في جهة اخري يوجد هذا القصر اذا دخلنا الى داخل القصر نجد ان هناك ست كبيرة لنقول انها في مقتبل ال60 من عمرها ونجد بنت شابة تبلغ من العمر 28 سنة وشاب وسيم وطويل يبلغ من العمر 25 سنة وهو من اكبر رجال الاعمال في البلد هل علمتم من هو نعم ايها السادة انه قصي احمد الشناوي اجل انه قصر او لنقل بيت عائلة الشناوي لنتحدث عن العائلة قليلا من الوقت
الاب احمد الشناوي كان يبلغ من العمر 40 سنة وكان للواء في الشرطة هل عرفتموه لقد حدثتكم عنه من قبل نعم هو رفيق وصديق ويعتبر مثل الاخ لوالد حلا كان صديق يحي الدالي كانوا دائما مع بعض في كل شئ كان احمد يحب اولاد يحي مثل اولاده بالضبط ويمكن اكثر من اولاده وكذالك يحي يحب اولاد احمد كثيرا كان احمد يريد ان يتزوج قصي وحلا ولكن لم يتم الامر وسأخبركم لاحقا لماذا لم يتم الامر
الام سلمى ربة منزل تبلغ من العمر 35 انها جميلة حنونة وطيوبة وقلبها ابيض زي سحاب السماء بتحب بغباء وبتثق في الناس بغباء
انجلي اخت قصي تبلغ من العمر 28 سنة الاخت الكبيرة ولكن لهم اخين بيعملوا برا البلد احدهما الكبير واسمه سمير يبلغ من العمر 27 سنة والاخر الاصغر يبلغ من العمر 23 سنة انجلي ليست متزوجة فتاه عزبة تتميز بالجمال بشرتها بيضاء مثل الحليب عيونها الواسعة لونها اسود زي سواد الليل يتوافق مع شعرها الاسود الحرير الناعم الطويل طولها حلو ليست بالطويلة وليست بالقصيرة يعني نقدر نقول ان راسها بتوصل لدقن قصي شيك في لبسها ترتدي جميع انواع الاحذية سواء ارضي او بكعب عالي نحيفة ونقول جسمها قريب من جسم مايا وحلا
والدة والد قصي ( احمد ) ست قصي اسمها فاطمة ست مرحة لا تحب النكد تعشق الضحك وكانت تحب ابنها احمد كثيرا وبتعشق ولاده قصي وانجلي وخاصةً انجلي حفيدتها المحببة لها بس هذه هي عائلة الشناوي
ستي ستي حبيبت قلبي قالتها انجلي وهي تدلف الى داخل البيت
فاطمة: كنتي فين يا نونا كل ده وحشتيني يا قلب ستك
انقضت عليها انجلي بالاحضان وقبلت راسها وخدها
انجلي: وانتي اكتر يا احلى تاتا في الدنيا
فاطمة: يلا يا بكاشة قوليلي بقى تليفونك مقفول ليه
انجلي: انا تليفوني مقفول وفتحت حقيبة اليد بتاعتها وعبثت بها وهي تبحث عن تليفونها
فاطمة: اومال انا اللي تليفوني مقفول
انجلي عندما لقيت تليفونها مقفول: اوووه سوري تاتا بجد اسفة الموبايل فصل شحن وانا ماختش بالي اسفة وقبلت يدها فاطمة: ولا يهمك يا حبيبتي بس اخوكي
عوجت انجلي بؤها يمين ويسار ثم قالت
انجلي: احييييييه اقرئي عليا الفتحة يا ستي
فاطمة: بعد الشر عليكي يا حببتي مش لدرجاتي انتي عارفة انو قصي بيحبك اوي متخافيش هيزعقلك شوية وبعدان انتي محسساني انو هو الكبير مش انتي
انجلي: ايوة انا عارفة اني انا الكبيرة بس زي ما انتي شايفة يا تاتا هو الراجل الموجود في البيت يبقى ليه حق يتكلم معايا زي مهو عايز ويعتبر هو الكبير
فاطمة: ربنا يخليكوا لبعض ويديم المحبة بينكم يارب
انجلي: امين يارب طيب هطلع اشوفه
فاطمة: خلي بالك لحسن ده جاي شايط من برا ربنا معاكي
انجلي: ربنا يستر
وصعدت انجلي لغرفة اخيها وهي تدعي ربها بأن يكون هدأ
في غرفة قصي كان يحوم غرفته ذهاباً وإياباً وكان متعصب جداً لدرجة وشه كان احمر من كتر الغضب وعينيه حمرة لدرجة لو حد وضع يده ليجس حرارة جسمه يشعر انها مرتفعة كان يفكر ويحدث نفسه
