Give Love

6

(For Unicode)

အတန်းဖော်သူငယ်ချင်းတွေနှင့်အတူ Coffeeဆိုင်လေးတွင် ရေလိုက်ငါးလိုက်စကားပြောနေပေမဲ့ Namjoon စိတ်မပါလှ..

အကြောင်းမှာ သူ့အားကျောပေးထိုင်ထားသော
လူတစ်ယောက်ကြောင့် ဖြစ်သည်..
ပျားရည်အေးတစ်ခွက်ကို အီလည်လည်သောက်နေပုံက အရက်နာကျနေမှန်းသိသာသည်..

ဘာလို့များတွေ့တိုင်း အလိုမကျစရာတွေပဲလဲ..
နောက်ဆုံးနှစ်ကျောင်းသားတစ်ယောက်က စာကိုအလေးမထားတာ စိတ်တိုစရာကောင်းလှသည်....

"Namjoon ဟေး ဘာတွေငေးနေတာလဲ"

ဘေးကသူငယ်ချင်းတစ်ယောက်က ပုခုံးကိုတို့ကာမေးလိုက်ခြင်းဖြစ်သည်..ထိုအသံကိုကြားတော့ တစ်ဖက်ဝိုင်းက ကျောပေးထားသော
သူက လှည့်ကြည့်လာသည်..ထို့နောက် ချက်ချင်း ပင်မျက်နှာကိုပြန်လွှဲသွားတော့၏..

"သွားကြစို့..အတန်းစတော့မယ်"

Namjoonစားပွဲကိုတစ်ချက်ပုတ်ကာ ပြောလိုက်ပြီး သွားရန်ဆော်သြလိုက်သည်....ဘာကိုအလိုမကျလဲဆိုတာ သူကိုယ်တိုင်ပင်မသိခဲ့ပါ..
.
.
.
Coffeeဆိုင်ထဲမှ ကောင်လေးအုပ်စုထွက်သွားတော့ Seok jinဘာရယ်မဟုတ် တစ်ချက်လှမ်းကြည့်လိုက်သည်...ခုနက ထိုအုပ်စု ထဲတွင် Kim namjoonဟူသော ဂျူနီယာကိုမြင်လိုက်သည်မဟုတ်ပါလား..?

"ဟေး..ရှေ့ဆုံးကတစ်ယောက်က အရမ်းနာမည်ကြီးနေတာနော် Seok Jin...မင်းမြင်လိုက်လား"

Seok jinပျားရည်ကိုပိုက်လေးနှင့်စုပ်ကာ ရှေ့က Sung woo ကို မျက်လုံးပင့်ကြည့်လိုက်ကာခေါင်းယမ်းပြလိုက်သည်...

"ကျစ်..ရှေ့က ကုတ်အမည်းနဲ့လေကွာ..ဆံပင်ငွေရောင်နဲ့.."

ခုနကဖြတ်သွားသော Kim namjoon၏ပုံရိပ်ကို သူ ပြန်မြင်လာရသည်..
နာမည်ကြီးတာထူးဆန်းစရာတော့မရှိပါဘူး..
ပထမနှစ်ပဲရှိသေးတာတောင် ဒီလောက် စတိုင်လ်မိနေတာ...

"အေး..အဲ့တာဘာဖြစ်လဲ?တစ်နှစ်တစ်ယောက်ကတော့ ပေါ်နေကြပဲ.."

သူစိတ်မဝင်စားသလိုပြောတော့ Sung wooက
တစ်ချက်ရယ်လိုက်သည်..ပုံစံကအယုတ်တမာအပြုံးနှင့်...

"မင်း စိတ်ဝင်စားနေတဲ့ တတိယနှစ်က lee eun yi က သူ့ကိုသဘောကျနေတယ်ဆိုရင်ရော.."