تصويت حبايب للقصة
#واختار_قلبي
كتابة رؤى صباح مهدي
بالعامية
الفصل 14
وكع جمال على الأرض اغمى علي.. قلبه كام يخفق بسرعه وتنفسه صار ما منتظم.. أبو وامه اجو على صوت العلبة اللي وكعت من ايدي عبالهم وكع كلاص مي ونكسر. أبو جمال انصدم من شاف ابنه بهاي الحالة وعلبة الدوة قريب علي وافتهم كلشي.. ركض علي يهز بي ويصيح:
"جمال.. ولك جمال شسويت؟"
الام فقدت ظلت تبجي وتدك على راسها .. باوعلها رجلها وصاح:
"حطي اصبعج بحلكة حتى يزوع... رايح اشوف سيارة ننقلة للمستشفى"
طلع يركض يدور على تكسي ياخذه بي او واحد من الجيران بينما امه ظلت تدخل اصبعها ببلعومة حتى يتقئ الحبوب اللي بلعها. تذكرت من جان يجيها هو وصغير يكللها يمة نفسي تلعب وتسوي هيج ويا.. دموعها على خدها وهي تشوف ابنها يزوع وجسمه يرجف .. حست بي بردان .. كامت جابتلة بطانية غطته بيها. وهو ظل مغمي علي لحد ما اجة أبو وية جيرانهم ينقلوه للسيارة. كلتله :
"زوع هواي "
خنزر عليها الابو حتى تسكت ومتحجي شي كدام الناس. سكتت وراحت وراهم وكلهم راحوا على المستشفى. طبعا وية كل هاي الهوسة الناس التمت عبالهم تشنجات ا و شي من مخلفات الحادث بس أبو جمال ظل يكول :
"نوبة .. نوبة"
هواي عرضوا مساعدتهم بس أبو جمال شكرهم واكتفى بابو السيارة فقط. ماراد احد منهم يكتشف جمال سمم نفسة وماراد ابنه يبين ضعيف كدام الناس.. لان الناس متعرف بالظروف اللي حاوطته ومأساة حياته ومشاكله اللي صارت اكثر من مقدار صبرة وتحمله.. الناس الها الظاهر وبس والظاهر مو خوش من زواج جمال باخت ازهر لحد هاي الحادثة..
بالمستشفى داروا بالهم علي وهواي اثنوا على اللي الام سوته لان الظاهر جان مزوع اغلب الحبوب الاخذها.. الطبيب كتب خطأ غير مقصود وما كتب محاولة انتحار لان عرف جمال من وقت ما اجة حتى يتعالج من الطلقة... وشدد على اهل جمال يدخلونه يم طبيب نفسي لان حالته واصله للخطر.
كعد جمال شاف أبو كاعد مكسور الظهر يمة. تذكر هو شنو سوة وحس بالعار.. ورة ما خلص كلشي حس بنفسة مذنب لان بلع الدوة كله .. أبو جان قلبه مفطور علي.. امه دموعها على خدها تباوع على ابنها بحسرة.. هاي الكعدة ذكرتها بيوم دخلت علي من جان مضروب طلقة.. اوووووووووف هاجت عليها المواجع كلها بس كتمتها متريد تزيد اذية وليدها. حضنوا وباسوا وحاولوا يهدئوا بس هو جان ندمان على اللي سوا.. كام يبجي ويعتذر من أبو بصوته التعبان:
"بوية. اعذرني بوية..."
أبو جاوبه:
"ليش يا بوية هيج ليش.. تسوي الحرام بسبب وحدة بنت حرام ما قدرت وضعك لا هي ولا أهلها... تخسر اخرتك وتقهر والدك بشيبته وتحرم امك من ابنها؟ ليش فهمني؟ مو انت العاقل دوم اكول عنك عاقل.. وتاليها تبلع حبوب وتريد تنهي حياتك؟"
أنت تقرأ
واختار قلبي لهجة عراقية وتتوفر فصحى على منتدى روايتي قلوب احلام
Romanceيتعرض جمال الشاب الطيب لحادث يدمر حياته بس خلاه يتزوج البنت اللي يحبها... ريم -لان تزوجها بسبب الحادث - كامت تحتقر جمال وقررت تخونه.. هذه القصة باللهجة العراقية