قصي: هي فاكرة نفسها مين علشان تتجهلني لا وايه لما حتى اللواء قال اسمي ورحبوا بيا هي لم تنظر حتى لكي تشوفني ولما دخلت غرفة الاجتماعات لم تأتي لتسلم عليا لا وايه قعدت وحطت رجل على رجل وكانت بتسلم عليا من غير نفس شكلها متعجرفة ومغرورة على الفاضي لازم افكر في طريقة علشان اعرفها قيمتها كويس اوي ثم سكت يفكر ماذا يفعل بها ثم ابتسم ابتسامة شيطانية وقال بكرة هنشوف يانا يا انتي ثم استفاق على خبط على باب غرفته
قصي: ادخلي يا انجلي
انجلي: عرفت منين اني ديه انا
قصي: مش مهم عرفت منين ثم تبدلت ملامح وشه وقال بغضب: كنتي فين لحد دلوقتي يا هانم
انجلي: الله ماحنا كنا حلويين من شوية ليه القلبة ديه بس ثم نظر لها قصي بغيظ شديد انجلي: خلاص خلاص هقولك بص يا سيدي انا زمايلي اصروا اني اتغدا معاهم بعدان حلفوني بأغلى حاجة عندي اني اروح معاهم النادي نتفسح شوية فاطريت اروح
قصي بغيظ وغضب اكتر من الاول: وحضرتك ملكيش اهل ولا اخ تقوليلهم انتي فين يا هانم
انجلي بخوف من اخوها ( الاخت الكبيرة على ماتفرج😁)
: والاهي كنت هتصل اقولك علشان عارفاك هتخاف عليا اوي بس كان تليفوني فاصل شحن
قصي بعد ان هدي شوية: كنتي اتصلتي من تليفون اي حد من صحابك
انجلي: لا انا بغير منهم عليك
قصي: لا يا شيخة ليه كنت متجوزك وانا معرفش
انجلي: لا يا خويا بس انا اخت وبتغير على اخوها وبعدان في عند حضرتك مشكلة او عندك مانع
قصي: لا ابدا وهيكون عندي مانع ليه ان شاء الله
انجلي: اه بحسب اصل قررت قرار كدهوه
قصي: خير ايه هو القرار اللي قررتيه يا هانم اشجيني انا اخوكي برده
انجلي: قررت يا سيدي هفضل اغير عليك من اي حد لحد اما تيجي اللي تغير عليك وقامت مطلعالوه لسانها
قصي: بقى كدة لا مهو في كتير بيغيروا عليا يبقى مهمتك خلصت من زمان قالها بغرور
انجلي: اولا مش ده قصدي قصدي لما تيجي اللي تحبك لشخصك وبعيوبك وغرورك قبل مميزاتك مش تحبك علشان فلوسك وسلطتك ثانيا ان شاء الله تيجي واحدة تكسرلك غرورك ده قادر يا كريم قول امين
قصي: اولا مفيش واحدة هتحبني لشخصي كله بيحب الفلوس والسلطة ثانيا مش عجبك غروري ولا ايه ده انتي لسة قايلة ربنا يرزقك بوحدة تحبك بغروركوعيوبك قبل مميزاتك بترجعي في كلامك ليه
انجلي: اولا انت ليه عندك الفكرة الوحشة ديه يعني تفتكر انوه انا هحب واتجوز واحد علشان فلوسه ثانيا لا عجبني بس بتبقى قاسي اوي وفي غضبك مبتعرفش انت بتقول ايه ولا بتتصرف ازاي
قصي: لا كلهم طماعين وبيحبوا الفلوس والسلطة ونفسهم وبعدان انتي غيرهم مش محتاجة لحاجة عايشة في عز كل البنات تتمناه فهتعوزي ايه تاني
انجلي: اولا لا مش كلهم طماعين في بنات متربية واه ممكن تكون فقيرة بس عندها كرامتها قبل اي حاجة وقبل اي حد ثانيا مين قالك اني مش محتاجة حاجة لا يا قصي انا محتاجة ومحتاجة حاجات كتير اوي
قصي: شاوري يا حببتي واجبلك اللي انتي عايزها واجبلك كنوز الدنيا كلها بس انتي شاوري وقولي عاوزة ده وعاوزة كذا
انجلي: اللي انا عاوزاه هو حلم كل بنت فارس احلامها محتاجة حد يحبني بجد ويخاف ويغير عليا من الهوا اللي بتنفسه ابقى تنا كل حياته ودنيته ويحسسني بالامان والدفئ في حضنوه ويعوضني عن غياب ماما وبابا في حياتي محتاجة حد ينسيني اوجاع الماضي محتاجة حد يملئ الفراغ اللي في حياتي
