#sanaa tranquille# مشا حسن..ومريم بقات تقول: مريم: سمعتيه أش قال أأمينة؟؟شفتي الزهر اللي عندي..الى عرف الماضي ديالي غيحتاقرني .. امينة: أش غنقوليك..الراجل باينة فيه ولد الناس..توكلي على الله وصارحيه باللي وقع معاك..وهو الى كان باغيك كوني متأكدة غيسمح ليك..ويلا ماباغيش غادي يقوليك سمحيلي..الولدة ديالك فات عليها عام..نساي وعيشي حياتك..هادي غير غلطة..وربي تيغفر..علاش العبد مغيغفرش.. مريم:(تنهدااااات ) حححح..ملاك بنتي دابا غتكون عندها عام ..غتكون تتمشا وتتقول ماما..(طاحو ليها دميعات).. امينة: ختي مريم..ملاك عندها دابا واليدين خرين كيبغيوها..ونتي كون كنتي قادرة كون متخليتيش عليها..اذن نساي..وبداي حياتك من جديد وديري وليدات..ها رزقك..جا تالعندك.. مريم: صافي غنصارحو..الى بغاني مرحبا مبغاش الله يعاونو.. المهم دازت سيمانة ووصل نهار السوق..وفعلا جا عندها حسن.. حسن: السلام..لاباس االبنات..الله يجيب التيسير..!! أمينة و مريم: آميييين.. مريم: لاباس؟ أسي حسن؟؟ حسن: الحمد لله ونتي؟ مريم: الحمد لله..المهم انا غنخلي امينة تتكلف بالبيع..وغادي نمشي معاك لشي قهيوة نهضرو..ونتفاهمو على شي حوايج..واكيد خاصك تعرف كلشي عليا.. حسن: الماضي ديالك متيهمنيش بزاف..تيهمني كثر الحاضر ديالك. . مريم: المهم أولد الناس غنقوليك كلشي ويحن الله.. حسن: يله نمشيو.. مريم وحسن خرجو من السوق ومشاو لأقرب قهوة باش يجلسو فيها ويحطو النقط على الحروف.. المهم فاش جلسو نطق حسن: حسن: انا راجل على قد الحال..خدام بدراعي عندي صنعة ديالي خدام بيها..وممكن نكري ليك ..ونتي شنو بغيتي تعاوديلي.. مريم: أنا غلطت واحد الغلطة..حاسة بالذنب فيها حتى لدابا.. حسن: شنو نوع هاد الغلطة.. مريم: باش منطولش عليك..أنا ضحك عليا واحد الولد..وتخلا عليا.. حسن تصدم وبقا سااااكت معرف مايقول.. مريم: شفتي..داكشي علاش بغيت نجلسو هاد الجلسة باش تعرف كلشي.. المهم ماوقع باس..الله يلاقيك مع بنت الناس اللي تستاهلك.. وقفات مريم..وبغات تمشي.. حسن: مريم..؛!! جلسي عافاك.. مريم: حسن..خليني نمشي..راه معندهاش حل..ولكن قبل منمشي..خاصك تعرف ان هادشي كتاب عليا فلحظة طيش..والله يسمحلي..وربي عالم اني من يومها عمر شي انسان مسني.. حسن: مريم..انا شحال وانا حاط عليك العين وكيف قلت ليك الماضي ديالك متيهمنيش..انا باقي باغي نتزوج بيك..وعافاك متبقايش تجبدي عليا الماضي ديالك مهما كان.. مريم:(جلسات..وبقات ساهية تتخمم وتقول فخاطرها..كيغندير تانقولو اني والدة بنت وعاطياها!!)واخا..وبمسبة هادشي خرجت من دارنا..مدة هادي.. حسن: كلشي غيتصلح..غنديك لداركم وغنخطبك منهم..واخا .؟؟اوا ضحكي.. المهم مريم كانت فقمة الفرح..حيت غتزوج ولقات اللي يبغيها لذاتها ماشي لشي حاجة..صبرات على ابتلاء الله ليها..لكن ربي عوضها خير على صبرها.. وفعلا..رجعات لدارهم..وفهمات حسن بالللي راها قايلة ليهم انها كانت خدامة فطنجة..وعاد جات .. المهم خطبها حسن من دارهم..جاب خوتو وممو باه ميت الله يرحمو.. وتزوجو..وقالتلو انا غنكمل البيع والشرا فالسواق ونتعاونو على الزمان..قاليها واخا..ماشي مشكل.. حسن وفا بوعدو وسترها..وفنفس الوقت معمرو جبد عليها الماضي ديالها.. وحتى هي نسات الماضي وحاولات تبدا صفحة جديدة مع راجلها.. يتبع..#sanaa tranquille#
