KARAANG NAPTA

PISCES

••LALAKE••

Ang batang lalake nga mahimugso atol sa pagsidlak sa Bitoon Pisces. Nahimutang sa duna ka bulok na hiyas. Kon siya hilumon, mahait ang iyang utok. Hataas ang iyang panglantaw sa iyang umaabot. Mahigugmaon uyamot sa mga basahon. Makab-ut niya ang kaalam ug kabantug. Manggibuhaton ug maisog. Himili sa mga babaye. Dili magpatakag pangulitawo. Gustong mopuyo sa panimalay. Dili gusto kaayo sa mga kalingawan.

Kon kining bataa, masabaan ug buhaha ang baba. Siya mabaw ug pangisip. Hambugiro. Tigpalabaw ug sulti. Mauna-unahon ug mahilabtunon sa iyang isigkatawo. Apan talawan kon suklan na. Mahigugmaon sa mga sayaw, bisting mahal ug pagawal. Magpatakag pangulitawo. Katungdanan sa iyang ginikanan ang pagpahinungod sa mga dautang hiyas sa ilang anak.

Ang una ug ikaduhang bulok ning bataa, sama sa mga sakit na paga-agian. Takbuyan sila sa daghang makalilisang sakit. Labi na sa ika 38 niya nga panuigon. Kon tim-os ang ilang pangaliya sa langit ug kon kusog ang iyang naturaliza, muabot siya sa ika 59 nga panuigon.

••BABAYE••

Ang batang babaye nga motungha sa kalibutan dungan sa pagsubang sa Bitoon Pisces. Aduna sa mga dalaygong hiyas ni Maria Clara. Higala sa mga kabus ang iyang kasingkasing. Humok kaayong matandog sa mga tawong makaloluoy. Dili magpanuko sa paglimos sa mga makalilimos ug uban pang giabot sa disgrasya. Alang kaniya, sala ang pagtamay sa isigkatawo. Mosinta sa kalagot koj makakitag palabilabihon. Dili tig panumbalay. Kalipay niya ang pagbuhat buhat sa sulod sa balay. Ingon man kaaway niya ang pag-awat sa mga buhat nga langyaw.

Kin imo siyang mahinigugma. Siya maayong muamping ug saad. Maloluyon nga asawa ug maanghop na inahan. Supak sa iyang lawas ang init. Kon dili siya magmatngon maoy makalugtas sa itang kinabuhi. Ang panabang sa Diyos mao ray makapataas sa iyang kinabuhi nga ika 59 nga panuigon.

••KAAYOHAN UG KADAUTAN NING ADLAWA••

Kon naghunahuna ka sa paggawas i-atol sa pagsubang ning Bitoona. Arin mahusay ang imong pagpuyo ug mahilayo sa kadaur. Kining adlawa maayo kaayong ihupot sa bisan unsang katungdanan. Maayong ilibwas sa atop sa balay. Isugod sa pagpamuhi sa hayupan kay halayo sa mga kawat, ipamalit sa mga alahas ingon man sa oro, brilyante ug uban pa. Apan dautan ipanugal.