هذا الفصل بي احضان معقولة جمال وريم؟؟ لو غير احد؟؟
صوتولي على الفصل حبايب اريد القصة تطلع للكل
#واختار_قلبي
كتابة رؤى صباح مهدي
بالعامية
الفصل 16
ريم جانت نايمة.. تقريبا ساعه 10 ونص وطولت بالنوم لان سهرت اليوم القبلة بسبب التفكير... متحس اله زلزال وزلزل غرفتها.. ابوها وبيده يضرب بيها وهي نايمة بالفراش.. جر الغطا منها وظل يصيح ويفشر عليها وامه تحاول تمنعه بس بلا فائدة.. وفاء واكفة تبجي وتصيح وريم كعدت من النوم على صوت الصياح واحساس الضرب .. صاحت وهي مخروعه :
"شبيك بوية .. ليش تضربني؟"
صاح بيها ابوها:
"اريد اذبحج يا عار... ولج انت عااااااااااااار .. "
وظل يهبد بيها وهي تبجي وتحاول تتملص من جوة ايدي بس بلا فائدة... لحد ما أمها ووفاء كدروا يخلصوها من جوة ايده ... كامت ركض راحت تريد تضم روحها بوحدة من الغرف وتقفل الباب عليها بس ابوها لكفها من ايدها وجرها ووكعت على الكاع .. ظل يدفر بيها برجلي وهي لحد هاي اللحظة متدري شنو صار وليش ابوها واكع بيها ضرب.. ظلت تبجي وتتوسل:
"بوية.. ليش بوية .. شنو سويت"
أمها صاحت بيها:
"كومي لتظلين جوة ايدي خلصي نفسج راح يموتج"
ومرة ثانية كدرت أمها واختها يخلصوها من جوة ايده وشردت .. جانت لابسه دشداشة وحافية ومع هذا طلعت من الباب ونفسها منقطع وجسمها مهشم من الضرب وابوها وراها ديركض يريد يلزمها مرة ثانية هالمرة بايده سجينة يريد يخلص عليها.. بهل الاثناء طلعت ام جمال من بيتها تريد تذب الزبل وجان تركض ريم وتشمر نفسها ببيت جمال وتصرخ:
"خالة الله يخليج ضميني ابوية راح يموتني..."
ام جمال شافت أبو ريم جاي وديحاول يكون هادئ حتى الجيران ميعرفون بي .. جان ام جمال تطب وتسد الباب.
باوعت على ريم واثار الضرب على جسمها انطت ملخص عن اللي جانت ريم دتشرد منه. أبو جمال اجة يركض على صوت طبكت الباب وصاح:
"خير ام جمال شصار؟"
جان يشوف جنته ريم واكعه على الكاع وتبجي ونظرات الرعب على وجهها. تقرب منها وصاح بيها:
"شتريدين؟"
جاوبت وهي تبجي:
"عمو.. عمو... والله ..."
انكطع الحجي منها وماكدرت تكمل لان ابوها كام يدك بالباب. صاحت:
"لا تفتحون.. والله اذا تفتحون ابوية يموتني وتخشون بخطيتي... "
أنت تقرأ
واختار قلبي لهجة عراقية وتتوفر فصحى على منتدى روايتي قلوب احلام
Romanceيتعرض جمال الشاب الطيب لحادث يدمر حياته بس خلاه يتزوج البنت اللي يحبها... ريم -لان تزوجها بسبب الحادث - كامت تحتقر جمال وقررت تخونه.. هذه القصة باللهجة العراقية
