عشقني استاذي
بقلم زينب علي_za__96
الناشربارق العراقي
البارت الأربعون (الأخير)
زينب :- چنت گاعده بغرفتي الصبح ودگ تلفوني رحت أشوف منو لگيته أستاذ وسام يتصل عليه تفاجأت بس گلت أكيد يسأل عني ف جاوبت عليه گتله...
ألوو
وسام :- ألووو هلو زينب صباح الخير
زينب :- صباح النور أستاذ
وسام :- شلونچ؟
زينب :- الحمد لله زينه
وسام :- زينب أريد أگلچ على شغله
زينب :- أي أستاذ گول
وسام :- باچر راح نجي يمكم أنه والحجي والحجيه
زينب :- أنصدمت من گالي راح نجي يمكم لا واللي يزيد الحيره أهله وياه بس لا صدگ گاللهم ويريدون يجون عليه يخطبوني من أهلي ف صفنت وراح بالي بعيد
وسام :- زينببب
زينب :- هاا أستاذ
وسام :- صار ساعه أحچي وياچ ليش ما تردين
زينب :- لا بس ما سمعتك (گالتها بأرتباك)
وسام :- أنطي خبر لأهلچ أحنه جايين ألكم.
وهاا حتى يكون عندچ علم هم جايين يخطبونچ ألي
زينب :- أحس گلبي طار من الفرحه اللي أنه بيها.
معقوله أكو إنسان يحبني هيچ ورغم اللي عرفه عن حياتي قبل.
گتله...
و والدك و والدتك!
وسام :- شبيهم؟
زينب :- وافقو على قرارك لو أنت جبرتهم
وسام :- بدون ما أجبرهم هم وافقو
زينب :- أكيد؟
وسام :- أي أكيد
زينب :- بس شراح أگول لأهلي؟ أستحي أحچي وياهم بهيچ موضوع
وسام :- أوك لا تحچين شي ولا كأنه داريه بالسالفه.
أنه عندي رقم محمد أخوچ راح أتصل عليه وأگوله أحنه راح نجيكم
زينب :- أوك
وسام :- لا تخلين مكياج من نجي ولبسي من ملابس البيت العندچ
زينب :- ليش؟
وسام :- أريد الحجيه تشوف چنتها شلون تخبل بطبيعتها بدون مكياج وكشخه
زينب :- أستحيت من گال هذا الحچي وما رديت عليه گالي هو..
وسام :- أروح فدوه للخجلانه.
الله يكتبچ من نصيبي ويهنيني بيچ.
يلا گلبي راح أتصل على محمد وأنطي خبر بجيتنا
زينب :- ماشي
وسام :- أحبچ ي بنت گلبي.
باي
زينب :- باي.
سديت التلفون من وسام والگاع ما واسعتني من فرحتي اللي أنه بيها.
ربي جبر خاطري بعد كل اللي مر عليه من مشاكل وهموم
أنت تقرأ
عشقني استاذي بقلم زينب علي الناشربارق العراقي
Чиклитقصه تتحدث عن فتاة تزوجت زواج تقليدي وظلمتها الأيام كثيراً حتى أتى لها يوم غير متوقع وبعد معاناة طويله حيث عشقها أستاذها عندما رأها للمره الأولى
