#sanaa tranquille# كانت مفاجأة أن دوك الناس اللي لقات تيعرفو مريم..هاد الدار هي فين كانت ساكنة مريم وامينة هادي دار امينة.. والمرا اللي فبلاصتهم..قالت ل ملاك.. المرا: اه تنعرف مريم وامينة صاحبتها..ولكن علاش تتسولي على مريم؟ ملاك: خالتي ضروري خاصني نشوفها.. المرا: أحياني أبنيتي..جيتي معطلة.. ملاك: علاش ياك لاباس.. المرا: المهم باش تعرفي كلشي هاكي..ها العنوان ديالها..غتمشي غتلقاي راجلها وولادها وهوما غيفسرو ليك.. مشات ملاك هي وأيوب لداك العنوان..دقات الباب حل ليها أنس.. أنس: السلام أختي السلام خويا ..تتسولو على شي واحد؟ ملاك:أه..تنسولو على مريم..كلمها لينا عافاك..الى جات على خاطرك.. أنس حدر راسو وسكت..وهو يقول: أنس: منين تتعرفو ماما الله يرحمها.. ملاك: ك..كيفاش!؟؟؟؟ الله يرحمها!! أنس: أه أختي..ماما ماتت تقريبا عام دابا..ممكن نعرف شكون نتوما؟! ملاك طاحت سخفات فاش حلات عينيها لقات راسها لداخل تيرشو عليها فالما.. أيوب: ملاك..ملاااك.. ملاك:(تتحل عينيها بشوية بشوية)شفتي أأيوب..مكتابش لي حتى نشوفها.. أنس: شكون نتوما..؟! ملاك: أنا..أنا ختك أأنس..ختك من ماماك.. أنس: ختي!! وكيفاش معمرني سمعت عليك..؟؟؟ ملاك: قصة طويلة...المهم من بعد ونقولها ليك..عافاك حكيلي على ماما كيفاش ماتت.. بقا أنس تيعاود لملاك كلشي بالتفصيل..وملاك تتألم وتبكي.. ملاك: هادشي كامل وقع لماما مريم..الله يرحمها ويوسع عليها ديقة القبور..عافاك أخويا أنس بغيت نشوف خويا لاخر..شنو سميتو؟؟ أنس: سليم.. ملاك: بغيت نشوفو.. أنس: مابقالو والو ويدخل من المدرسة.. وفعلا دخل سليم..شافتو وعنقاتو وشرحو ليه انها ختو وفرح بيها بزاااف.. وحتى حسن دخلات عندو وشرحات ليه كلشي..وقاليها انا مسامح ليها الله يرحمها خلات بلاصتها كبيرة وعمرتخا تعمر..نوصيك أبنتي متنسايش خوتك.. ملاك: متخافش خوتي مغنساهمش.. المهم مشاو ملاك وأيوب ..فحالهم.. ومللي وصلات عند ماماها سعاد قالت ليها داكشي اللي وقع..وقالت ليها انا مغاديش نفرقكم..ولكن..خوتي مخاصنيش ننساهم وخاصني نرجع خويا أنس للقراية ونصرف عليهم حتى يخدمو.. سعاد: آه أبنتي هادي أقل حاجة ممكن تديري.. بقات ملاك تتزور خوتها مرة مرة و تتصرف عليهم مما جميعو..وأنس رجع للقراية ..كانت ملاك فقمة السعادة.. حيت لقات راسها ماشي وحيدة كفما تصورات هادي سنين..تاهي بحال أغلب الناس عندها خوتها.. المهم بدات سعاد و رشيد في تحضيرات العرس ديال ملاك وأيوب.. وعرضو على حبابهم وصحابهم.. وملاك عرضات على خوتها وعلى حتى باهم حسن.. داز العرس من داكشي الرفيع..وملاك كانت فقمة السعادة..لأنها غتكون مع الانسان اللي بغات من قلبها والاهم أن علاقتهم فالنور وفالحلال... ملاك عاشت فسعادة مع راجلها و واليديها سعاد ورشيد..وحتى خوتها هزاتهم حتى خدمو خدمة زوينة وهي ولات محامية مشهورة.. واختصات في القضايا ديال الامهات العازبات..باش تاخد ليهم حقهم قانونيا من اللي اغتاصبوهم وضحكو عليهم.. ملاك رزقها الله ببنية سماتها مريم على سمية مها الحقيقية.. فعلا..مكاينش ماحسن من الحلال.. وباراكا..مايتضحك عليكم يا بنات بإسم الحب..اللي تيحبك هو اللي تيبغيك ليه فالحلال وللزواج.. النهاية...
