأمرها فارس بتقديم شيء له.
فارس قبل جبين فريده قائلا:الف سلامه عليكي.
فريده بتعب:الله يسلمك.
:انا هنزل اشوف مصطفي.
ونهض قائلا لانس :يلا بينا ي انس.
رمقها انس نظره شك ثم هبط مع فارس.
حوريه:يلا خلصي اكلك ده كله عشان تنامي شويه.
اومأت برأسها وشرعت في تناول الطعام.
في الاسفل.
انس:انا همشي ولينا كلام تاني.
مصطفي:ايه ياعم اذا حضرت الشياطين ذهبت الملائكه ولا ايه؟!
انس:معلش بقي مره تانيه انشاء الله.
مصطفي:ماشي ي عريس علي راحتك.
دق جرس الباب لتفتح الخادمه لتخبره ان صبا جاءت ليأذن لها بالدخول.
مال ع اذن مصطفي قائلا:وحياة امك مش وقته الدنيا متكهربه خلقه.
اومأ له رأسه.
هبطت حوريه،ليسألها فارس:فريده عامله ايه؟
حوريه:كلت ونامت شويه وهطلع ابص عليها.
اوما لها راسه.
حوريه:صبااااا ايه المفجأه الحلوه دي،تعالي ادخلي.
صبا بتصنع الابتسامه:الحمد لله تمام ،حمدلله علي سلامتك.
حوريه:الله يسلمك.
صبا:عيزاكي ف موضوع م......
قاطعهم نداء الفت لحوريه،لتستأذن منها لتذهب.
فارس:نورتي تشربي ايه؟
صبا:ولا اي حاجه،انا كنت جايه اشوف فريده.
انس:اسف لقطع كلامكوا بس هطير انا سلام.
الجميع:سلام
فارس:انتي لحقتي عرفتي الي حصلها؟
صبا:ايه الي حصلها انا جيت عادي.
فارس:اغم عليها من قله الاكل.
صبا:الف سلامه عليها.
فارس:الله يسلمك و.......
قاطعهم رنين هاتفه ليسأذن ليذهب بعيد ليجيب.
مصطفي:انتي بقيتي انتي وفريده اصحاب اوي كده.
صبا بنبره يسمعها منها لاول مره:ايوه.
مصطفي وهو يريد ان يشاكلها:هي نايمه علي فكره شكلك مش هتعرفي تقبليها.
احبطت،ونهضت وخرجت من المنزل دون اي كلمه،مما ادهش مصطفي وجعله يشك انها مريضه،فكانت نظره عيونهابها نظره انكسار.(ياعديم الاحساس😂💔)