قصي: ليه يا نونا بتقولي كدة هو حبي ليكي مش مكفيكي لدرجة انك عاوزة حد غريب في حياتك ولدرجة اني مش قادر اعوض غياب بابا ومامافي حياتك
انجلي بابتسامة: لا يا حبيبي حبك مكفيني بس الاخ حاجة والزوج حاجة تانية خااااالص
قصي: انا مش قادر افهمك قصدك ايه مش هما الاتنين واحد
انجلي: لا هما الاتنين مش واحد هتفهم قصدي اولا لما تحب ثانيا لما تلاقي بنت الحلال اللي تحبك بجد ومن صميم قلبها وتغير حياتك وتغيرك انت شخصيا او نقدر نقول انوه انت اللي هتغير نفسك بنفسك
ضحك قصي على كلامها: خليكي عايشة في احلامك ديه يا حبيبتي بس معلومة صغنونة قد كدهوه هتنفعك فيما بعد علشان متخديش على قفاكي احلام اليقظة مبتتحققش
انزعجت انجلي من كلام قصي: خليك دايما كده حبطني وسادت نفسي على طول يا اخي ومالوه لما احلم شوية سبني احلم الحلم مش حرام يعني علشان كده مش بحب اتكلم معاك في المواضيع ديع دي اللي هتحبك هتبقى امها داعية عليها انا مش عارفة البنات معجبة بيك وهتموت عليك وميتين في دباديب امك على نيلة ايه
ثم خرجت انجلي من غرفة اخيها بسرعة البرق بعد ان نجحت في ازعاجه واغضابه وانتقمت منه علشان الكلام اللي قاله وذهبت انجلي الى غرفتها ادت فريضتها وقعدت تدعي لاخوها ب
انجلي: يارب غير فكرة اخويا عن البنات وارزقه بالبنت اللي تحبه بجد وتكون الزوجة الصالحة ليه ويارب ترزقه ببنت تقدر تكسرله غروره ده
_________________________
* في جهة اخرى تجلس حلا في غرفتها وهي متوترة جدا من الذي عرفته وتتمنى وتدعي ربها بألا يحدث الذي حدث في الماضي لانها لن تتحمل جروح اخرى دخلت عليها مايا
مايا: حلولتي يا حلوتي يا حلا حلاااااااااااااا صرخت مايا بعد ان يأست من ايقاظ حلا من شرودها فانفزعت حلا جراء علو صوتها وحطت ايديها على قلبها
[ معلومة حلا عندها مرض القلب من اليوم اللي فقدت فيه اهلها واختها التؤام]
مايا بخوف: حلا انا اسفة والاهي ماعرف انك ماختيش الدوا وانك مش واخدة المخدر وبعدان انتي كنتي سرحانة وانا كان بقالي سنة بناديلك وانتي مش معايا قالتها لسرعة وكانت دموعها تسبقها
حلا بتفطع: ال. حقيني. همووووت. هاتي الدوا. والمخدر من الدرج بسرعة وكانت حلا تتنفس بصعوبة اسرعت مايا الى درج الكوميدينو الذي يوجد بجانب السرير وهي ترتجف من الخوف على ان تفقد رفيقة عمرها اخذت الادوية واعطتها لحلا اسرعت حلا في تناولها ثم ارتمت على السرير بجسدها من التعب من وجع قلبها التي كادت ان تموت منه واغمضت عيونها من الوجع الذي ابتدا ان يروح تدريجيا بعد ان اخذت المسكن والمخدر
مايا بدموع: حلا منبي قومي متخوفنيش عليكي منبي متسبينيش والاهي مقصد اتعبلك قلبك ثم انفتحت في البكاء ودخلت في هسترية
مايا بصوت متعب: متقلقيش لسة مموتش وبعدان انا قاعدة على قلبك ثم قامت وجلست على السرير نظرت لها متيا وهي تبكي ثم فردت حلا لها ذراعها ولكن الذي كان يؤلمها ذراعها اليسار لذلك لم تفرده فردت اليمين فقط ثم ارتمت مايا في احضان حلا وهي تبكي وشهقاتها تتعالى لدرجة ان عمتها وعمها سمعوه فاسرعوا الى غرفة حلا ليروا ماذا حدث
عفاف: حلا حبيبتي حصل حاجة
هزت حلا رأسها بلا فنظر عمها الى ملامح وشها عرف انوه حصل معاها ازمة قلبية
محمد: ايه اللي حصل يا مايا فأجابت حلا قبل ان تتحدث مايا وتخبرهم بما حدث
حلا: محصلش حاجة انا بس كنت تعبانة وبعدان دخلت مايا وساعدتني علشان مكنتش قادرة اقوم اجيب الدوا بس
