#sanaa tranquille# خالد تاهو كان شاب فالعشرينات لا خدمة لا ردمة قاهرو الفقر..تيبريكولي مرة مرة مع واحد خوه تينقل السلعة من مدينة لمدينة..تيمشي يعاونو مرة مرة.. أما أمينة فكانت أعز صديقة ل مريم..كانو بجوج تيتعلمو الخياطة فنادي واحد..وتماك توطدات صداقتهم.. أمينة عايشة مع مها اما خوتها كلشي مزوجين وبعاد..هي اللي بقات حدا مها.. اللي كانت مرا كبيرة شوية.. نرجعو للوحلة اللي طاحت فيها مريم. .. الغد ليه فاقت مريم هي و أمينة..وقالو غير نفطرو غنمشيو للعروبية اللي كاين فيها خالد..وفعلا خداو المركوب ومشاو.. مريم الطريق كاملة وهي تتخمم..وتبكي..وامينة تتصبر فيها مريم: زعما يقدر خالد يخوي بي؟؟ امينة: كلشي ممكن اختي.. المهم وصلو للعنوان..وبقاو تيقلبو على الدار حتى لقاوها ومن حسن الحظ كان خالد خارج قدام ديك الدار .. وهي تقشعو مريم.. مريم: امينة..هاهو خالد هاهو..(وهي تبدا تشير ليه وتعيط ..خالييييد).. هز راسو شاف فيها معرف باش تبلى..ومكانش عندو كيفاش يدير يسلت هاد المرة..الحاجة الوحيدة اللي كانت قدامو هي يواجه المشكل اللي عندو مع مريم..وهو ينوض ومشا عندها.. خالد:مريم!!! أش كديري هنا؟؟؟ مريم: خالد. .(وبدات تبكي) فين غبرتي عليا عيييت منتاصل ونقلب عليك.. خالد: انا اللي مبغيتش نجاوبك . مريم: ك..كيفاش زعما!! تتهرب مني؟ خالد: فهميها كيف بغيتي أبنت الناس.. مريم:ش..شنو بغيتي تقول بهاد الهضرة. واش نتا عارف باللي انا حاملة بولدك ولا بنتك..وباغي تخليني فهاد الوحلة بوحدي..!!!! خالد:شكون قال لي باللي راك حاملة مني!!..شوفي اللي تعطي راسها لواحد تعطيه ل 10 اللهم عطيني اتساع..ولا غنوريك اش تنسوى..عومي فبحرك.. مريم:(ودموعها على خدها من حر الصدمة) واخا..غنعوم فبحري..والى غرقت..ذنبي وذنب اللي فكرشي فرقبتك.. أمينة: نتا ماشي راجل..تخليتي عليها فهاد الظروف..باز ليك.. خالد: واتتي سيري..عطيوني اتساع.. مريم: يله أختي امينة يله.. مشاو البنات..وامينة شادة مريم اللي رجليها مبقاوش قادرين يهزوها..بالصدمة اللي صدمها خالد.. مريم: الله ياربي..اش غندير فهاد الوحلة..الله ياربي.. امينة: ولد الحرام..مصدقش راجل.. مريم: اش غندير دابا..اش غندير.. امينة: ختي مريم..يله نمشيو للدار بعدا ونجلسو ونفكرو..ولكن خاصك تعرفي باللي عندك 2 حلول يا اما تخليه يا اما تطيحيه.. مللي وصلو لدار امينة..سدو عليهم واحد البيت وبقاو تيفكرو شنو يديرو فهاد الوحلة..يتبع...#sanaa tranquille#
