ج.8: #sanaa tranquille# غير وقفات مريم وهي تشوف حوايجها كلهم دم..بدا تيهبط منها واحد الدم كتير...أنس عيط للإسعاف..بزز باش جاو بعد نص ساعة..وداوها للمستعجلات.. حاولو الاطباء أنهم يوقفو النزييف بأي شكل كان..والحمد لله وقفوه..ولكن طلبو من مريم تدير شي تحاليل على وجه السرعة..باش يعرفو سبب هاد النزيف.. ولات مريم شوية وفاتها الحريق..ولكن بقات مشطونة مع دوك التحاليل وتتسناهم بفارغ الصبر.. دازت سيمانة وهي تمشي باش تاخد التحاليل ديالها..وغير دخلات عند الطبيب..قاليها: الطبيب: واش هادي أول مرة يوقع ليك هاد النزيف؟؟ مريم: أه أدكتور..أول مرة..علاش؟ الطبيب: المهم التحاليل راهم وصلو..بغيتك تشدي راسك..لأن هذا قضاء الله معندك ماديري..واخا؟؟ مريم:( كلها تترعد بالخلعة)ش..ش..شنو كاين أدكتور؟؟؟؟؟ الطبيب: التحاليل اللي قدامي تتقول باللي نتي مصابة بمرض السرطان.. مريم:(تصدمات..اللي كانت خايفة منو هو اللي وقع..بدات تتبكي)،،ولادي..ولادي أدكتور..ولادي.. الطبيب: متكونيش هاكة..راه كاينين ناس تعالجو وولاو لاباس خاصك غير متهمليش العلاج..المهم سيري دابا تتدخلي الفكرة لراسك وتشجعي وجي عندي الاربعاء المقبل..باش نصيفطك لجمعية لالة سلمى..باش يعاونوك ويتكفلو ليك بالعلاج ... مريم: إن شاء الله..شكرا أالطبيب.. مشات مريم وهي مرفوووعة وتتخمم..بقات تتقول أشنو درت فحياتي تاوقع لي هاكة..ولقات باللي غلطة عمرها كللو هي سباب عذابها دابا..وبقات تتطلب الله يسمح ليها من حق ديك البنت ..اللي تخلات عليها.. ملاك اللي غتكون دابا شابة..عندها 21..ولا 22 عام..واش تتقرا!! واش تزوجات واش..واش..واش.. أسئلة كثييييرة تدور فبال مريم..ومالاقياش ليها ولا جواب.. المهم وصلات للدار وجمعات ولادها وراجلها باش تقوليهم نتيجة التحاليل.. كانت تتمنى تكون قوية باش تقدر تواجه هاد المرض الخبيث لكن لقات راسها..أضعف من الضعف نفسو.. جلسو قدامها.. مريم وقفات وغمضات عينيها وتنهداااات تنهيدة عميقة..وقال أنس: مالك أماما بنتي لي ماشي هي هاديك..ياك لاباس؟؟ مريم: (بلا متحس بداو دموعها تينزلو..وغير حلات عينيها مشات تتجري تعنق فولادها وراجلها..)مساخياش بيكم والله..لمن غنخليكم. .لمن.. حسن: علاش فين غادية أمريم..فهمينا ياك لاباس..؟؟ مريم:(بدات تتمسح دموعها وتتشجع) المهم أنا مشيت للطبيب ليوم وقاللي باللي في سرطان الرحم.. كلشي تصدم وسكت ومعرف ميدير.. أنس ناض وعنق ماماه..وقاليها أنس: ماما متخافيش غنبيعو الغالي والرخيص على ود باش ترجعي لينا بحال الاول واحسن.. مريم ابتاسمت ابتسامة أمل ورجاء وقالت.. مريم: ان شاء الله أولدي اللي بغاها الله تكون معندنا مانديرو.. حسن: مريم..أنا تنحس براسي عاجز خصوصا دابا..الله يشافيييك وكيف قال انس غنديرو المستحيل باش تشافاي.. مريم: لهلا يخطيك عليا أ حسن..ان شاء الله..ربي يدير تاويل خير.. المهم وصل موعد الطبيب.. يتبع..#sanaa tranquille#
