عشقني استاذي بقلم زينب علي الناشربارق العراقي

البارت الحادي والثلاثون

عشقني استاذي
بقلم زينب علي_za__96
الناشربارق العراقي
البارت الحادي والثلاثون

زينب :- الظهر درست وكملت ومن صار العصر بدلت وجهزت نفسي حتى نروح للسوگ.
طلعت للصاله لگيت بارق مجهز نفسه وگاعد ينتظر وألشباب موجودين يدرسون ويسولفون والبنات أنطني ورقه مكتوب بيها الشغلات اللي يحتاجونهن ةأنطني الفلوس
بعد شوي أجه أستاذ وسام وگال...

وسام :- هاا نطلع

بارق وزينب :- أي

زينب :- ضي وميلاد ما محتاجات شي لأن أسمائچن ما موجوده بالورقه

ميلاد :- ما محتاجين شي ومن نحتاج أحنه نطلع ونجيب لنفسنا مو مكسرين وبعدين ما يعجبني ذوق أي أحد

ضي :- اي والله أحس ذوقچ مو حلو لأن مبين من لبسچ.
أنه لو أموت ما ألبس الأشياء اللي جاي تلبسينها

ميلاد :- هههههههههه

زينب :- لو تشابهت الأذواق لبارت السلع.
يعني كل واحد وأله ذوق خاص بي وما يشبه أحد وهذا شي كلش طبيعي(گالتها بأبتسامه)

وسام :- طلعت من غرفتي رحت للصاله لگيت زينب وبارق مجهزين نفسهم.
باوعت لزينب شطالعه 😍 تخبل لابسه مانتو وحذاء جوزي وبنطرون وجنطه أسود وشال أسود بي نقش جوزي هنا والكل يباوعلها چا شلون إذا طلعت للسوگ.
وكالعاده ميلاد وضي كلامهن اللي ينگط سم ما يبطلنه بس زينب من ترد عليهن وبكل أدب تسكتهن وتريحنا كلنا.
المهم طلعنا من السكن ورحنا بسيارتي للسوگ.

زينب :- طلعنا ورحنا بسيارة أستاذ وسام للسوگ أستاذ وسام يسوق وبارق يمه وأنه گعدت وراهم.
أنه بقيت ساكته ما حچيت أي شي بس أباوع من جامة السياره للشوارع تخبل كلها زرع ولونها أخضر والمناظر كلش تجذب اللي يباوعلها وأستاذ وسام وبارق يسولفون ويضحكون بس بالي مو يمهم

وسام :- أسوق بالسياره وأباوع على زينب شلون صافنه وتباوع من شباك السياره ف گلتلهم...
شباب

بارق وزينب :- نعم أستاذ

وسام :- من يوم الأجيتو لليوم بس تدرسون أبد ما طلعنا مو

بارق :- أي

وسام :- شنو رأيكم اليوم نطلع نتعشى بره

بارق :- يا ريت ونغير جو هم

زينب :- نروح بس بشرط حتى اللي بالبيت يجون ويانا

وسام :- هههههههه شبسرعه فكرتي بيهم.
أكيد يجون ويانا

بارق :- ما عدا عبسي والقبطان نامق

وسام :- هههههههههههههههههه هذوله طرگاعه

زينب :- أباوع أستاذ وسام وبارق يضحكون بس ما عرفت عليمن گلتلهم...
منو ذوله

بارق :- ما تعرفينهم