Give Love

3

(FOR UNICODE)

ပြတင်းကနေတဖွဲဖွဲကျနေတဲ့ နှင်းမှုန်လေးတွေက သဘောကျစရာသိပ်ကောင်းလွန်းတယ်...
ဖြူလွလွအသွင်နဲ့ အသရေက မြင်ရသူကိုအေးချမ်းစေမှာ အသေအချာပဲ...

"ဘာလဲ Namjoon စီနီယာseok jinကိုလိုက်ခဲ့မိတာ နောင်တရနေပြီလား"

ခုံပေါ်သို့စွေ့ခနဲဝင်ထိုင်ကာပြောလိုက်သော Lee Ju စကားကြောင့် ကျွန်တော်ပြုံးမိသည်..

"အေး..နောင်တတော့ရတယ်..."

Lee Juကငါထင်သားပဲဟူသောပုံဖြင့် မျက်ခုံးတစ်ဖက်ပင့်ပြကာ သူ့ပုခုံးကိုခပ်ဖွဖွလေးပုတ်လိုက်သည်...

"ဟေး..ငါတို့အခုမှအထက်တန်းကျောင်းသားပဲရှိပါသေးတယ်....တွေ့လာရအုံးမှာအများကြီး"

နှစ်သိမ့်စကားဆိုသော Lee Juကိုသူဝတ်ကြေတန်းကြေပြန်ပြုံးပြလိုက်သည်...

ကျွန်တော် တကယ်နောင်တရတယ်အစ်ကို..
အစ်ကို့ ကိုတိတ်တိတ်လေးချစ်ခဲ့ရမှာ...
ကျွန်တော့်ကိုသတိထားမိစေချင်တဲ့လောဘတစ်ခုကြောင့် အစ်ကို စိတ်အနှောင့်အယှက်ဖြစ်ရပြီ

ကျွန်တော် တကယ်နောင်တရတယ်......
.
.
...................

အခုတလော နေရတာစိတ်ချမ်းသာနေသည်..
အမြဲတမ်း စိတ်အနှောင့်အယှက်ပေးတတ်သည့် ကပ်ပါးကောင် ပေါ်မလာတာ ရက်အနည်းငယ်ရှိပြီ...အမှတ်မထားတတ်တော့ ဘယ်နှရက်လဲ သူမသိချေ...

ကြည့်ရတာ ဟိုသရုပ်ဆောင်မှုကအလုပ်ဖြစ်သွားသည်ထင်ပါ၏...

"Seok Jin"

ခေါ်သံနှင့်အတူ သူ့ပုခုံးသို့ဝင်ဖက်သော အတန်းခေါင်းဆောင် ကြောင့် အနည်းငယ်ယိမ်းယိုင်သွားရသည်...

"ဘာလဲဟ! လန့်သွားတာပဲ"

"ညနေကျရင် ငါတို့အဖွဲ့နဲ့လိုက်သောက်မလား"

Seok Jinရယ်ရယ်မောမောဖြင့်ပင် ခေါင်းညိမ့်လိုက်ပြီး လက်မထောင်ပြလိုက်၏..
မြူးနေသော စိတ်အခံကြောင့် သူကိုယ်တိုင်လည်း သောက်ချင်နေတာနှင့်အတော်ဖြစ်သွားသည်...

ဟိုကပ်ပါးကောင်အား မမြင်ရလေ သူပျော်လေဆိုတာတော့ ဝန်ခံရမည်...ကျေးဇူးပြုုပြီး ငါနဲ့ဝေးဝေးနေစမ်းပါ ကောင်လေး.....
.
.
.
ကျောင်းနှင့်မနီးမဝေး ရွက်ဖျင်တဲဆိုင်လေးတွင် သူတို့အုပ်စုပျော်ပျော်ပါးပါးစားသောက်နေကြလျှက်ရှိသည်....