وختامها مسك مع فصل عملاااااااااااااااق
اتمنى تصوتون على القصة واعرف رايكم حبايب
#واختار_قلبي
كتابة رؤى صباح مهدي
بالعامية
الفصل 18
وصلوا للهند ورة عناء.. استقبلهم هناك ولد من طرف عم جمال هم مسافر قبل فترة علمود علاج لابنه وعم جمال حجة ويا ووصا على جمال. الولد ابد ما قصر رغم هو هم مشغول بعائلته بس استقبل جمال واجر ولد من الهند حتى يقوم مقام المرشد الهم ويوصلهم واجر شقة صغيرة لجمال وريم ووصلهم لحد الشقة وجانت مرت الولد محضرتلهم وجبة اكل. طول الطريق ريم ما قبلت أي احد يدفع كرسي جمال غيرها ومن وصلوا للشقة الصغيرة وبقوا وحدهم جان واضح على جمال الضغط الشديد بسبب السفر والمنتظرهم من فحوصات بالمستشفى. الولد الهندي جان كلش حباب ويحجي إنكليزي وياهم وخدوم الى اقصى الحدود بس جمال هم بعدة يحس بضغط ومبين ديفكر هواي وشايل هم..
ريم كلتله وهي دتحضر الاكل على الطاولة:
"احمي الاكل لو ناكلة هيج.. هو دافي مبين خطية محضرته اليوم"
جاوبها جمال :
"عادي مو لازم حار"
حست ريم جمال كلش متشتت فسألته:
"شبيك اشو احسك مو على بعضك"
جاوبها وهو ديتقرب على الطاولة:
"اذا اكلج خايف هم تضحكين علية؟"
تبسمت وتقربت علي وجاوبته :
"زين اذا اني اكلك اني خايفة هم تضحك علية؟"
بكل هدوء جاوبها:
"اذا متضحكين ما اضحك"
وجان تطكها بضحكة على جوابه.. باوعلها بنظرة تساؤل فوضحت:
"مو عليك والله بس الموقف كلة خلاني اضحك"
جرها وكعدها بحضنة على الكرسي الكاعد علي وباسها وكللها:
"ولج ضحكتج تموت"
باوعتله بطرف عينها وبعدها متبسمة وكالت:
"سلامتك.. "
بعدين رادت تكوم بس ما خلاها. كلتله:
"اني جوعانة اريد اكل"
خلة ايده على خصرها وهمس باذانها:
"الظاهر هذا الكرسي مو مريح"
جاوبت بخجل:
"لا مو قصدي بس...خاف اتعبك"
جاوبها وهو يمد ايده على الماعون حتى يوكلها:
"صدكككك مو موتيني تعب لحد ما حصلتج"
حست بشوية نبرة عتاب بصوته بس مارادت تفتح مواضيع مقفلة.. فعلى سبيل النكته جاوبت :
أنت تقرأ
واختار قلبي لهجة عراقية وتتوفر فصحى على منتدى روايتي قلوب احلام
Romanceيتعرض جمال الشاب الطيب لحادث يدمر حياته بس خلاه يتزوج البنت اللي يحبها... ريم -لان تزوجها بسبب الحادث - كامت تحتقر جمال وقررت تخونه.. هذه القصة باللهجة العراقية
