عشقني استاذي بقلم زينب علي الناشربارق العراقي

البارت السادس والعشرون

عشقني استاذي
بقلم زينب علي_za__96
الناشربارق العراقي 
البارت السادس والعشرون

زينب :-گعدت من النوم باوعت على الساعه ١٢ وثلث بالليل.
كل هذا الوقت نمت وما حسيت على نفسي من گد التغب لا والمصيبه الصبح لازم نبلش دراسه.
احس معدتي تأذيني لأن جوعانه رحت على جنطتي طلعت حلوياتي أكلت منهم والبقيه خليتهم بالثلاجه وطلعت الملابس رتبتهم بالكنتور ورتبت كل الشغلات الي جايبتهن وياي من أهلي.
بعد ما خلصت خليت الجنط الفارغه جوه السرير ورحت تمددت وأخذت تلفوني شفت الرسائل اللي جايتني والأشعارات وراسلت البنات ردت أسولفلهن على كلشي بس لگيتهن نايمات.
بقيت گاعده ما جايني نوم للساعه ٣ بالليل ف وقتت الموبايل على الساعه ٧ الصبح لأن وراي دوام وبقيت صافنه شوي إلى أن نمت.
گعدت الصبح على صوت المنبه رحت غسلت وبدلت وخليت مكياج بعدها بديت أسمع صوت بالصاله عرفت هم گعدو وجهزو نفسهم للدوام ف صار لازم أطلع يمهم لأن ما ردت أتأخر بأول يوم ألي هنا.
أخذت جنطتي وموبايلي وطلعت للصاله شفت أستاذ وسام و وياه مره عرفت هم يحضرون بالريوگ بسرعه أنتبهلي الأستاذ وگالي...

وسام :- صباح الخير

زينب :- صباح النور

وسام :- مبين عليچ نشيطه مو كسوله لأن مجهزه نفسچ قبل الكل

زينب :- أبتسمت إبتسامه خفيفه

وسام :- أسمچ زينب صح (چذب أعرف أسمها والليل كله ما راحت من بالي بس أفكر بيها ما أعرف ليش بس حبيت أسولف وياها)

زينب :- أي

وسام :- عادي تساعديني نجهز الريوگ للطلاب لأن هذا أول يوم وما يعرفون شي

زينب :- صار أستاذ

وسام :- من گالت صار چان بودي أبوس الصار الطلعت من حلگها شگد هادئه وتخبل.
بس ما أعرف ليش من أحچي وياها ترد على گد السؤال ما تكثر حچي.
هاي لو وحده غيرها چان ما صدگت واحد حاچاها.

زينب :- من سألني الأستاذ على أسمي أستحيت حيل بعدها گالي تگدرين تساعديني نجهز الريوگ ورحت ساعدته.
خدرت الچاي خفيف على طريقتنا و أخذت المواعين خليتهن على الطاوله گدام كل كرسي ماعون وجهزت الخبز وهو جاب المربى والجبن والقشطه والزيتون خلاهن على الطاوله.
بعدها وزعت كوابة الچاي وهو أجه خله بيهم شكر.
بدو الطلاب ينزلون أثنام ما أحنا نحضر بالريوگ والكنافه معاذ وبارق يباوعولي ما نزلو عينهم عني أبد.
گعدو كلهم على كراسيهم وأخذنا غلايات الچاي وحده بيدي و وحده بأيد أستاذ أسامه وصبينا چاي للكل.
من وصلت يم بارق أصبله الچاي گال...

بارق :- شكرا

زينب :- عفوا.
رحت صبيت چاي المعاذ واللي چان گاعد يم بارق گال...

معاذ :- شكرا

زينب :- عفوا

وسام :- رحنا أنه وزينب نصب الچاي للطلاب ومن گامت تصب كلهم يباوعولها بساعتها ما أعرف شنو الشعور اللي مر بيه وضجت حيل ما ردت أحد يباوعلها حسيتها شي يخصني أنه.
يوووو هاي شبيك وسام هههههه شجاي تخربط هاي ثاني مره شفت بيها البنيه هاي وگمت تغار.
اللي يعرف بالشي التحس بي هسه غير يموت من الضحك عليك.
أحچي هذا الحچي وي نفسي بس أحس الغيره راح تموتني عليها لا وأكو طلاب ٢ يريدون ياكلونها بعيونهم.
شي طبيعي لأن اللي گدامه مثل هذا الملاك وشايل هاي العيون الوساع والخدود وشايل كل هاي البرائه لا وزياده قزمه شنو تريد منه يدنگ راسه وما يباوع إذا فاتت.
أجيت يم وحده من البنات أصبلها چاي چان تگول...

