عشقني استاذي بقلم زينب علي الناشربارق العراقي

البارت الحادي عشر

عشقني استاذي
بقلم زينب علي_za__96
الناشر بارق العراقي
البارت الحادي عشر

زينب:-گعدت الصبح غسلت وبدلت وتريگت علما أجه الخط طلعت للسياره سلمت على البنات وبقينا نحچي أنه وريهام حد ما وصلنل للجامعه.
دخلت للكليه ورحت لقاعتي خلصت أول محاضره والمحاضره الثانيه الدكتور ما جاي ف طلعت لحديقة الكليه أتمشى هناك علما أجه فراق

فراق:-هلو

زينب:-هلو بيك

فراق:-شلونچ

زينب:-بألف خير

فراق:-عادي نگعد نسولف؟

زينب:-لا ما أگعد أبقه أتمشى أحسن

فراق:-أوك براحتچ.
بقيت صافن بعيونها كبار وسود ويلمعن أنجنيت بيهن ما أعرف شنو الشعور أللي حسيت بي بذاك الوقت.

زينب:-شفت فراق صفن بوجهي من رفضت أگعد وياه.
گطعت عليه صفنته وگتله شنو تريد مني أنه متزوجه وراح تصيرلي مشاكل هواي بسببك ف أرجوك لا تجيلي بعد

فراق:-أعرف بكل مشاكلچ أنتي أول وتالي تنفصلين عنه لأن حرام يضيع عمرچ ويه واحد ما يحبچ ویحب غیرچ.
عوفي وعيشي حياتچ وحتى إذا ما عفتي هو راح يعوفچ وما يسأل عنچ أبد وهو هسه ما جاي يعرف أرضچ من سماچ ولا يعرف أي شي يخصچ ولا معتبرچ زوجه أله

زينب:-من سمعت كلام فراق گلبي أنعصر حيل بالگوه گدرت أسيطر على دموعي وما وگعن لأن إذا شافني أبچي وشاف دموعي راح يستغلني ويلگه هذا الشي نقطة ضعف أليه.
أستجمعت كل قوتي وگتله...
عادي خلي يطلگني أنه مو أول ولا أخر وحده تتطلگ والحياة گدامي وراح أعيشها مثل ما أريد أنه ورب العالمين راح يوگف وياي وما راح يعوفني وهو العالم بحالي وراح يساعدني أتخطى كلشي ويبعدني عن كلمن يكرهني ويريدلي السوء

فراق:-من گلتلها هو ما يريدچ وراح يطلگچ وما یحبچ شفت عيونها صارت تلمع من الدموع بس هي ما بچت ولا أستسلمت وردت عليه وگالت رب العالمين راح يوگف وياي ويساعدني.
رديت عليها وگلتلها...
زینب آنه آحبچ وشاریچ وآریدچ ألي وبس يعوفچ وأتخرج أنه راح أجي أخطبچ 1

زينب:-تفاجأت من كلام فراق لمن گال أنه أحبچ و بس يطلگچ حيدر وأتخرج أنه أجي أخطبچ.
ما عرفت شنو أرد عليه بس بعدين گتله...
لا أنه ما أريد أحد يحبني ولا أنه أحب أحد أريد أبقه هيچ أحسن ألي وأبرد راس وأكمل دراستي على كيف ما أريد أرتبط أبد

فراق:-زينب والله أدللچ دلال ما شايفته وراح أجيبلچ أللي تتمنينه وكل أللي تطلبي يصير وبدقايق هم

زينب:-أعذرني أنه هسه على ذمة زوجي وما أفكر بهذا الشي أبد.
عود من يطلگني ذيچ الساعه يصير خير وحتى إذا أطلگت ما أظن أبد راح أحب لو أرتبط بأحد ثاني

فراق:-زينب أنتي فكري بالموضوع هسه لا تستعجلين

زينب:-أريد أطلب منك طلب