محمد: اظن انوه اسمك حلا مش مايا انا وجهت السؤال لمايا يبقى مايا هي اللي هتجاوب قولي يا مايا ايه اللي حصل
حكت مايا كل حاجة وانها كانت السبب في خضت حلا
عفاف: ولا يهمك يا حببتي بس المهم ان حلا بقت كويسة ثم وجهت كلامها لحلا حبيبتي حاسة بحاجة وجعاكي او تعباكي اتصلك بالدكتور
هزت حلا راسها بالنفي وقالت: لا يا ماما انا كويسة مفيش داعي انك تتصلي بالدكتور
فقالت مايا: انا اسفة يا ماما انا اسفة يا حلا انا اسفة يا عمي
حلا: بس يا بت يا عبيطة بتعتذري على ايه
عفاف: ولا يهمك يا حبيبتي انا لو عليا انا عايزة اولع فيها
فنظرت مايا الى محمد لحظت انوه منزعج منها وينظر لها بغضب فخافت مايا: مالك يا عمي بتبصلي كدة ليه والاهي مقصد اني اخوف حلا ووقف قلبها انا اسفة
قالت مايا هذا الكلام لانها تعلم ان محمد بيحب حلا اوي وان معزت حلا عند عمها غالية اوي
محمد بغضب مصطنع: انا مش زعلان علشان كدة ينفع تقولي لعفاف ماما وانا تقوليلي عمي
ابتسمت حلا لانها فهمت مقصد عمهاوضحكت عفاف على كلام زوجها لانها فهمت مقصده بينما مايا خافت اكتر
مايا: تقصد ايه مش فاهمة
محمد: اقصد انوه اذا كانت عفاف ينفع تكون امك ليه انا مينفعش اكون ابوكي هاه يا حلا قالها بعد ان بدل نظراته من مايا الى حلا ابتسمت كلا من حلا ومايا وجريت مايا الى احضان محمد وحضنها محمد بحب كبير بينما نظر الى حلا وقال
محمد: ايه مش عايزة حضني
حلا: لا عايزاه طبعا بس
محمد: بس ايه
حلا: بصراحة مش قادرة اقوم بسبب الخضة اللي خلتني اقطع الخلفة وبعدان انا مستنية الست الهانم تخلص علشان اعرف احضنك براحتي
ضحك محمد على كلام حلا وجلس بجانبها واخذها في احضانه بعد حوالي دقيقتين قالت مايا
مايا: بقولك ايه يا عمي اقصد بابا قالتها بعد ان نظر لها محمد بغيظ ثم قال محمد: ايوة كدة ثم اكملت مايا: ممكن نروح انا وحلا بيت المزرعة نشم شوية هوا وهي تريح اعصابها من الشغل النهاردة شوية وعلشان كمان اصالحها واخفف عنها شوية من الوجع اللي سببتهولها من غير قصد
محمد: طيب وممكن تباتوا هناك لو عايزين
حلا: اه ياريت يا بابا ابتسم محمد عندما سمع كلمة بابا منها وهز رأسه بالموافقة ثم
محمد: اذا كدة تمام اعملي حسابك انو انتي بكرة اجازة
حلا: قصدك ايه
محمد: يعني هتقضي يومك في بيت المزرعة مع مايا
هزت حلا رأسها بالموافقة: اللي تشوفه يا بابا فرحت مايا
مايا: طيب يا حلولتي انا هروح اجهز نفسي على اما تلبسي وتجهزي نفسك يا حبيبتي هزت حلا رأسها بالموافقة خرج الجميع من غرفة حلا ليتركوها تجهز نفسها علشان تروح البيت بتاع المزرعة واتجهت مايا الى غرفتها ثم تحدثت في التليفون
مايا: ها جهزت كل حاجة
المتصل: اه كل حاجة تمام هي جاية معاكي وافقت يعني ولا لا
مايا: عيب عليك يا معلم بس اهم حاجة الخطة تنجح قولي بقى عملته ايه وانا هعمل ايه
المتصل: ....................................
مايا: قشطة عليك يا معلمي يلا سلام قفلت مايا الخط ثم ابتسمت ابتسامة غريبة وكانت فرحانة اوي
___________________________________________
يا ترى ايه اللي هيحصل في بيت المزرعة؟
ومين اللي كان بيكلم مايا وعلاقته ايه بيها وبحلا؟
ياريت تقولولي رأيكوا والا هعرف ان الرواية مش عجباكوا وهوقف التنزيل عايزة تشجيع يا جماعة بدل مايجيلي احباط
