The Estranged Wife (COMPLETED)

16. Cold

MALINAW kay Jackie na mali ang ginawa niya kay Albert. Pinilit niya lang ito na panagutan siya. Pero naisip niyang mas gugustuhin na niyang maramdaman ang mga panunumbat nito kaysa sa magiging sermon sa kanya ng magulang niya kapag naging dalagang ina siya. Alam kasi niyang hindi lang sermon ang makukuha niya sa mga magulang niya kapag nagkataon. It might cost their life. It will be a very big scandal for them if they knew that a man just knocked her up and not willing to marry her. Matatanda na ang mga ito. Hindi na niya dapat pinasasama ang loob ng mga ito.

Naging successful naman si Jackie sa pamimilit kay Albert. One month later after she revealed her condition, they got married. Masuwerteng maliit siyang magbuntis kaya naman kahit tatlong buwan na ang tiyan niya ay hindi pa rin iyon halata. Hindi rin niya ipinaalam sa magulang niya na buntis siya kaya kailangan nilang magpakasal. Kinumbinsi niya si Albert na sabihin sa magulang niya na mahal lang talaga siya nito kaya gusto ng madaliin ng kasal. Ipinagpasalamat niya na naniwala naman ang mga magulang niya, kahit medyo galit pa rin ang mga ito.

Pagkatapos ng kasal ay lumipat na si Jackie sa bahay ni Albert. Naghihintay pa siya ng result ng board exam niya kaya nasa bahay lang siya. Inaalagaan niya si Simba. At ang aso lang ang dahilan kung bakit nanatili pa rin siya sa katinuan kahit may isang linggo na silang kasal ni Albert.

Pinaramdam ni Albert kay Jackie ang pamimilit niya rito. He became cold and distant to her. Halos gabi-gabi ay alas diyes hanggang alas dose na ito umuuwi ng bahay. Kadalasan ay tulog na siya at nagigising na lang kapag dumadating ito. At ang masakit pa, kahit nag-effort siyang asikasuhin ito kapag dumarating ay parang balewala lang iyon.

Pero iba ngayong gabi. Kahit antok na antok na si Jackie ay hinintay niya pa rin ang pag-uwi ni Albert. Alas onse na nang dumating ito. Kaagad na tinanong niya ito kung kumusta na ba ito, kung nakakain na---kagaya ng ginagawa ng mabuting asawa.

"I'm fine. Matulog ka na," wika nito at naglakad papunta sa banyo. Pinigilan niya ito. Hinawakan niya ang braso nito.

"Wait lang. Baka puwedeng mag-usap muna tayo?"

Tinaasan siya ng kilay ni Albert. "Ano?"

Kinuha ni Jackie ang cell phone niya. May pinakita siyang screenshot. "I pass the exam,"

"Congrats. Iyon lang ba?"

"Ahmm...may pasok ka ba bukas?"

"Yes,"

"Pero Sabado, ah." Monday to Friday lang ang opisina ni Albert.

"May kailangan akong i-meet na kliyente. Bukas lang siya puwede,"

"How about on Sunday?"

"Ano bang gusto mo?" Iritado na ang boses ni Albert.

"Ahmm... Nagbabaka-sakali lang naman ako na baka puwede tayong lumabas. Kaunti na lang kasi ang stock ng pagkain sa bahay,"

Kinuha ni Albert ang wallet nito. Ibinigay nito sa kanya ang credit card at ilang cash. "Take a taxi tomorrow to go to the nearest mall. You can shop how much you want. 'Wag mo na akong isama. Hindi ako interesado,"

Pagkatapos noon ay dumiretso na nga si Albert sa banyo. Jackie was left disappointed. Pumatak ang luha niya. Pero kaagad rin niyang pinunasan iyon.

Ginusto ni Jackie na magpakasal kay Albert. Desisyon niya ito. She had to bear the consequences. Pero sandali pa lang ay mukhang nagkamali na siya. Parang mas kakayanin pa yata niya ang makita ang sakit ng mga magulang kapag nalaman nito ang totoo. Kaysa naman sa araw-araw niyang makaharap ang taong mukhang habang buhay na lang siyang panlalamigan...