عشقني استاذي بقلم زينب علي الناشربارق العراقي

البارت الاول

مساء الخير بالبدايه احب اوضح انو اني الناشربارق العراقي وهذا حسابي للي يتابع جديد وما يعرف واسمي مكتوب بكل قصه وبارت الناشربارق العراقي

عشقني استاذي
بقلم زينب علي_za__96
الناشربارق العراقي
البارت الأول

زينب:-گاعده بغرفتي أدرس واندگت باب البيت طلعت ماما تفتح الباب دخلن نسوان للبيت خطار گعدتهن ماما بالأستقبال أنه ما أهتميت وبقيت گاعده بغرفتي اللي چانت بالدور الثاني

نسيت أعرفكم على ماما أسمها أسماء عمرها ٣٩ سنه ربت بيت تزوجت بابا وهي صغيره وأنه أول أطفالها

أم زينب:-زينب ماما عدنا خطار تعالي نزلي

زينب:-ماما گاعده أدرس عندي إمتحان باچر صعب حيل

أم زينب:-أي ماما شوي ورجعي الناس جايين يخطبون لأبنهم من عدنا نزلي يمهم يشوفوچ وگعدي شوي يمهم بعدين صعدي لغرفتچ كملي دراستچ

زينب:-ماما خلي وحده من بناتچ تنزل الهم بس أنه بالبيت لو عندچ كومه غيري

أم زينب:-لا ماما أنتي نزلي أنتي أكبر وحده بيهم وأختچ الأصغر منچ انخطبت وراح تتزوج وأنتي عمرچ صار ٢١ سنه يعني مستحقه الزواج والبنيه لازم تنستر ابيت زوجها

زينب:-يووووو صار ماما راح أنزل هسه.
بعد ما حچت وياي ماما وجبرتني أنزل نزلت سلمت عليهم وگعدت يمهم

أم أحمد:-اللهم صل عل محمد وأل محمد ما شاء الله تخبلين الله يحفظچ بنيتي

زينب:-تسلمين خاله من ذوقچ

أم أحمد:-يمه الناس گالو عليچ خوش بنيه ومثقفه ودارسه وأجيتكم اليوم أخطبچ لأبني حيدر وظيفته ضابط وعنده قطعة أرض باني بيها الأساس مالت بيته ومكمل يعني فتره وتطلعون ابيت وحدكم وما عدنا عائله چبيره بس أبني أحمد متزوج وعنده طفل وبناتي ٢ متزوجات

أم زينب:-أم أحمد زنوبه تدرس وهي مرحله ثانيه بالجامعه ونريدها تكمل دراستها لأن تعبت الا وصلت هيچ مرحله

أم أحمد:-هذا شرط أحنه شرطناه على نفسنا وراح نخليها تكمل دراستها وما نشغلها أبد وأبني يحب الدراسه

أم زينب:-يصير خير أم أحمد يجي ابوها واحاچي واشوف رأي زينب وربي يتمم اللي بي صالح النا والكم

أم أحمد:-الله يكتب اللي بي الخير أن شاء الله

زينب:-أنه صعدت لغرفتي بعد ما راحو الخطار وماما گالت لأم أحمد يجي أبوها واگوله واشوف رأيه ورأي زينب بالموضوع والله يكتب اللي بي خير وصالح للطرفين

أم زينب:-ها ماما شفتي المره شحپت مبين عليهم خوش ناس وأوادم

زينب:-أي ماما حبيتها هواي مبين عليها حيل طيبه ودخلت لگلبي

أم زينب:-ماما فكري وأبوچ يسأل على الولد

زينب:-الله كريم ماما.
گالتلي ماما فكري بالموضوع وراح أگول لأبوچ يسأل على الولد.
أجه بابا وماما حچتله عل كلشي وراح ثاني يوم سأل ع الولد وعرف من الناس الولد حباب حيل واخلاق ومتربي وموظف يعني ما ناقصه شي.
بقيت الليل كله أفكر بالموضوع صح أنه طالبه بالجامعه بس ولا يوم حبيت ولا دخلت بعلاقه وي شاب ومن هاي الشغلات وشگد أجولي شباب خطبوني من الجامعه بس أنه ما وافقت لأن أخاف من طلاب الجامعه بگد ما سمعت عليهم حچي وشفت هواي مواقف بعيني وشغلات مو حلوه سووها بالبنات وحب اربع سنوات بالجامعه تالي يعوفها من تتخرج لو تصير مشاكل بينهم بسبب الدراسه والجامعه.
بعد تفكير مرهق وافقت على حيدر.

‏القسمة شنهي القسمٌّة؟ بس أنطوها صيت
استفحلت عالمَالگت عدهم قرار