When The Sun Goes Down (✔️)

WTSGD 20: That Cold Christmas Night

CHAPTER 20 - That Cold Christmas Night

KINABUKASAN, UNANG TINUNGO ni Kara ang locker room kung saan niya nakita ang sulat na iyon. Maaga siyang pumasok para doon dahil hindi siya nakatulog kakaisip. Who would give her that threat? Bilang lang naman ang mga kilala niya sa school.

Was it Steffy? Hindi ba at may gusto ito kay Janus kaya may motibo ito? Umiling siya. She knew Steffy too well, she's not a coward. Hindi ito magtatago sa likod ng duguang bulaklak at kapirasong papel. Kung gusto siya nitong palayuin kay Janus, sasabihin nito iyon sa kaniya nang diretso.

Maybe Mayor Ynares? Sariwa pa sa kaniya ang nangyari. Was it him? Pero bakit naman? Anong dahilan bakit nais nitong lumayo siya kay Janus? If he was thinking that she was Janus' girlfriend at against ito sa kaniya, isn't too immature for a mayor to give threats to a girl?

Dahan-dahang binuksan ni Kara ang kaniyang locker, hindi na siya nagulat na naroon pa ang box na nakita niya kahapon. Nilingon niya ang paligid at kakaunti pa lamang tao sa school.

Is it okay to report it to the authorities? Pero kapag ginawa niya iyon ay baka madamay si Janus at baka mas humaba pa ang lahat. Baka malaman din ng papa niya at tuluyan siyang palayuin dito. That's definitely not an option for now. Kailangan muna niyang mag-imbestiga.

Who is it? Mayroon pa ba siyang ibang kaaway liban kay Steffy?

Lumingon si Kara sa bandang taas at lihim na napangiti nang makita niya ang CCTV.

"Arion isn't an international school for nothing."

She smirked and walked to the utility office.

"March 1, Wednesday," bulong niya kay Manong Jeffrey na napapakamot ng batok sa kaniya.

"Sigurado ka bang nasa locker mo pa ang aklat na hinahanap mo no'ng araw na iyan?" naiiling nitong tanong.

"Opo, Manong. Sigurado akong nasa locker ko pa iyon. Pakitingnan lang po kung sino ang nagbukas or lumapit man lang." Huminga ito nang malalim saka may ilang pinindot sa computer at lumabas ang araw na hinahanap niya.

"Puwede pong paki-fast forward?"

He tsked but still followed her request. Tutok na tutok ang mata niya sa monitor habang pinapanood ang isang buong araw na walang ibang lumapit sa locker niya. Liban na lang sa Kuya Ei niya.

No'ng tanghali rin kasi na iyon, naiwan niya ang lunch box niya sa van dahil nauna siyang bumaba. Pinahatid niya iyon kay Oddity sa locker room kaya imposibleng ang kuya niya iyon. At saka, bakit naman siya papalayuin ni Oddity kay Janus? Magkaibigan naman sila at isa pa, malabong pagbantaan nito ang buhay niya.

Bagsak ang balikat na lumabas siya ng utility room matapos magpaalam kay Manong Jeffrey. Hindi na nito ipinapanood sa kaniya ang footage nang gabing iyon dahil wala naman daw estudyanteng maaaring maiwan sa Arion na sinang-ayunan naman niya.

But how? Paano ito nalagay sa locker niya? At sino ang may kagagawan?

MABILIS NA TINAGO ni Janus sa bag ang sinusulat na kanta nang biglang bumukas ang pinto ng music room. Bumuga siya ng malalim na buntonghininga nang iniluwa noon si Oddity.

Saglit itong natigilan nang makita siya. "Woah! Ngayon lang ka lang pumasok ng maaga, ah, Valderama."

Tinaasan niya ito ng kilay. "Maaga lang nagising."

Inilagay nito ang dalang gitara sa tabi ng sa kaniya bago naupo sa table ni Mr. Asenjo. Nakaugalian na nitong doon maupo kapag gumagawa ng requirements at mga reports.

Ibinukas nito ang laptop na dala at saka tumingin sa relo. "Alas sais ng umaga?. Huwag mong sabihing dito ka natulog?"

Gumuhit ang pagkamangha sa mukha nito ngunit agad ring nawala nang batuhin niya ito ng hawak na ballpen na kaagad naman nitong naiwasan.