من الخائن
بارت...١
للكاتبه ...انين الرووح
قصه حقيقيه
بعد ما اسحبت بنتي منا طلكتها وسافرت وهناك وسمعت اخوي الجان عضدي كتلوه
بس يادم ماابردك هيج انه صبحت مااكترث بجتال اخوي
بس هذا ذنبك يا ابن ابوي
اعرفكم ع حالي اني مهدي مواليد ٧٥ حنطي طويل جسمي متروس مخلص دراسه عداديه سادس علمي جان حلمي اكون مهندس بس وفاه ابوي جبرني اترك الدراسه وعيل اهلي الي همه امي وخواتي الثنين واخوي الصغير قاسم مر ع وفاه ابوي خمس سنين
اشتغلت عماله وي خالي بس شغلها تعبان حيل ف جنت ادور ع شغل يكفي عائلتي وبيوم تذكرت جان ويانه طالب بالصف ابوه عنده معمل خياطه ملابس عسكريه وتذكر جان يكلي شغله خير من الله ف لزمت تلفوني دكيت عليه
الووو ..شلونك ابو الشباب
هله والله مهدي شلونك اخبارك شذكرك بيه بعد هالغيبه
هله بيك حبيبي احمد اني زين وعايش ع رحمه الله
اي حبيبي اخبارك
احمد اريد اشوفك اليوم تكدر تجي للكهوه الي جنه نكعد بيها هسه صار كوفي البلاسم
اي تدلل ساعه بيش تريدني اجيك
تعال ساعه ٧ العصر تلكاني انتظرك هناك
اوك اتفقنه
مهدي..رحت غسلت وتغديت ورجعت مددت عالجربايه افكر في حل الروحي والاهلي
طبعا اختي الجبيره زينب مزوجه وعدها اثنين ولد
والصغيره زهراء مخطوبه لبن خالي الاشتغل وياه عماله وباقي ع عرسها بس اسبوع
والوالده ملتهيه وياها بالتحضيرات وامي خطيه مره متعوبه حيل ومريضه عدها ضغط وسكر
ولازم اكو اليعينها بالبيت ف جانت حيل تلح عليه ازوج لان خواتي بعد مراح يكدرن يدارنها ويدارن البيت لان كلمن راح تلتهي بحياتها وبيتها وطفالها
ساعه ٧ العصر رحت للكوفي انتظر احمد يجيني
السلللللللللام حبيبي
هله وميه هله باحمد تفضل
شلونك مهدي
بخير الحمدلله
اي خيرك
والله يا احمد طالب منك خدمه
اي ادلل شنو رايد
انت مو كتلي والدك عنده معمل خياطه عسكريه
اي عنده
فدوه اريد اشتغل يمه لان تعرف شغل العماله مايفيد يوم اكو شغل وعشر كاعدين
يجرالك صديقي من باجر تعال اسلمك الشغل
حبيبي احمد والله ما انسالك هالفضل
لا عيب تحجي هيج انت اخوي
والنعم منك ومن اصلك
شربنه جايات ونركيله صارت ساعه ٩ طلعنه من الكوفي وتمشينه بالشارع وظلينه نسولف
اي احمد وين ماوين شخلصت
يمعود دخلت كليه حقوق ثالث سنه وتركت لان اتعاركت وي ولد ارعن تحرش ابطالبه جنت حيل معجب بيها هي حيل ثكيله وخلوقه وهوه شامر نفسه عليها شمر اخر شي متحملت رحت بس شنو اني دميته دمايه تاليها نفصلنه اني والولد لان سحب عليه سجين جابها من الكافتريا من عفته ومشيت ما حسيت اله شي حار دخل ظهري وكعت بالكاع ونقلوني الشباب للمستشفى خياط وضماد اسبوعين وطابت
حاولت ارجع بس كالولي ترقن قيدي وتركتها بعد مالي واهس ارجع لدراسه
يابووووي كل هذا يصير وما اتكلي ليش هيج احمد احنه مو اخوه
لا ولك ليش خوش مرحله واصل بس بعدلك سنه حرامات والله تتركها حاول قدم وخلصها
يمعود شلي بيها
لا لتكول هيج لازم احنه نبني وطن مو نهدمه بيدنه
اكلك الوطن طاح من طاح صدام والي لزمه هسه كمل ع طيحته وصارت بالقنادر كلمن يبوك النفسه وبس والشعب تعبان وجوعان وطافره روحه خليها سكته يمعود
وانت ما دخلت كليه
لا والله شدخل خل الحك ع طلبات اهلي وبعدها الحك عالكليه
اووووف يا مهدي تره جاي يجبرونه عالهجره خارج العراق
يمعود والله تطلع تشبع مذله واهانه عالاقل اهانه بلدك ولا اهانه الغربه
اي مهدي شصار عندك
مصار شي عندي لان اصلا ما مزوج لحد الان
ولك صدك تحجي خاب انه صار عندي ثلاثه بنتين او ولد سميته طه
اي ابو طه حلو اسمه
تسلم حبيبي
يمعود انعل الزواج لابو اليفكر بي
هاااا خايب ليش جنك مامرتاح
ليش هوه اليزوج يشوف الراحه في رأيك
والله ماعرف لان مامجرب انت سولفلي شنو متعبك بالزواج
ياخوي كلشي تكول ازوج ارتاح وجنك فاتح باب جهنم ابوجهك
ههههههههه خايب ضحكتني شبيك سولفلي
صدك الزواج تعب
شلون تعب غير هوه يسولف واني احكم
يمعود تزيد الطلبات ومره يوميه مريضه وركض دكاتره والاطفال حليب وحفاظات تكول لازم الرجل يكون بنك متنقل هاي من عده المدارس والملابس ولازم كل فتره نطلعهم اوووف وك اسكت لا تهيج مواجع عليه
يمعود كول يا الله لو حالك مثل حالي شتكول
يابه انت ماعندك زوجه ولا جهال
عندي عائله امي وختي واخوي هذوله وحدهم يراد مو بنك واحد لازم اثنين ياله تسد حاجتهم
امي دواها
واخوي كليته
هاااا اخوك كليه شنو
كليه تربيه رياضه
شعجب جنه مو شاطر عليك طالع
لا يمعود ملتهي وي شله تعبانه
ويوميه تشوفني اتعارك وياه اكله يعوفهم وهوه مجلب ابربهم
خلي اول وتالي يطيح ويكشفهم
وك خاف يطيح طيحه تودي وره الشمس وهاك هالتشوف الوضع يوميه كاتل ومكتول وكابه
مايصدكون يصير شي كبل يتهموك اربع ارهاب
اي والله ماحجيت اله الصدك
يله عيني اني راجع لاتروح المره تخبلني وتقفل الباب
هههههههههههههههههههه ولك صدك تحجي تفقل الباب عليك
لاشحدها غير اكسر يدها ورجلها ودزها لهلها تمشي ابعكاسه ..بس جنت اضحك وياك
ههههه بعدك
