غلطة عمري.. #sanaa tranquille# بقاو تيفكرو تعياو وهي تنطق مريم.. مريم:غنشوفو مليكة مرات الخياط..اللي معانا..راها فرملية تشوفلي شي حد يطيحو لي..اش بانليك..؟؟ امينة: هي باغا تطيحيه !؟؟ مريم: آه.. المهم مشاو عند مليكة الفرملية..وشرحات ليها مريم المشكل..ومليكة بقات فيها بزاف مريم.. مليكة: مشكلة ياختي..المهم انا غندخلك لعند الطبيبة ونشرح لبها حالتك ونطلبها تحيدو ليك واخا؟ مريم:(تتبكي) شكرا ختي مليكة منساش ليك خيرك.. المهم عطاتها موعد تجي عليه باش تدخلها للطبيبة.. ومللي وصل الوقت مريم غادية وفيها الخلعة ولكن كان خاصها ضروري تتفك من هاد المصيبة اللي حطها فيها خالد.. وصلت نوبتها ودخلت عند الطبيبة من بعد ما مليكة طلباتها باش توافق تدير ليها اجهاض .. الطبيبة: السلام ابنتي..عاوداتلي مليكة عليك..انا دابا مغنلومكش..على الغلط ديالك باش منزيدش عليك..ولكن خاصك تفكري مزيااان باش متندميش..هادي راها روح..والروح عزيزة عند الله.. مريم: دكتورة..مكرهتش والله ولكن هاد الولد غيعدبني وغيتعدب معايا اللهم مايجيش لهاد الدنيا.. الطبيبة: واخا..أخر موعد دورة جاك..؟ مريم:25..06 الطبيبة:هي دابا عندك 5 الأسابيع..بلاتي ندير ليك التلفازة..ونشوفو.. بدات الطبيبة تدير ليها التلفازة وتتوريها ولدها فين كاين ومريم بدات تتأثر.. مريم: شحال صغيور.. الطبيبة: آه..سمعي دقات قلبو..تك.تك..تك..تك..تك..تك مريم:(بدات تتبكي) اه سمعتهم.. الطبيبة: دابا طلعي فوق البياص..غادي نعيط للممرضة المساعدة ونبداو عملية الاجهاض.. مريم: واخا.. الطبيبة: تتفضلي تتبنجي ولا تبقاي فايقة مريم: نبقا فايقة..باش نحس بأي لحظة غتدوز عليا..و نستافد منها باش عمرني نعاود نغلط بحال هاد الغلطة.. الطبيبة: واخا.. المهم دخلات الممرضة المساعدة..وجهزو مريم باش يبداو العملية.. غير قاسوها..وهي تقول: مريم: لاااا لااا خليه صافي خاليه أالطبيبة..انا باغا ولدي..باغاه.. الطبيبة: اوك..عرفتك غتتراجعي.. المهم..مريم مقدراتش تدير الاجهاض وقررات تحتفظ بالولد..و فنفس الوقت قررات تغببر على الانظار تتولد..وقالت لباها باللي راها جاتها خدمة فطنجة..وخاصها تمشي واحد العام ولا عامين تما.. بقات مريم ساكنة مع امينة..اللي متخلاتش عليها..اما خالد..غبر غبرة وحدة..مبقاش بان ليه الاثر.. بقات مريم هازة الدقة بوحدها..حتى وصل نهار الولادة.. مريم: أميييينة ختي تنمووووت..عتقيني..تنولد واقيلة.. امينة: ختي صبري عافاك..انا غنجيب فاطنة القابلة اللي حدانا ونجي..السبيطار فيهم قوة التسوال وغيسولوك على الراجل.. مريم: أه اختي غير عتقيني.. المهم مشات امينة تتجري تتقلب على القابلة تالقاتها..وجابتها.. فاش دخلات القابلة لقات مريم تتوجع.. قلباتها لقاتها صافي تتولد.. وجدو ليها الما و كلشي.. وبدات تتولدها القابلة فاطنة.. يتبع...#sanaa tranquille#
