#sanaa tranquille# بقاو مريم وحسن معاونين على الزمان وعايشين بخير..الحمد لله.. مللي دازت 3 سنين ..مريم لقات راسها حاملة..حسن فرح بزااااف ولكن مريم..تفكرات الماضي..وجاها الحنين لبنتها ملاك..اللي الى شافتها فالزنقة متعرفهاش..ملاك غتكون عندها 4 سنين.. أه يا لياااام. .. المهم لاحظ حسن باللي مريم مفرحاناش للحمل ديالها..وسولها شنو السبب.. مريم: لا والو را غير الحمل تيدير هاكة..العيا..والسخفة. و التقليقة.. حسن: ماشي مشكل ارتاحي شوية..والسوق انا غنتكلف بيه.. مريم: امينة مسكينة ممخلياش من جهدها.. حسن: اصلا ديك البنت مكاينش بحالها.. مريم: والله نعم الاخت ..نيت راني قلت ليها على الحمل غادي تجي تشوفني ليوم.. حسن: مزيان تجي تونسك..نيت انا عندي الخدمة اليوم.. مريم: واخا..الله يسهل ليك.. المهم خرج حسن..ومريم..بقات تتبكي.. تفكرات بنتها..ملاك..وقالت.. مريم: كيفاش غنقدر نكون أم مرة خرى وانا عطيت كبدتي بيدي لناس خراين.. كيفاش. !! انا منستاهلش نكون ام اصلا. دازت نص ساعة ومريم مكتائبة وهي تدق عليها امينة.. مريم غير حلات الباب وهي تلاح على امينة وتتبكي.. امينة: حمقة لاش تتبكي ونتي ربي عطاك هاد النعمة باش يعوضك على اللي داز عليك..فاش عطيتي بنتك.. مريم: منعاودش ليك أ امينة..كنعاني والله توحشتها ومكرهتش نشوفها..ولكن فات الفوت..فات. . المهم نساااي ورضاي بقدر الله.. بقات مريم شبه مدمرة فمرحلة الحمل الاولى..مقدرتش تزيد تتناسى بنتها ملاك..امينة وقفات معاها كيف ديما و كانت تتحاول تتكلف بالبيع والشرا تا مريم كانت تتمشي تبيع معاها مرة مرة..واخا ماقادراش حيت جاها الوحم صعيب ولكن كانت تتبغي تعاونها واخا بالقليل..ومكتقدرش تديپلاصا باش تجيب السلعة.. المهم..وصل وقت الولادة و داها حسن للسبيطار..باش تولد..ومللي سولو راجلها واش الولدة الاولى قاليهم آه.. أما المولدة..فكانت عايقة ب مريم..أن ولدتها هادي الثانية..ومابغاتش تسبب ليها مشكل مع راجلها.. المهم ولدات مريم وليد ..بالسلامة.. سماتو أنس.. بعد النفاس بدات تتولي شوية ..ومللي شدات فصحتها..مشات تتكمل البيع مع امينة..وتتدي معاها ولدها.. بقات على هاد الحال مدة 6 سنين..حتى كبر أنس..ودخل للمدرسة .. تزادو المسؤوليات وتزادو الطلبات وحسن تغلب مع الزمان..ولكن مريم قالتلو الى مكانش مكفينا الخدمة ديالي فالسواق..فأنا غنزيد خدمة خرا.. حسن: انى خدمة غتزيدي؟؟ مريم: غنطيب فالعراس..راه تنعرف نطيب..والله..غير خليني .. حسن: ديري اللي بغيتي..انا اللي عليا تنجيب اللي قسم الله واللي فالجهد.. وهاكدا ولات مريم تتطيب فالعراسات.. يتبع.. #sanaa tranquille#.