میلاد :- شکرا

وسام :- عفوا.
تعمدت ما أگعد للأخير بلكي يبقن كراسي ٢ واحد يم الخ حتى نگعد أنه وياها عليهن من نخلص صب الچاي وصار هذا الشي فعلا.
أجيت گعدت وهي گعدت گامن البنات يباوعلي خاصة ميلاد و وحده ثانيه أسمها (ضي) بعدها بدينا نتريگ گالت ميلاد...

ميلاد :- عاشت أيدك أستاذ (بمياعه)

وسام :- على شنو

ميلاد :- على الچاي يخبل طعمه

ضي :- أي والله أستاذ كلش طيب حتى ماما متسوي مثله ههههههه (تتنغوص وهي تحچیها)

وسام :- لا مو عاشت أيدي

ميلاد :- ليش أستاذ

وسام :- عاشت أيد زينب لأن هي اللي سوت الچاي

ميلاد :- هااا أي أي عاشت أيدها (بأرتباك)

ضي :- عبالنا أنت مسوي گلنه حتى كل يوم أنت تخدر الچاي النا ههههههه بس هسه ثبت الريوگ على زينب لأن شاطره بتحضير الچاي

وسام :- لا ماكو شي يثبت عليها

ميلاد :- استاذ بالنسبه الي ما أعرف أسوي أي شي لأن بابا جايب النا خدامه بالبيت تشتغل كلشي

وسام :- بس هنا ماكو خدم.
كلمن يخدم نفسه بنفسه وراح يتقسم الريوگ بين الكل شباب وبنات والغده والعشه كذلك

ضي :- لاااا أستاذ حراام هيچ أحنه منعرف نطبخ لأن بابا دكتور وماما دكتوره ف جايبين خدم بالبيت تسوي كولشي لأن تعرف بس الفارغات وما عدهن شغل ولا مشغله وما عدهم أمكانيه يجيبون أكل جاهز لو خدم هم يطبخون بنفسهم (گالتها بمياعه وتباوع لزينب)

وسام :- كل شخص يباوع للناس من زاويه مختلفه وأنتي هاي نظرتچ ونظرة شكم شخص يباوع وياچ من نفس الزاويه لليعرف يطبخ

معاذ :- بالنسبه ألي الرجال اليتزوج مره ما تعرف تطبخ لا يحسب نفسه متزوج

بارق :- والبنيه الما تعرف تطبخ وتريد كلشي جاهز من السوگ لو خدم مو أهل تتحمل مسؤولية زوج وبيت وجهال

وسام :- بالنسبه الي ما راح أتزوج وحده ما تعرف تطبخ أبد.
على كل حال الشغل راح يكون متقسم كل يوم ٤ عليهم طبخ الغده والعشه والريوگ يعني گروب وباليوم اللي بعده راح يكون دور ال ٤ الثانين أي الگروب الثاني وهكذا يستمر الجدول وكل گروب راح يرتاح ٨ أيام وباليوم التاسع يرجع أله الدور.
اللي وافق على هذا الأقتراح يرفع أيده.

زينب :- من خلصنا صب الچاي صار دورنا أنه وأستاذ وسان نگعد نتريگ.
من باوعت شفت بس ٢ كراسي فارغات واحد يم الثاني رحت گعدت على واحد وأستاذ وسام گعد على الثاني حچت ميلاد و ضي بمياعه وگالن اله عاشت ايدك على الچاي وهو جاوبهن عاشت أيد زينب لأن هي اللي خدرته.
بعدها صار نقاش على الطبخ لأن البنات شكلهن ما أستلطفني ورادن يضحكن الطلاب عليه بس أستاذ وسام والطلاب صدوهن وردو عليهن رد سكتهن.
قسم أستاذ وسام الطبخ وگال منو موافق على كلامي رفعنا أدينا كلنا طبعا ما عدا ميلاد و ضي بس هو گال...

وسام :- راح نمشي بهذي الخطه لأن الموافقة چانت للأغلبيه.
يلا طلاب اللي خلص ريوگ يگوم حتى ما نتأخر من أول يوم دوام على المحاضرات.

زينب :- گاللنا دكتور وسام يلا نروح وطلعنا من الشقه ورحنا للجامعه واللي چان أول يوم راح ندرس بيها

___________________🌸🍃

شنو رأيكم بالقصه